Ijodiyot psixologiyasi - badiiy qadriyatlarni o‘zlashtirishda, ularning yangi ko‘rinishlarini ijod qilishda va shu qadriyatlar inson tomonidan idrok qilishda kechadigan psixologik holatlarni hamda bu holatlarning shaxs hayoti, faoliyatiga ta’sirini o‘rganuvchi psixologiya sohasi. Ijod psixologiyasi bir tomondan psixologizm ta’siri ostida, ikkinchi tomondan esa aksilpsixologizm iskanjasida rivojlanadi. Psixologizm tarafdorlari badiiy asarlar yaratilishi individual ong ta’sirida vujudga keladi, deb talqin qilishadi. Aksilpsixologizm bu asarlarga sub’ektning psixik faolligining ta’sirini inkor qildi.
Hozirgi zamonda san’at asarlarining tarixiy jihatdan ularni ijodkorlarining shaxsiy xususiyatlari birlamchi ekanligidan kelib chiqiladi. Zamonaviy san’at psixologiyasi san’atkorlarning qobiliyatlarini asar yaratishda hissiy ko‘rinishlarni, shaxslararo munosabatlarni psixologik nuqtai nazardan o‘rganadi. San’atda inson ruhiy olamini amaliy jihatdan tekshirish, baholash, o‘ziga xos jihatlarini guruhlash, individual, guruhiy, jamoaviy ta’sir xususiyatlarini sharhlash imkoniyati mavjud. San’at psixologiyasi ijtimoiy tarbiya berishning psixologik mexanizmlari, yo‘llari, qonuniyatlari, metodlari kabilarni tadqiq etuvchi muhim sohalardan biridir. Bugungi kunda uning quyidagi sohalari o‘z tadqiqot predmeti va ob’ektiga egadir: ijod psixologiyasi, san’at psixologiyasi, badiiy tarjima psixologiyasi, badiiy ijodiyot psixologiyasi, xalq amaliy san’ati psixologiyasi, badiiy me’morlik psixologiyasi kabilar.
