Eti̇ka və gender: Sosi̇al-əxlaqi̇ davranişin təhli̇li̇ 58 razları da diqqəti cəlb edir. Qadın və kişilərin qəhrəmanlıq
ruhu əsərdə güclü, kaloritli boyalarla işlənmişdir. Ən ma-
raqlısı isə budur ki, Dədə Qorqud igidlik göstərməyən öv-
ladlara – oğul və qızlara ad qoymaqdan imtina edir. Yalnız
qəhrəmanlara onların layiq olduğu adlar verilir.
Qadın obrazlarının geniş təsvir və təqdim edildiyi şi-
fahi xalq nümunələrindən biri də “Koroğlu” qəhrəmanlıq
dastanıdır. Tədqiqatçı Y.İsmayılovanın qeyd etdiyi kimi,
“Koroğlu” dastanındakı qəhrəman-sevgili münasibətlərini
bir epik ənənə başlanğıcı baxımından “Kitabi-Dədə Qorqu-
d”da görürük. Bu xüsusilə Beyrək-Banuçiçək süjetində
işıqlandırılır və qadınların epik təsvir cizgiləri “Koroğlu”
eposundakı qadın obrazlarının təsvir cizgilərində də “tək-
rarlanır”. Yəni Dədə Qorqud eposundakı qızlar igid, qəhrə-
man, at minən, qılınc oynadan, ox atan, güləşən qızlar oldu-
ğu kimi, “Koroğlu” dastanındakı qadınlar da eyni igidliklər
göstərməyə qadirdir. Məhəbbət dastanlarındakı passiv qa-
dın obrazlarının əvəzində, burada qəhrəman qadın obraz-
larını görürük. Başqa cür ifadə etsək, dastanın tipinə görə
qəhrəmanlıq təkcə kişilərin yox, eyni zamanda qadın ob-
razların davranışında da ifadə olunur. Beləliklə, “Koroğlu”
dastanı bütün personajlar sistemində qəhrəmanlığı nümayiş
etdirir (87: 84-85).
Müəllifin yazdığı kimi, həqiqətən “Koroğlu” dastanın-
da qadın obrazlarını fəallıq və kəmiyyət baxımından ötəri,
fraqmentar olaraq görmürük. Belə ki, qadın obrazlarının
həm sayca çoxluğu, həm də epik təsvir baxımdan dolğun-
luğu bu obrazların dastanın personajlar sisteminin mühüm
məziyyətlərini təşkil etdiyini söyləməyə imkan verir.
Qadın obrazlarının içərisində mərkəzi yeri təbii ki,
Koroğlunun sevgilisi Nigar xanım tutur, ancaq bundan
