Adiak imtahan suallarinin cavablari

Xülasə məqalə, tezis və ya dissertasiyanın sonuncu 
hissələrindəndir, əsas fikir və tapıntıları nəzərə çatdırır. 
Nəticə akademik yazıların daha qısaldılmış variantıdır. Əsas 
funksiyası yazıda əhatə olunan əsas məqamları yekunlaşdırmaq və bir 
yerə toplamaqdır; buna həm də “geriyəbaxma” deyilir. 
Annotasiyanın mənası kitab, jurnal və məqalənin məzmununun 
qısa şəkildə şərhidir.
Ədəbiyyat icmalının əsas məqsədi seçilmiş elm sahəsində biliyin 
cari sərhədlərini müəyyənləşdirmək, digər tədqiqatlarda ziddiyyətləri 
aşkar etməkdir. 
Referat hər hansı elmi işin, problemin öyrənilməsi və nəticəsi 
haqqında yazılı şəkildə qısa xülasə, eləcə də müvafiq ədəbiyyat, 
məxəzlər əsasında müəyyən mövzuda edilən məruzədir... 

---

30. 
İşgüzar və akademik kommunikasiyada nitq 
mədəniyyəti. 
İşgüzar kommunikasiyada nitq mədəniyyəti gözəl danışmaqla 
auditoriyaya arzuolunan təsir göstərmək, söyləmə ustalığı, mövqeyini 
əsaslandırmaq, sosial hadisə kimi ictimai əhəmiyyətli və ya biznes 
yönümlü məsələlərin müzakirəsi və həllində əməkdaşlığa meyil 
göstərmək, həmsöhbətləri inandıra, istiqamətləndirə bilmək 
bacarığıdır.  
Nitq mədəniyyəti fikir və istəkləri dəqiq ifadəetmə bacarığıdır, bu 
onun effektivliyinin ən vacib şərtidir.
İşgüzar kommunikasiya mədəniyyəti bir-birindən əhəmiyyətli 
dərəcədə fərqlənən bir neçə formaya malikdir: 
İşgüzar danışıqlar. Bu, müəyyən məsələnin həllində maraqlı olan 
tərəfdaşların şəxsi görüşüdür. Belə danışıqların son məqsədi 
müqavilələrin imzalanması və bağlanmasıdır. 
İşgüzar görüş. Birinci formadan fərqli olaraq, burada auditoriya 
daha genişdir və müəyyən məqsəd və vəzifələrin müzakirəsi bir qrup 
mütəxəssis tərəfindən, bir qayda olaraq, bir təşkilatın daxilində 
həyata keçirilir.