|
Əmir Səlim oğlu Hümbətovun dediklərindən: — Ayın 26-da səhərə yaxın qapıda idim. Birdən yeddi-
səkkiz erməni həyətə doluşdu. Onların başçısı Arno adlı bir erməni idi. Avtomatın qundağı ilə təpəmə vurub,
məni yerə sərdilər. huşumu itirdim. Qaldırıb maşına qoyanda özümə gəldim. Məni Stepanakertə aparanda
Samantökülən dərənin yanında düşürdülər. Burda saqqallı bir erməni, yaralı bir kişi və bir arvad vardı. Saqqallı
erməni baltanı götürüb məni doğramaq istəyəndə erməni arvadı ağlayıb-yalvardı ki, qoca kişidir, onu
öldürməyik. O, bu gündən sonra əlinə silah alıb bizimlə döyüşməyəcək ki?!
Mən də yalvardım ki, məni öldürürsünüz avtomatla öldürün. Nə isə məni öldürməyib Stepanakertə
apardılar. Bir həftədən sonra buraxdılar. Məni buraxmaq üçün Xocalıdan keçirib, gətirəndə yolun kənarında bir
kişi meyidi gördüm. Aşağıda Allahverdi Həsənovun darvazasının qabağında da bir meyid vardı. Amma onların
kimlər olduğunu tanıya bilmədim.
Dostları ilə paylaş: | 
