Ali MƏKTƏb pedaqogikasi

29. Təhsil sistemi anlayışı. Azərbaycanda təhsil sistemi.

Azərbaycanda təhsil sistemi

Təhsil sistemi məfhumu. Bu məfhumu dörd başlıca əlamət səciyyələndirir.

Birinci əlamət – təhsil sisteminin konkret ölkə ilə bağlılığıdır. Hər ölkənin özünəməxsus, özünün sosial-iqtisadi və mədəni-siyasi vəziyyətinə uyğun gələn təhsil sistemi formalaşır.

İkinci əlamət – təhsil müəssisələrini nəzərdə tutur. Bu və ya digər ölkədə fəaliyyət göstərən təhsil müəssisələri təhsil siste- mində əhatə olunur.

Üçüncü əlamət – təhsil müəssisələri arasında qarşılıqlı əlaqənin olmasıdır: mövcud təhsil müəssisələri qarşılıqlı əlaqə sayəsində sistem əmələ gətirir.

Dördüncü əlamət – təhsil sisteminin idarə olunmasıdır.

Göstərilən əlamətlərə əsasən təhsil sistemi məfhumunun mahiyyətini Milli pedaqogika belə ifadə edir: hakimiyyət orqanlarının nəzarəti ilə ölkədə qarşılıqlı əlaqə şəraitində fəaliyyət göstərən tədris müəssisələrinin məcmusu təhsil sistemidir.