Olov - sof ruhni ifoda etuvchi element.Transsendent (ideal) tamoyil.
Oraliq okean(Midland Ocean) — Spaykmen tomonidan ilgari surilgan atama bo‘lib, SHimoliy Amerika va Evropa yagona geosiyosiy makon hisoblanadi va ana shu yagona makonning o‘rtasidagi suv, ya’ni Atlantika okeani Oraliq okean(Midland Ocean) hisoblanadi.
Partizan - SHmit tomonidan ilgari surilgan atama bo‘lib, u geosiyosiy kuch ustidan g‘alaba qiluvchi quruqlik unsurining ramziy himoyachisi hisoblanadi.
Passionarlik - Gumilev tomonidan ilgari surilgan atama bo‘lib, etnik guruhning ichki quvvati, madaniy, siyosiy va geosiyosiy yaratuvchilik faoliyatining harakatlantiruvchi kuchi.
Periferiya (markazdan chetdagi, uzoqdagi joylar)— strategik poytaxtdan, geosiyosiy nuqtai-nazardan asosiy qarorlarni qabul qiluvchi shaxsdan uzoqda joylashgan, o‘zining mustaqil geosiyosiy yo‘nalishiga ega bo‘lmagan makon va erni ifodalovchi tushuncha.
Possibilizm - fransuz olimi Vidal de lya Blash tomonidan ilgari surilgan g‘oya “possible” so‘zidan olingan bo‘lib, «ehtimol» ma’nosini anglatadi. Geografik determinizmni geosiyosiy nuqtai-nazardan qanday talqin etish maqsadga muvofiq ekanligini tushuntiradi. Possibilizm nazariyasiga ko‘ra, jug‘rofiy hudud, ya’ni joylashuv shu hududdagi davlat tarixini to‘liq oldindan belgilab bermaydi, balkifaqat uning u yoki bu yo‘nalishda rivojlanishi mumkinligini talqin qilishga yordam beradi.
Provinsiya -asosiy geosiyosiy tuzulma tarkibiga kiruvchi va tabiiy butunlikning ajralmas qismi hisoblanuvchi chekka hududlar. Koloniyaatmasiga zid atama
Rivojlanish joyi - Savitskiy tomonidan ilgari surilgan atama bo‘lib, u geosiyosiy nuqtai-nazardan ma’lum xususiyatga ega bo‘lgan makon yoki oddiy makonni ifoda etadigan tushuncha sifatida ifodalangan.
Sanitar kordon - jiddiy blok tuzish imkoniga ega bo‘lgan va uchinchi tomon uchun xavfli hisoblangan ikkita yirik qo‘shni davlatni beqarorlashtirishga xizmat qiluvchi sun’iy geosiyosiy tuzulma. Evroosiyoni qit’a miqyosida integratsiyalashuvga qarshi turishda atlantistlar strategiyasidagi mumtoz yondashuv.
