Al-lulu vəl-mərcan
Rahat Olan Və Qurtulan Barədə Nə Gəlib?
Yüklə 5,61 Mb. Pdf görüntüsü
|
- Bu səhifədəki naviqasiya:
- Vəqf
- “Zərrə qədər yaxşılıq edən əvəzini alacaqdır, Zərrə qədər pislik edən də əvəzini alacaqdır”. (əz-Zəlzələ 7, 8).
|
554. Əbu Qatadə İbn Ribiyə əl-Ənsari rəvayət edir ki, Rəsulullahın yanından bir cənazə ötdüyü zaman buyurdu: “Rahatlayan və qurtululandır”. Səhabələr: “Ya Rəsulullah! Rahatlayan və qurtululah nədir?” deyə soruşdular. Peyğəmbər: “Mömin qul dünyanın çətinliyindən və əzabından Allahın rəhmətinə qovuşar və rahatlanar, Günahkar qula gəldikdə isə ondan digər qullar. Şəhərlər, ağaclar və heyvanlar qurtularaq istirahət edərlər” deyə buyurdu. (Buxari 6512, Muslim 2245, 950/61)
240 Cənazə Namazında Olan Təkbirlər
555. Əbu Hureyra rəvayət edir ki, Nəcaşinin vəfat etdiyi gün Peyğəmbər onun ölüm xəbərini (əshabələrinə) bildirdi. (Sonra) namazgaha gəlib camaatı cərgəbəcərgə düzdü və dörd dəfə təkbir gətirdi” (Buxari 1245, 1333, Muslim 2247, 951/62)
556. Əbu Hureyrə rəvayət edir ki, Rəsulullah bizə Həbəşilərin məliki olan Nəcaşinin ölüm xəbərini bildirdi və: “Qardaşınız üçün Allahdan məğfirət diləyin” deyə buyurdu. (Buxari 1327, 3880, Muslim 2248, 951/63)
557. Əbu Hureyrə rəvayət edir ki, Rəsulullah Həbəşi məliki Nəcəşi öldükdə onun üçün dörd təkbir gətirdi”. (Buxari 1334, Muslim 2250, 952/64)
558. Cabir İbn Abdullah rəvayət edir ki, Peğəmbər buyurdu: “Bu gün Həbəşilərdən saleh bir qul vəfat etmişdir. Gəlin ona cənazə namazı qılaq”. Cabir: “Biz səff düzəltdik və Peyğəmbər onun üçün cənazə namazı qıldı”. (Buxari 1320, Muslim 2253, 952/66)
241 559. Suleyman əş-Şeybani, Əbu Amr əş-Şeybanidən eşitdim ki, belə dedi: “Mənə, Peyğəmbər (məzarlıqda) kənarda qalmış bir qəbrin yanında dayanıb əshabələrinə namaz qıldırdı və onlar da onun arxasında cərgəbəcərgə namaza durdular” deyə xəbər verdilər. Ona: “Yə Əbu Amr! Bunu sənə kim xəbər verdi?”. O: “İbn Abbas” deyə cavab verdi. (Buxari 857, Muslim 2255, 954/68)
560. Əbu Hureyra rəvayət edir ki, məscidi süpürən bir zənci kişi (və ya zənci qadın) öldü. Peyğəmbər onun barəsində soruşduqda (əshabələr): “O öldü” deyə cavab verdilər. O: “Nə üçün mənə bildirməmisiniz? Mənə onun qəbrini göstərin!” dedikdən sonra onun qəbrinin yanına gəldi və ona cənazə namazı qıldı. (Buxari 458, Muslim 2259, 956/71)
561. Amr İbn Rabia rəvayət edir ki, Peyğəmbər buyurdu: “Sizdən biriniz cənazə gördüyü zaman ayağa qalxsın ta ki, cənazə onu ötənə qədər”. (Buxari 1307, Muslim 2261, 958/73)
562. Amir İbn Rəbiə rəvayət edir ki, Peyğəmbər buyurdu: “Biriniz cənazə gördüyü zaman cənazənin ardınca getməyəcəksə, qoy cənazə onu arxada buraxanadək (və ya yanından keçib gedənədək, yaxud yerə qoyulanadək) ayaq üstə dursun.” (Buxari 1308, Muslim 2262, 958/74)
242 563. Əbu Səid əl-Xudri rəvayət edir ki, Peyğəmbər buyurdu: “Sizdən biriniz cənazə gördüyü zaman ayağa qalxsın. Cənazənin ardıyca getməyəcəksə (dəfn olunana qədər) cənazə onu ötənə qədər oturmsın”. (Buxari 1310, Muslim 2264, 960/76)
564. Cabir İbn Abdullah demişdir: “Yanımızdan cənazə aparırdılar. (Bu vaxt) Peyğəmbər ayağa qalxdı və biz də onunla birlikdə ayağa qalxdıq. Biz dedik: “Ey Allahın elçisi! Axı bu, yəhudinin cənazəsidir.” Peyğəmbər: “Cənazə gördüyünüz zaman ayağa qalxın!”. (Buxari 1311, Muslim 2266, 960/78)
565. Abdurrhman İbn Əbi Leylə rəvayət edir ki, Səhl İbn Huneyf və Qeys İbn Sad Qadisiyyədə olduqları zaman onların yanlarında cənazə ötdü. Onlar həmən ayağa qalxdılar. Onlara: “Bu cənazə, bu ərazinin xalqından, yəni Zimmə əhlidir” dedilər. Onlar: “Peyğəmbərin yanından bir cənazə namazı keçmişdir. Peyğəmbər həmən ayağa qalxdı. Ona: “Bu bir Yəhudi cənazəsi” dedilər. Peyğəmbər: “İnsan deyilmi?” deyə buyurdu. (Buxari 1312, Muslim 2269, 961/81)
566. Səmura İbn Cundəb demişdir: “Mən Peyğəmbərin arxasında dayanıb, nifaslı ikən ölmüş bir qadının cənazə namazını qıldım. Peyğəmbər cənazənin orta (kişi üçün baş tərəfdə durulur) nahiyəsində durdu.” (Buxari 1331, Muslim 2281, 964/88)
243
Zəkat Kitabı
244
567. Əbu Səid rəvayət edir ki, Peyğəmbər buyurdu: “Beş övqiyədən 43 az (gümüşdən) zəkat vermək gərək deyil. Beş dəvədən az sayda olan sürüdən zəkat vermək gərək deyil. Beş vəsqdən 44 az məhsuldan zəkat vermək gərək deyil.” (Buxari 1405, Muslim 2310, 979/1)
568. Əbu Hureyra rəvayət edir ki, Peyğəmbər buyurdu: “Müsəlman bəndə öz atının və köləsinin zəkatını verməyə mükəlləf deyildir.” (Buxari 1463, Muslim 2320, 982/8)
43 Bir övqiyə 40 dirhəmə bərabərdir. Demək, 5 övqiyə 200 dirhəmə bərabərdir. O dövrün 1 dirhəmi 0,7 misqala, 200 dirhəmi 140 misqala – bu da 595 qram gümüşə bərabərdir. Qızıla gəlincə, onun miqdarı iyirmi dinar və bundan artıq olduqda onun qırxda bir hissəsi və ya 2,5 % zəkat verilməlidir. O dövrün 1 dinarı 4,25 misqala, 20 dinarı 85 qram gızıla bərabərdir. “Şərh Zadul Müstəğna” 6/103-104. 44 Bir vəsq 60 saaya, bir saa isə 2,40 kiloqrama buğdaya bərabərdir. “Şərh Zadul Müstəğna” 6/104, Demək, 5 vəsq 300 saaya, bu da 720 kiloqrama buğdaya bərabərdir.
245 569. Əbu Hureyra demişdir: “Peyğəmbər zəkat verməyi əmr etmişdi. Sonra ona İbn Cəmilin, Xalid İbn Vəlidin və Abbas İbn AbdulMuttəlibin zəkat verməkdən boyun qaçırdıqlarını söylədilər. Onda Peyğəmbər buyurdu: “Niyə ibn Cəmil zəkat verməkdən boyun qaçırır?! Axı, Allah və Onun Rəsulu 45
öz zirehlərini, minik heyvanlarını və başqa yaraq-əsləhəsini Allah yolunda vəqf etmişdir 46 . O ki qaldı Abbas İbn AbdulMuttəlibə, o, Rəsulullahın əmisidir və o, öz zəkatını, üstəlik bir o qədərini də verməlidir.” (Buxari 1468, Muslim 2324, 983/11)
Vermələrinin Vacib Olması
570. İbn Ömər rəvayət edir ki, Peyğəmbər fitrə zəkatını müsəlmanlardan kişi və qadın, kölə və azad olmaqla hər birinə xurmadan bir saa 47 , arpadan bir saa olmaqla fərz etdi”. (Buxari 1504, Muslim 2325, 984/12)
571. İbn Ömər rəvayət edir ki, Peyğəmbər fitrə zəkatını xurmadan bir saa, arpadan bir saa olaraq verilməsini əmr etdi. Abdullah: “İnsanlar iki muddu (yarım saa) həmən çəkini etdilər”. (Buxari 1507, Muslim 2328, 984/15)
45 Burada Peyğəmbərin Allahla yanaşı özünü də xatırlatması ona görə idi ki, o, İbn Cəmilin İslam dininə daxil olmasına səbəbkar olmuş və elə bu səbəbdən də ibn Cəmil Allahın izni ilə varlanmışdır. 46 Vəqf – mal və mülkü Allah yolunda dini məqsədlər üçün ayırıb təxsis etmək deməkdir. 47 Saa – ölçü vahididir və dörd mudda bərabərdir. Bir mudd isə insanın iki ovucuna bərabərdir ki, bu da yeddi yüz qrama bərabərdir. “Səmərul Müstətab” 1/28.
246 572. Əbu Səid əl-Xudri rəvayət edir ki, biz fitrə zəkatını hər cür təamlardan (yeyəcək şeylərdən) bir saa olaraq çıxarardıq. Yaxud arpadan bir saa, xurmadan bir saa, dənli bitkilərdən bir saa, quru üzümdən (kişmiş) bir saa olaraq çxardardıq”. (Buxari 1506, Muslim 2330, 985/17)
573. Əbu Səid əl-Xudri rəvayət edir ki, Peyğəmbər vaxtında bizlər fitrə zəkatını hər cür təamlardn (yeyəcək şeylərdən) bir saa verərdik. Xurmdan bir saa, arpdan bir saa, quru üzümdən (kişmiş) bir saa”. Muaviyə (əmir seçildikdən) sonra: “Buğdadan bir mudd, iki mudda bərabər olaraq verərdik”. (Buxari 1508, Muslim 2331, 985/18)
574. Əbu Hureyrə rəvayət edir ki, Peyğəmbər buyurdu: “At üç şey üçündür: Kişi var ki, onun üçün savabdır, Kişi var ki, onun üçün örtüdür (sipərdir fəqirlik və ehtiyacına), bəzisi üçün günahdır. Atı savab olan kimsəyə gəldikdə kişi onu Allah yolunda (cihada) bağlayıb və atını bol geniş bir sahədə və ya baxçada otlamaq üçün buraxmışdır. Atın otluqlarda və bağça-bağda yediyi ota və atın nəcisi və sidiyi sayınca, kişiyə savab yazılar.” At ipini qoparıb bir və ya iki dövrə vurarsa, getdiyi iz və nəcisi qədər sahibinə savab yazılar. Sahibi onu çay kənarına gətirər və ona su içirmək niyyəti olmadan at özü o çaydan su içərsə, içdiyi hər qurtum su miqdarında sahibinə savab gətirər. Amma kişiyə günah gətirən ata gəlincə: “O kişi ki, onu riyakarlıq, fəxr və İslam əhlinə düşmənçilik üçün bağlayar, bu ona günah gətirər”. (Kişiyə sipər olan ata gəlincə: “O kişi ki, atını Allah yolunda bağlayar və onun belində və boynunda olduqda Allahın haqqını unutmaz, bu at ona sipər olar”). Peyğəmbərdən eşşək (sahibləri) barədə soruşuldu. O: “Mənə bu haqda yalnız
247 bu az və ümumi bir ayədən başqa bir şey nazil olmamışdır: “Zərrə qədər yaxşılıq edən əvəzini alacaqdır, Zərrə qədər pislik edən də əvəzini alacaqdır”. (əz-Zəlzələ 7, 8). (Buxari 2860, 3646, Muslim 2339, 987/26)
575. Əbu Zərr demişdir: “(Bir dəfə) mən Peyğəmbərin yanına gedib (gördüm ki,) o, Kəbənin kölgəsində oturub təkrar-təkrar deyir: “Kəbənin Rəbbinə and olsun ki, onlar ziyana uğrayacaqlar! Kəbənin Rəbbinə and olsun ki, onlar ziyana uğrayacaqlar!”. Mən (öz-özümə) dedim: “Mən nə etmişəm? Olmaya məndə bir nöqsan görüb? Axı mən nə etmişəm?”, sonra da onun yanında oturdum. O (dayanmadan bu sözləri) təkrar edirdi. Mən narahat olduğumdan özümü saxlaya bilməyib dedim: “Atam-anam sənə qurban, ya Rəsulullah, kimdir onlar?” Dedi: “Mal-dövləti çox olanlar! Yalnız belə, belə və belə edənlər (Allah yolunda xərcləyənlər) istisnadır.” (Buxari 6638, Muslim 2351, 990/30)
576. Əbu Zərr rəvayət edir ki, bir dəfə Peyğəmbərin yanına gədim. O: “Nəfsim əlində olana və ya Ondan başqa heç bir haqq ilah olmayana və ya and içərək buyurdu: “Dəvələri, inəkləri və qoyunları olan bir kəs bunlardan Allahın haqqını ödəməyəcək olursa Qiyamət günü (həmən heyvanlar) ən iri və kök hallarıyla gətriləcəklər. Sahiblərini buynuzlarıyla vuracaq və ayaqarı altına salaraq əzəcəklər. Sürüdən son heyvan keçənədək (əzab veriləcəkdir), sonra təkrar əvvələ qayıdıb yenidən adamın üzərindən keçməyə başlayacaqlar. Bu hal bütün insanlar arasnda hökm olunana qədər davam edəcəkdir”. (Buxari 1460, Muslim 2347, 990/30)
248 Sədəqə (Zəkat) Verməyə Rəğbətləndirmək
577. Əbu Zərr rəvayət edir ki, Peyğəmbər ilə bərabər Mədinənin çöllərində İşa vaxtı gedirdik. Uhud ilə qarşılaşdıq. Peyğəmbər: “Ey Əbu Zərr! Bu Uhud dağı qədər qızıl əlimə keçmişə olsaydı uçüncü gecəyə ondan məndə bir dinar olduğu halda girməyimi istəməzdim. Yalnız borc üçün hazırladığım dinar müstəsnadır. Önünə, sağına, soluna əli ilə işarə edərək onu Allahın qulları üçün belə, belə edərək (qızılı) sədəqə edərdim. Sonra Ey Əbu Zərr! Mən: “Ləbbeyk Yə Rəsulullah! Sonra (biraz) yürüdük. Heç şübhə yoxdur ki, malı çox olanlar Qiyamət günü savabı ən az olanlardır, yalnız bele, bele edənlər müstəsnadır deyib bundan öncə etdiyi kimi əli ilə işarə etdi. Sonra (bir az yeridikdən sonra) Ya Əbu Zərr! Mən gəlincəyə qədər öz yerində dur!” deyə buyurdu və gözümdən itənə qədər yeridi. Mən bir gurultu və səs eşitdim. (öz- özümə) Peyğəmbərə bir şeylər olar deyə ardınca getmək istədim. Lakin sözlərini: “Mən gələnə qədər buradan tərpənmə” dediyini xatırladım. Peyğəmbər geri döndükdə eşitdiklərimi ona söylədim. Peyğəmbər: “Cəbrail idi, yanıma gəldi və: “Ümmətimdən Allaha şərik qoşmayıb ölən hər kəs Cənnətə daxil olacaq” dedi. Mən soruşdum: “Yə Rəsulullah! Zina və oğurluq etmiş olsa belə?” Dedi: “Zina və oğurluq etmiş olsa belə”. (Buxari 6444, 6268, 1237, Muslim 2351, 94/32)
249 578. Əbu Zərr deyir ki, Gecələrin birində çölə çıxdım, bir də baxdım ki, Rəsulullah tək başına yeriyir. Yanında heç kimsə yoxdur. Yəqin tək olmağını zənn etdim və ayın işığında yeriməyə başladım. Arxaya çönərək: “Kimdir o?” deyə buyurdu. Mən: “Əbu Zərr! Allah məni sənə fəda etsin” dedim. Peyğəmbər: “Yə Əbu Zərr, gəl” dedi. Mən də onunla bərabər bir müddət yeridim. Sonra: “Heç şübhə yox ki, çox mal sahibləri Qiyamət günü savabı ən az olanlardır. Allahın mal-dövlət bəxş etdiyi və onu sağına, soluna, önünə və arxasına xeyirlə sərf edən müstəsnadır”. Sonra bir müddətdə yeridikdən sonra mənə: “Burda otur deyib məni daşlı bir yerdə oturdu. Mən geri dönənə qədər buradan tərpənmə deyib gözdən itənə qədər yeridi”. Bir müddət orada oturandan sonra səsini eşitdim. Həm gəlidi, həm də: “Oğurluq etsədə, zina etsədə belə...” deyə səslənirdi. Yanıma çatdıqda səbr edə bilmədim və: “Ya Rəsulullah! Allah məni sənə fəda etsin! Çöllük tərəfdə kiminlə söhbət edirdin? Mən heç kəsin sənə cavab verdiyini eşitmirdim” dedim. Peyğəmbər: “Cəbrail idi. Çöllük tərəfdə qarşıma çıxaraq: “Ümmətindən Allaha şərik qoşmayıb ölən hər kəs Cənnətə daxil olacağı ilə müjdələ” dedi. Mən: “Ey Cəbrail! Zina və oğurluq etmiş olsa belə?”. Cəbrail: “Bəli” dedi. Əbu Zərr: “Zina və oğurluq etmiş olsa da belə” dedim. Peyğəmbər:”Bəli, hətta içki içsədə belə” deyə buyurdu. (Buxari 6443, Muslim 2352, 94/33)
579. Əhnəf İbn Qeys deyir ki, içərisində Qureyşlilərin öndərlərindən (imkanlılarından) ibarət olan cəmaat içərisində oturduğumuz halda qalın libaslı, sərt üzlü biri gələrək cəmaatın başı üzərində dayandı, salam verdi və: “Mal-dövlət yığanları Cəhənnəm atəşində qızdırılmış daşlarla müjdələ! Bu daşlar onların hər birinin məmə ucuna qoyulacaq və kürək nahiyəsində
250 çıxacaqdır, kürək nahiyəsinə qoyulan da məmə ucundan çıxacaqdır” deyib getdi. (Cəmaatdan heç kəs ona bir şey demədi) mən də onun ardınca getdim. Nəhayət bir dirəyin yanında oturdu. Mən də onun yanında oturub dedim: “Cəmaatın sənin dediklərini xoşlamadıqlarını görürəm”. O: “Onlar dərk etməyən bir (toplumdur). Xəlilim mənə”. Mən: “Xəlilin kimdir?” dedim. O: “Peyğəmbər mənə: “Ey Əbu Zərr! Uhudu görürsənmi?” dedi. Mən: “Günəşin batmağına nə qalıb? Deyə baxdım. Bir ehtiyac üçün məni göndərəcəyini zənn etdim. Bəli, görürəm” dedim. O: “Bunlar qədər qızılım olsaydı üç dinar müstəsna hamısını Allah yolunda xərcləyərdim, bunlar dünyanı toplayırlar, heç bir şeyə ağılları kəsmir”. Əbu Zərr: “Allaha and olsun ki, Allaha qovuşana qədər onlardan nə bir dünyalıq, nə də din naminə onlardan bir şey souşmaram” dedi. (Buxari 1407, 1408, Muslim 2352, 992/34)
Müjdələnməsi
580. Əbu Hureyra rəvayət edir ki, Peyğəmbər buyurdu: “Qüdrətli və əzəmətli Allah buyurur: “(Malından Mənim yolumda) xərclə, Mən də sənə xərcləyəcəyəm.” Peyğəmbər: “Allahın Əli doludur. (Bu nemətlərin) səhər- axşam ardı-arası kəsilmədən xərclənməsi Onun Əlini boş qoya bilməz.” Həmçinin demişdir: “Məgər Allahın göyü və yeri yaratdığı gündən bəri nə qədər xərclədiyini görmürsünüz?! Bu Onun Əlindəkilərin azalmasına (zərrə qədər) təsir göstərməmişdir. O zaman Onun Ərşi suyun üzərində idi, Əlində də tərəzi var idi. O, (bu tərəzini) aşağı endirir və yuxarı qaldırırdı.” (Buxari 4684, Muslim 2355, 2356, 993/36).
Sonra Yaxın Qohumlardan Başlamaq
251
581. Cabir İbn Abdullah rəvayət edir ki, Peyğəmbərin səhabələrindən birinin köləsi barəsində: Həyatımdan sonra sən azadsan – dediyi xəbəri çatdı. Halbuki bu adamın bu kölədən başqa malı yox idi. Peyğəmbər bu malı səkkiz yüz dirhəm müqabilində satdı və onun pulunu həmən adma göndərdi”. (Buxari 7186, Muslim 2361, 997/14)
Valideyinlərə Öz Malından Xərcləməyin Və Sədəqə Verməyin Fəziləti
582. Ənəs İbn Malik demişdir: “Ənsarın arasında Mədinədə ən çox xurma ağacı olan (əshabə) Əbu Təlhə idi. Bunlardan onun ən çox sevdiyi məscidin qarşı tərəfində yerləşən Beyruhə bağı idi. Peyğəmbər tez-tez o bağa gəlib, oradakı dadlı sudan içərdi. (Nəhayət:) “Sevdiyiniz şeylərdən Allah yolunda xərcləməyincə xeyrə nail olmayacaqsınız...” ayəsi nazil olduqdan sonra Əbu Təlhə Peyğəmbərin yanına gəlib dedi: “Ya Rəsulullah! Allah buyurur: “Sevdiyiniz şeylərdən Allah yolunda xərcləməyincə xeyrə nail olmayacaq- sınız...” Mənim də ən çox sevdiyim mal Beyruhə bağıdır. Mən onu Allah yolunda sədəqə verirəm və ümid edirəm ki, Allah yanında bundan da xeyirlisini, axirət mükafatını tapacağam. Götür onu, Allahın sənə məsləhət gördüyü işlərə sərf et, ya Rəsulullah!” Peyğəmbər: “Çox gözəl! Bu mal qazanc gətirəcək, mütləq qazanc gətirəcək! Sənin dediyini eşitdim, lakin məsləhət görürəm ki, bunu öz qohum-əqrəbana sərf edəsən.” Əbu Təlhə: “Belə də edərəm, ya Rəsulallah!” dedi, sonra da onu qohum-əqrəbasının və əmisi
252 oğullarının arasında paylaşdırdı.” (Buxari 1461, 2318, 4554, Muslim 2362, 998/42)
583. Peyğəmbərin zövcəsi Meymunə (malik olduğu) bir cariyəni azad etdi. (Peyğəmbərin onun yanına gəldiyi zaman həmən cariyəni azad etdiyini xəbər verdi). Peyğəmbər: “Əgər cariyəni daılarına hədiyyə etsəydin əcrin daha böyük olardı”. (Buxari 2594, Muslim 2364, 999/44)
584. Abdullahın zövcəsi Zeynəb demişdir: “Mən məsciddə ikən Peyğəmbəri gördüm. O buyurdu: “(Ey qadınlar,) heç olmasa, zinət əşyalarınızdan sədəqə verin!”. (Ravi Amr İbn əl-Haris dedi:) “Zeynəb sədəqəni Abdullaha (İbn Məsuda) və evindəki yetimlərə payladı. Sonra da Abdullaha dedi: “Rəsulullahdan soruş (görək), sənə və evimdəki yetimlərə verdiyim sədəqə (zəkat kimi) qəbul olunurmu?” Abdullah: “Özün Rəsulullahdan soruş” dedi. Zeynəb: “Mən Peyğəmbərin yanına getdim və qapının ağzında mənim kimi sual vermək istəyən ənsardan olan bir qadına rast gəldim. (Bir qədər) sonra Bilal bizim yanımıza gəldi. Hər birimiz (ona eyni sualı verib) dedik: “Rəsulullahdan soruş (görək), ərimə və evimdəki yetimlərə verdiyim sədəqə (zəkat kimi) qəbul olunurmu?”. Sonra (Bilala): “Bizim kim olduğumuzu ona bildirmə” dedik. Bilal içəri daxil olub (bu haqda) Peyğəmbərdən soruşduqda o: “Kimdir onlar?” deyə soruşdu. Bilal: “Zeynəbdir” dedi. Peyğəmbər: “Hansı Zeynəbdir?” deyə soruşdu. Bilal: “Abdullahın zövcəsidir” dedi. Peyğəmbər: “Bəli, (qəbuldur) və o buna görə iki qat savab – həm qohumluğun savabını, həm də sədəqənin savabını qazanır.” (Buxari 1466, Muslim 2365, 1000/45)
253 585. Ummu Sələmə demişdir: “Mən dedim: Ya Rəsulullah, (malımdan) Əbu Sələmənin uşaqlarına xərclədiyimə görə mənə savab çatırmı? Axı, onlar həm də mənim uşaqlarımdır?”. Peyğəmbər: “(Malından) onlara xərclə, xərclədiyin qədər savab qazanacaqsan.” (Buxari 1467, 5369, Muslim 2367, 1001/47)
586. Əbu Məsud əl-Ənsari rəvayət edir ki, Peyğəmbər buyurdu: “Bir müsəlman əvəzini Allahdan umaraq (malından) ailəsinə bir şey xərcləsə, bu onun üçün sədəqə sayılar.” (Buxari 5351, Muslim 2369, 1002/48)
587. Əsma Bint Əbu Bəkr demişdir: “Peyğəmbərin zamanında anam müşrik olduğu halda mənim yanıma gəldi. Mən bu məsələ ilə bağlı Peyğəmbərə müraciət etdim və dedim: “Anam gəlib, ona qayğı göstərməyimi istəyir. Mən onunla əlaqə saxlaya bilərəmmi?” O: “Bəli, əlaqə saxlaya bilərsən” dedi.” (Buxari 2620, Muslim 2372, 1003/50)
Yüklə 5,61 Mb. Dostları ilə paylaş:
|