Andijon mashinasozlik instituti

Baxt.  Hayotning  ma‘nosi  ideal  bilan  bog‘liq  bo‘lgani  kabi  baxt  atamasini  ham  hayotning  ma‘nosi 
tushunchasidan ajratib olingan holda tahlil etish mumkin emas. Zero, baxt inson o‘z hayoti ma‘nosini qay darajada 
tushungani  va  shu  ma‘nodan  umri  mobaynida  qoniqish  hosil  qilib  borishidan  iboratdir.  Har  bir  insonda  qoniqish 
hissi undagi maqsadlarning takomilga yetganidagina ro‘y beradi. Faqat bu takomilga yetish jarayoni bir umr davom 
etadi. SHu ma‘noda buyuk ajdodimiz Abu Nasr Forobiy: «Baxt – har bir inson intiladigan maqsad, zotan u muayyan 
komillikdir», – deganida ko‘p jihatdan haq edi.
126
 
                                                 
125
 Толстой Л.Н. Собрание сочинений в 22 т. Т. 16.  М., ИХЛ, 1983. С. 151. 
126
 Аль – Фараби. Социально-этические трактаты. Алма  –  Ата, «Наука», 1973. С. 3. 

Faqat  bu  qoniqish  ham  davomiylik  tabiatiga  ega  ekanini  unutmaslik  lozim,  uni  lazzat  bilan  aynanlashtirish 
to‘g‘ri  emas.  Lazzat  oniylik  xususiyatiga  ega,  o‘zini  faqat  jarayondagina  namoyon  etadigan  hodisa  va  u  moddiy 
hayotdagi  real,  ammo  o‘tkinchi  ehtiyojlardan  kelib  chiqadi.  Masalan,  gastronomik  yoki  shahvoniy  lazzatni  olib 
ko‘raylik: deylik, siz kabobni xush ko‘rasiz  va lazzatlanib yeya boshlaysiz, lekin bir oz  muddat o‘tgach, to‘yasiz, 
boshqa  yegingiz  kelmay  qoladi;  shahvoniy  lazzat  ham  shunday.  Baxt  esa  ma‘naviy  ehtiyoj  bilan  bog‘liq,  unda 
maqsadlarga birin–ketin erisha borish, qoniqish jarayoni, boya aytganimizdek, bir umr to‘xtamaydi va doimo lazzat 
va zavqni o‘z ichiga oladi. 
Baxt  garchand,  orzu  kabi  idealning  hissiy–ehtirosli  shakli  sifatida  ko‘zga  tashlansa-da,  aslida  undan  farqli 
o‘laroq, shaxsning intilishini  emas,  shu intilishning ro‘yobini anglatadi.  Har bir intilishning ro‘yobga chiqishi esa 
muayyan tayyorgarlikni va kurashni taqozo etadi. Buyuk shoirimiz G‘afur G‘ulomning: 
Taqdirni qo‘l bilan yaratur odam, 
G‘oyibdan kelajak baxt bir afsona, – 
degan hikmatli satrlari shu jihatdan diqqatga sazovor.
127
 
Baxt  haqida  gap  ketganda,  albatta,  omad  to‘g‘risida  to‘xtalib  o‘tish  lozim.  Omad  ham  lazzatga  o‘xshash 
oniylik  tabiatiga  ega.  Lekin  bu  oniylikda  lazzatdagidek  takrorlanish  xususiyati  yo‘q:  odamga  omad  hayoti 
mobaynida kamdan–kam kulib boqadi. Omadning ana shu jihati haqida qrim–tatarlarning qadimgi asotiri bor. Unga 
ko‘ra, Omad ma‘buda ekan, kunlardan birida uning o‘g‘li Yerni tomosha qilaman deb osmondan tushibdi–yu, qaytib 
chiqmabdi.  SHu–shu  Omad  Yerga  tushib,  hanuz  bolasini  qidirarmish.  Ma‘budaning  yuzi  yo‘q,  faqat  qoq  miyasi 
ustida  bittagina  ko‘zi  bor  ekan.  SHu  bois  u  to‘g‘ri  kelgan  o‘tkinchini  tutib  olib,  o‘g‘limmikan  deb,  balandga 
ko‘tarib,  ko‘ziga  olib  borib  qararkan  va  o‘g‘li  emasligiga  ishonch  hosil  qilgach,  osmonu  falakdan  pastga  qaratib 
itqitib yuborarkan. Omad o‘z qo‘liga tushganlarning hammasiga shunday munosabatda bo‘lar ekan. 
Darhaqiqat, mazkur asotirda omadning o‘tkinchilik mohiyati juda chiroyli va majoziy ochib berilgan; bir umr 
omadli odam yo‘q, omad – tasodif, baxt – zaruriyat; omad – istisnoli, baxt – qonuniy hodisa. Omad – shaxsning bir 
zumlik  holatini  aks  ettiradi,  baxt  esa  inson  nimaga  erishmog‘i  lozim,  degan  savolga  bir  umr  mobaynidagi  amaliy 
javobdir. 
Baxtni tushunish har bir davrda, ma‘lum tarixiy sharoitda millat, shaxs va jamiyatning taraqqiyot darajasiga 
qarab,  turlicha  muayyanlashish  xususiyatiga  ega.  Ya‘ni,  ideal  kabi  uning  ham  tabiati  o‘zgaruvchan. 
Axloqshunoslikda  baxt  mezoniy  tushunchasini  alohida  o‘rganadigan  an‘anaviy  evdeymonchilik  deb  ataladigan 
yunoncha «eudaimonja» (baxt) so‘zidan olingan yo‘nalish mavjud. 
O‟lim  va  o‟lmaslik.  O‘lim  va  o‘lmaslik  ahloqshunoslikdagi  eng    murakkab  tushunchalar.  Avvalo  shuni 
aytish kerakki, o‘lim shu paytgacha ahloqiy tushuncha sifatida «rasmiy» olib qaralmagan. Vaxolanki uni eng katta 
yovuzlik, eng ulkan baxtsizlik tarzida talqin etish odat tusiga kirgan. Mantiqan olib qaralganda, ezgulik va baxtning 
ziddi bo‘lgan bu tushuncha axloqqa taaluqli,  ya‘ni illatdir. Zero o‘lim oliy qadriyat bo‘lmish inson hayotini kesib 
qo‘yadi,  uning  ezguliklar,  yaxshiliklar  qilishga  bo‘lgan  imkoniyatini  yo‘qqa  chiqaradi.  Masalan,  Ibn  Sino,  juda 
bo‘lmaganda, yana o‘n yil yashaganida, 67 yoshga kirganida qanchadan–qancha ezgu ishlar qilgan, falsafa, tibbiyot 
va  badiiy  adabiyot  sohasida  ko‘plab  buyuk  asarlar  yaratgan  bo‘lur  edi.  O‘lim  uni,  u  orqali  bizni  ham  ana  shu 
ma‘naviy ezguliklaridan mahrum  qildi. Demak, o‘lim, faqat biologik yoki tabiiy tushuncha emas, uning mohiyati 
ahloqiylik bilan chambaras bog‘liq. To‘g‘ri, o‘lim – haq. Lekin bu yerda o‘limning turlari mavjudligini unutmaslik 
lozim. 
O‘limning birinchi turi, bu tabiiy, tashqi tabiat va inson ichki tabiati bilan bog‘liq  o‘lim. U ikki xil bo‘ladi: 
birinchisi  –  odatiy  o‘lim,  u  qarilik  tufayli,  inson  a‘zolarining  hayotni  davom  ettirishga  yaroqsizligi  tufayli  ro‘y 
beradi. Ikkinchisi – halokat, u biror bir tabiiy ofat, yoki tasodiflar tufayli voqe bo‘ladigan o‘lim. 
Ikkinchi turdagi o‘lim – jamiyat bilan bog‘liq, u ham ikki xil bo‘ladi. Birinchisi  – majburiy o‘lim, u odatda 
jazo  shaklida  amalga  oshiriladi.  Ikkinchi  xili  –  bu  dunyodagi  azob–uqubatlardan,  ular  hoh  ruhiy,  hoh  jismoniy 
bo‘lsin,  qutilib,  uyqu  bilan  mangu  orom  olish  uchun  ixtiyoriy  tarzda  amalga  oshiriladigan  o‘lim,  totli  o‘lim  yoki 
evtanaziya  deb  ataladi.  Ayni  ana  shu  ikkinchi  turdagi  o‘lim  ahloq  bilan  bog‘liq.  CHunonchi  ikkinchi  turdagi 
o‘limning  birinchi  xili  –  ulkan  yovuzlik  hisoblanadi.  SHunga  ko‘ra,  o‘lim  jazosi  yovuzlikka  qarshi  yovuzlik 
ko‘rsatishdir. Bu haqda keyinroq bafurja to‘xtalamiz. 
Ixtiyoriy o‘lim, aytilganidek, ba‘zan ruhiy iztiroblar orqali hayotda o‘z o‘rnini topa olmaganligi, o‘zi uchun 
eng ulug‘ hisoblangan maqsadiga erisha bilmaganligi natijasida ro‘y beradi. Bunday holat goho ommaviy tus olishi 
ham  mumkin,  o‘tgan  asr  80  yillarining  ikkini  yarmida  sobiq  totalitar  rejim  iskanjasidagi  O‘zbekistonda  ayollar 
orasida  o‘zlarini  yoqib  yuborish  xolatlari  ko‘plab  yuz  berdi.  Yuzlab  ayollar  (asosan  kolxozchilar)  og‘ir  jismoniy 
mehnat,  quvonchsiz  shaxsiy  hayot,  reaksion  urf–odatlar,  turmushdagi  yetishmovchiliklar  tufayli  hayotdan  ko‘z 
yumdilar.  Ular  ixtiyoriy  o‘limni  qabul  qildilar.  Bunday  o‘lim  aslida  yashashni  istamaslik  emas,  balki  aksincha, 
SHopenenhauer  aytganidek,  yashash  istagi  tufayli  yuz  beradi,  ya‘ni  o‘zini  o‘ldirayotgan  odam  yashashni  istaydi, 
faqat o‘zi yashayotgan hayotdagi shart sharoitdan, jamiyat qoidalaridan norozi, hayotni emas, anna  shu noinsoniy 
sharoitni tark etish maqsadda shunday qiladi, kimlargadir yoki jamiyatga achiqma–achchiq hayotdan ko‘z yumadi. 
Ixtiyoriy  o‘limning  ikkinchisi  ko‘proq  inson  salomatligini  yo‘qotishi,  kuchli  jismoniy  og‘riqlardan  xalos 
bo‘lishga intilishi, yuqorida aytilganidek, o‘limni mangu orom, totli abadiyat sifatida qabul qilishi bilan izohlanadi. 
Bunday o‘lim ko‘pincha tibbiyot odobi masalalari bilan bog‘liq. Masalan, surunkali jismoniy og‘riq natjasida, faqat 
                                                 
127
 Ғулом Ғ. Танланган асарлар. Т., Ўздавнашр, 1953, 363-б. 
 

kuchli  narkotik  dorilar  bilan  uyquga  ketadigan  og‘ir  ahvoldagi  bemor,  oxir–oqibat  bir  –  ikki  oydanmi,  bir–ikki 
yildan  keyinmi,  baribir,  o‘limga  maxkumligini  his  etgach,  tibbiyot  xodimidan  o‘zini  dori  dozasini  kuchaytirish 
orqali o‘ldirib qo‘ya  qolishni iltimos qiladi.  Tibbiyot  xodimi qanday qaror qabul qilishi kerak? Bemorni o‘ldirish 
orqali  og‘ir  azoblardan  qutqarish  axloqiylikka  kiradimi  yoki  axloqsizlikkami?  Bu  muammolar  hali  uzil–kesil  hal 
etilgan emas. Bundan tashqari.  har ikki holatdagi o‘limda  o‘z  xohishi bilan o‘limni barvaqt istagan, Xudo bergan 
umrni o‘zi qisqartirishga ahd qilgan odam ahloqlimi yoki ahloqsizmi? 
O‘zini  o‘zi  o‘ldirish  gunoh,  lekin  o‘zini  ham,  oila  a‘zolarini  ham  qiynab  yashash–chi?  Ikkinchi  xolatda  u 
matonat, mardlik ko‘rsatib, «o‘ladigan kasalning o‘lgani, bo‘ladigan ishning bo‘lgani ma‘qul» degan maqolga amal 
qilgani  ahloqiylikmi  yoki  ahloqsizlikmi?  Bu  savollarga  birdan  va  bir  tomonlama,  qat‘iy  javob  berish  hozir  ham 
mushkul, barcha davrlarda ham mushkul bo‘lib kelgan. 
O‘lim  borasidagi  mulohazalarda  yana  bir  muhim  masalaga  to‘xtalamoq  joiz.  Xo‘sh  o‘lim,  odatda  qabul 
qilingan tarzida, eng ulkan yovuzlikmi? Bunga dialektik yondashuv orqali javob berish lozim. O‘lim og‘ir yo‘qotish. 
«Lekin o‘z-o‘zicha u tabiiy hodisa – yovuzlik emas... U uzoq davom etgan biologik evolyutsiya mobaynida foydali 
va zarur ahamiyatga ega bo‘ldi»
128
. 
Darhaqiqat,  o‘lim  va  hayot,  boshqacha  aytganda,  hayot  va  mamot  bir  –  biri  bilan  uzviy  dialektik  bog‘liq 
tabiiy  hodisalardan.  Bu  dunyoda  hayotsiz  o‘lim,  o‘limsiz  hayotning  bo‘lishi  mumkin  emas.  Buni  Lametri  obrazli 
qilib shunday izohlaydi: «Narsalar dunyosida, o‘lim arifmetikadagi nolning o‘zgasini boshqa narsa emas»
129
 Faqat 
bevaqt,  fojeaviy  o‘limni  yovuzlik  tarzida  talqin  etish  mumkin.  CHunki  aynan  shunday  o‘lim  tufayli,  yuqorida 
aytganimiz, insonni jamiyat va oila uchun qiladigan ezgu ishlar to‘xtaydi. 
Biz  fojeaviy  o‘lim  deganda  ham  ikki  xil  o‘limni  tushunishimiz  lozim:  birinchisi  –  tasodifiy,  tabiiy  yoki 
texnikaviy  halokatlar  tufayli  ro‘y  beradigan  o‘lim.  Unda  tabiiylik  mavjud,  ikkinchisi  –  estetikadagi  fojeaviylik 
tushunchasiga taaluqli o‘lim, unda fojeaviylik qaxramonlikni vujudga keltiradi, o‘lim – ijtimoiy hodisaga aylanadi. 
Boshqacharoq aytganda,  Yangi g‘oya  uchun zamon bilan  kurashib, o‘zini  fido qilgan  shaxs qahramonlarcha  halok 
bo‘ladi, ya‘ni erkinlik sub‘ektda, zaruriyat ob‘ektda beriladi va ob‘ekt sub‘ektning ustidan g‘alaba qozonadi, lekin 
bundan buyog‘iga, sub‘ektning g‘oyalari bilan yashaydi, bundan o‘sha inson ijtimoiy – axloqiy ideal sifatida maqom 
topadi, jisman halok bo‘ladi, lekin ruhan, ma‘nan u uzoq zamonlar yashaydi yo abadiiy o‘lmaslikka erishadi. 
CHunki  fojeaviy  qahramon  «o‘z  erkini  yo‘qotishi  bilan  aynan  ana  shu  erkinlikning  mavjudligini  isbotlab, 
o‘zining erkin ixtiyorini e‘lon qilib, halok bo‘ladi».
130
 
Biz  o‘lmaslik  deganida  asosan  ana  shu  holatni,  ijtimoiy  –  ahloqiy  ideal  sifatidagi  o‘lmaslikni  tushunamiz. 
Jisman o‘lmaslik to‘g‘risidagi fikrlar esa tibbiyot muammosi bo‘lib, unga erishishning imkoni yo‘q, zero, keksayish, 
inson a‘zolarining qarishi mavjud ekan, ular albatta o‘limga olib boradi. 
Ba‘zi tadqiqotchilar, chunonchi, I. V. Vishev, inson kosmosga chiqmasdan oldin, kosmos haqida  fikrlagan, 
ilmiy ishlar olib borgan edi, o‘lmaslik haqida ham shunday fikr bildirsa bo‘ladi, fan taraqqiyoti shunga olib kelish 
mumkin degan hayotbaxsh ruhdagi farazni ilgari suradi. Ayni paytda bu masalada «amaldagi o‘lmaslik» tushunchasi 
bilan «o‘lmaslik» tushunchasini qorishtirib yubormaslik muxim shart» ekanini ta‘kidlab o‘tadi.
131
. Demak, o‘lmaslik 
mavjud va u ahloqiy tushuncha sifatida olib qaralishi lozim. SHu ma‘noda axloqiy yuksak, fidoyi, ijtimoiy–axloqiy 
idealga aylangan insonlargina abadiylikka daxldordir. 
SHunday  qilib,  biz  axloqshunoslik  mezoniy  tushunchalarini  imkon  qadar  ko‘rib  chiqdik.  Ushbu  nisbatan 
qisqacha tahlilning o‘zi ham ularning axloqshunoslik sirlarini ochishda ilmiy kalit sifatida naqadar katta ahamiyatga 
ega ekanini ko‘rsatib turibdi. Boshqacha qilib aytganda, mezoniy tushunchalar axloq nazariyasining asosini tashkil 
etuvchi  mehvarlardir,  barcha qolgan  katta–kichik  tushunchalar  ular  atrofida  aylanib,  axloq  haqidagi  ilmni  vujudga 
keltiradi. 
Axloqiy tamoyillar 
Asosiy  mezoniy  tushunchalar  –  kategoriyalar  singari  axloqiy  tamoyillar  ham  axloqiy  anglash  shakllaridan 
hisoblanadi.  Ularda  axloqiy  talab  nisbatan  umumiy  tarzda  ko‘zga  tashlanadi.  Ular  jamiyat  tomonidan  shaxsga 
qo‘yiladigan talab shaklida namoyon bo‘lib, insonning axloqiy mohiyatini, uning hayoti mazmunini, odamlar bilan 
o‘zaro  aloqalaridagi  asosiy  jihatlarni  belgilab  beradi.  Natijada  tamoyillar,  inson  xatti–harakatining  umumiy 
yo‘nalishini ko‘rsatgan holda, ko‘pgina axloqiy me‘yorlar uchun asos bo‘lib xizmat qiladi. 
Insonparvarlik.  Axloqiy  tamoyillarning  eng  qadimiy  va  eng  muhimlaridan  biri  –  insonparvarlik.  U  – 
insonning  yuksak  ijtimoiy  vazifasini  belgilaydigan  va  barqaror  etadigan  g‘oyalar,  qarashlar  va  e‘tiqodlar  majmui, 
shaxs  erki,  qadr–qimmati,  uning  baxtli  bo‘lish  huquqini  talab  etish  imkonining  mavjudligiga  yengilmas  ishonch. 
Insonparvarlik  tamoyilini  dastlab  Ovro‘pa  Uyg‘onish  mutafakkirlari  ilgari  surganlar,  degan  fikr  mavjud.  Aslida, 
insonparvarlik  dastavval  SHarqda  o‘rtaga  tashlangan,  insoniylik,  insonparvarlik  degan  ma‘noni  bildiruvchi 
«namlulu» so‘zi bundan 3–4 ming yillar avvalgi Qadimgi Somir giltaxtalarida uchraydi.  
Umumjahoniy  dinlarning  hammasida  ham  insonparvarlik  g‘oyalari  ustuvor  hisoblanadi.  CHunonchi, 
musulmon  manoqiblarida  turli  variantlarda  uchraydigan  mashhur  rivoyat  bor.  Rivoyat  qilinishicha,  Xudoga 
yetishgan  odamning  xonadoniga  yemak  so‘rab  bir  majusiy  kiradi.  Mezbon,  unga  musulmon  bo‘lsang,  qorningni 
to‘ydiraman, bo‘lmasa yo‘q, deydi. Majusiy ko‘nmay chiqib ketadi. SHunda Xudodan, nega unga taom bermading, 
                                                 
128
 Ламонт К. Иллюзия бессмертия -  М., Политиздат, 1984. С. 276. 
129
 Ламетри Ж.О. Сочинения . М., «Мысль», 1983. С. 371. 
130
 Шеллинг Ф. Философия исскуства М., «Мысль», 1966. С. 403. 
131
 Вишев И.В. Проблема личного бессмертия. Новосибирск, «Наука», Сибирское отделение, 1990. С. 217. 

degan  nido  keladi.  Mezbon,  u  kofirlikdan  kechmagani  uchun  shunday  qildim,  deb  javob  beradi.  SHunda  Tangri 
mezbonga, kofir bo‘lsa ham, axir mening bandam–ku, inson–ku, deb tezda uni qaytarib kelib, qornini to‘ydirishni 
buyuradi. 
Demak, insonparvarlikning ibtidosi Tangridan va har bir inson boshqalarga mehr–muhabbat, muruvvat bilan 
munosabat  qilmog‘i  lozim.  Zero,  Hadisi  sharifda  «Odamlarga  rahmli  bo‘lmagan  kishiga  Allohning  ham  rahmi 
kelmaydi», deyiladi. Ushbu hadis so‘zlariga mos misolni nasroniylikda ham uchratish mumkin. Buyuk rus faylasuf 
yozuvchisi F.Dostoevskiyning «Aka–uka Karamazovlar» romanida  «Bir bosh piyoz» degan bob bor. Unda roman 
qahramonlaridan biri Grushenka tilidan shunday rivoyat keltiriladi: 
Qadimda  bir  johil  kampir  bo‘lgan  ekan,  o‘libdi–yu,  o‘lganidan  so‘ng  undan  biror–bir  yaxshilik  qolmabdi; 
shaytonlar  uni  olovli  ko‘lga  irg‘itishibdi.  O‘ng  farishta  o‘ylab  qolibdi:  qani  endi  kampirning  biror–bir  fazilatini 
topsa–yu,  Xudoga  yetkazsa!  SHunda  kampirning  tomorqadan  bir  bosh  piyozni  yulib  olib,  gadoy  ayolga  sadaqa 
qilganini eslabdi–da, uni Xudoga aytibdi. Xudo shunda farishtaga: bor, o‘sha bir bosh ko‘k piyozni olib, uzat, agar 
unga osilib ko‘ldan chiqsa, kampir jannatga kirsin, mayli, agar piyoz uzilib ketsa, o‘sha yerda qoladi, debdi. Farishta 
kampirga  piyozni  uzatibdi  va  kampir  osilib  chiqa  boshlabdi,  endi  qutulib  chiqay  deganda,  qarasa,  boshqa 
gunohkorlar  ham  uning  ketidan  chumoliday  osilib  ko‘ldan  chiqib  boryapti.  Badfe‘l  kampir  ularni  tepib  pastga 
tushirishga  urinib:  «Senlarni  emas,  meni  tortib  chiqaryapti,  piyoz  senlarniki  emas,  meniki»,  debdi.  SHu  gaplarni 
aytib bo‘lar–bo‘lmas piyoz uzilib ketibdi va kampir hozirgacha o‘sha olovli ko‘lda azob chekar emish.
132
 
Misollardan ko‘rinadiki, insonparvarlik – umuminsoniy qadriyatlar sirasiga kiradi. SHu sababli uni sho‘rolar 
davrida  sinfiylik  nuqtayi  nazaridan  soxtalashtirish  muvaffaqiyatsizlikka  uchradi,  proletar  diktaturasi  va  totalitar 
sotsialistik  tuzum  hamda  ular  ijodkorlarining  insonparvarligi  haqidagi  afsonalar  juda  qisqa  umr  ko‘rdi.  Sotsializm 
mafkurachilarining  bu  boradagi  sa‘y–harakatlari  o‘sha  davrlardayoq  noilmiyligi,  yolg‘onga  sug‘orilganligi  bilan 
kishilarning  g‘ashini  keltirgan  edi.  Bunday  insonparvarlikni  xalq  qabul  qilmaydi.  CHunki  u  aynan  o‘ta  mavhum 
«xalq» tushunchasiga qaratilgan, vaholanki, insonparvarlik markazida muayyan shaxs turmog‘i lozim. Har bir shaxs 
insoniy  huquqlarini  ta‘minlash  uchun  kurashish  –  mana,  insonparvarlikning  asosiy  vazifasi.  Bu  borada 
umumbashariy ma‘naviy qadriyatlarni ustuvor deb bilgan bizning davlatimiz ham mamlakat ichkarisida, ham dunyo 
miqyosida ko‘zga ko‘rinarli ishlar qilmoqda. Zero, biz qurayotgan erkin fuqarolik jamiyati nafaqat insonga mehr–
muhabbat  va  izzat–hurmat  ko‘rsatishni  asosiy  tamoyil  qilib  olgan,  balki  shaxsning  har  tomonlama  kamol  topishi 
uchun zarur bo‘lgan haqiqiy insoniy shart–sharoitlarni yaratishni ham o‘z oldiga oliy maqsad qilib qo‘ygan. 
Erkparvarlik. Agar insonparvarlik tamoyili shaxsning barcha insoniy haq–huquqlari himoyasida tursa, ya‘ni 
ancha keng qamrovli va umumiy intilish bo‘lsa, erkparvarlik tamoyili uning ma‘lum ma‘noda muayyanlashgan bir 
qismi  hisoblanadi.  Erkparvarlik  insonning  eng  oliy  huquqi  –  erkin,  ozod  yashash  huquqini  himoya  qilishi  bilan 
muhimdir.  Zero,  erksiz  inson  –  asir,  erksiz  millat  –  qul,  erksiz  mamlakat  –  mustamlaka.  Erkparvarlik,  avvalo,  o‘z 
millati, o‘z Vatani erki uchun, qolaversa, boshqa millatlar va vatanlar erki uchun kurashni hayotining maqsadi qilib 
qo‘ygan insonlar tamoyilidir. 
Erkparvar inson qullikning,  mutelikning har qanday ko‘rinishini inkor etishi barobarida inson huquqlarining 
tom ma‘nodagi jangchisiga ham aylanadi. Bu jangchi bir tomondan, har bir shaxsning so‘z erkinligi, o‘z fikrini erkin 
bayon  qilishi,  saylash  huquqi,  vijdon  erkinligi  uchun  kurashadi,  ikkinchi  tomondan,  butun–butun  millatlar  erki 
masalasini o‘rtaga tashlar ekan, ma‘lum ma‘noda milliy ozodlik harakatlari uchun ham turtki beradi. 
Odatda, erkparvar shaxslar muayyan davrning qahramonlariga aylanadilar. Zero, ular o‘zgalar erki uchun o‘z 
erkini, o‘z hayotini qurbon qilishdan ham cho‘chimaydilar. Buning yorqin misoli buyuk ingliz mumtoz shoiri Jorj 
Bayron siymosidir. U ingliz bo‘laturib, o‘z vatani Angliyada Irlandiya ozodligi, irlandlar erki uchun kurashdi: hayrat 
va nafratga uchradi, Vatanni tark etishga majbur bo‘ldi. O‘z yurtida erk uchun kurashish baxtidan mahrum bo‘lgan 
shoir  o‘zga  vatanlar  erki  uchun  kurashga  otlandi  va  Italiyani  Avstriya  istibdodidan  ozod  qilish  harakatining 
rahbarlaridan biriga aylandi. Bu haqda u shunday deb yozgan edi: 
Erk uchun Vatanda qilolmasang jang, 
Sen qo‘shni vatanlar erki deb kurash; 
Tut Yunon, Rumoning tug‘ini tarang, 
Boshingni tika bil erk uchun sarkash! 
Ezgulik yo‘lida bo‘lsang qahramon, 
Sen inson erki deb kurashsang azot, 
Bir kuni, sirtmoqdan gar qolsang omon, 
Jo‘mard deb alqagay seni odamzod!
133
 
Italiyadagi ozodlik harakati mag‘lubiyatga uchragach, Bayron Qadim Yunonistonni Turkiya zulmidan ozod 
qilish uchun kurashdi. U Yunonistonda, botqoqlik yonidagi Missolungi shahrida og‘ir bezgakdan vafot etdi. Uning 
o‘limi  ham  istibdodga  qarshi  shiorga  aylandi.  Benazir  shoir,  Yunonistonning  ozod  qilingan  qismi  general–
gubernatori,  erksevar  qo‘mondon  va  ulug‘  inson  xotirasiga  yunon  xalqi  yigirma  bir  kun  qora  kiyib,  motam  tutdi. 
Hamma  cherkovlarda  Bayron  haqqiga  ibodat  qilindi.Darhaqiqat,  erkparvarlik  tamoyilini  hayotining  ma‘nosi  deb 
bilgan insonlarning ma‘naviy umri boqiy, ular kelajak avlodlar uchun ideal bo‘lib qoladilar.  
Ayni paytda, bu tamoyil keng ijtimoiy–siyosiy ma‘noda ham qo‘llaniladi. Buni erkparvar davlatlar faoliyatida 
ko‘rish  mumkin.  SHuni  ham  aytish  kerakki,  erkparvarlik  tamoyilidan  bir  oz  bo‘lsa–da,  o‘z  manfaatlari  yo‘lida 
                                                 
132
 Достоевский Ф.М. Собрание сочинений в 15 т. Т. 9, ч. I – III. А., «Наука», 1991. С. 394. 
133
 Byron. Selections. M., «Progress publishers», 1979. P. 242. 

foydalanishga,  shu  orqali  siyosiy  obro‘  olishga  intilish  hollari,  afsuski,  uchrab  turadi.  Ba‘zi  davlatlar  tomonidan 
o‘zga  mamlakatlar  ichki  ishlariga  aralashish  uchun  erkparvarlikni  niqob  qilib  ish  ko‘rishga  urinishlar  ham  yo‘q 
emas. Biroq, bunday siyosiy qallobliklar jahon jamoatchiligi tomonidan darhol ilg‘ab olinadi va fosh etiladi. Zero, 
erkparvarlik  eng  avvalo  shaffoflik  darajasidagi  poklikni,  halollikni  talab  qiladi,  ozginagina  dog‘ni  ham  ko‘tara 
olmaydi. 
Vatanparvarlik.  Eng  ma‘lum  va  mashhur  tamoyil,  bu  –  vatanparvarlik.  U  insonning  o‘z  Vataniga 
muhabbatini,  uni  asrab–avaylashga  bo‘lgan  ishtiyoqini  anglatuvchi  axloqiy  tushuncha.  Uni  ko‘pincha  Vatan 
dushmanlariga  qarshi  ma‘naviy–mafkuraviy  qurol  sifatidagina  talqin  etadilar.  Aslida  esa  bu  tamoyilning  qamrovi 
ancha keng – u insonparvarlikning nisbatan muayyanlashgan shakli. U, eng avvalo, o‘z vatandoshlari erkini asrash 
uchun  kurash,  inson  ozodligi  yo‘lidagi  xatti–harakatlardir.  Vatan  himoyasi,  bu  –  inson  himoyasi,  millat  himoyasi. 
Lekin  bu  himoya,  yuqorida  aytganimizdek,  faqat  jang  maydonida  emas,  balki  barcha  sohalarda  ham  namoyon 
bo‘lishi mumkin. Har jabhada Vatan erishgan muvaffaqiyatlardan quvonch, muvaffaqiyatsizliklardan qayg‘u hissini 
tuyush, Vatan bilan g‘ururlanish, uning har bir qarich yeriga, binosining har bir g‘ishtiga, qadimiy obidalariga, ilm–
fan  va  san‘atdagi  yutuqlariga  mehr  bilan  qarash,  ularni  ko‘z  qorachig‘idek  asrab–avaylash  bular  hammasi 
vatanparvarlikdir. 
Vatanparvarlik  tamoyili  Vatan  tushunchasini  fidoyilarcha  idrok  etish,  muayyan  hudud  va  xalqqa  muhabbat 
hissi  singari  omillar  bilan  bog‘liq.  Zotan,  ma‘lum  bir  mamlakat  fuqarosi  o‘sha  mamlakatdagi  asosiy  etnik  guruh 
vakili  bo‘lmasligi  ham  mumkin.  Turli  shart–sharoit  taqozosi  bilan  boshqa  bir  hududga,  mamlakatga  kelib,  qolib 
ketgan  fuqarolar,  o‘z  tarixiy  vatanidan  olisda  tug‘ilganlar  kam  emas.  Ularning  ko‘pchiligida  «tarixiy  Vatan» 
tushunchasi  xayoliy  bir  qo‘msash,  shirin  g‘ussa,  o‘tkinchi  intilish  tarzida  ifoda  topadi.  Aslida  esa  bu  –  mazkur 
Vatanga  muhabbat  emas,  balki  o‘z  ajdodlariga,  olis  xotiraga  hurmatdan,  ekzotik  hissiyotlardan  kelib  chiqadi; 
haqiqiy  muhabbat  esa,  sharoit  har  ikki  Vatandan  birini  tanlashni  taqozo  etganda,  hozir  yashab  turgan  Vatani  va 
vatandoshlariga nisbatangina mavjud ekani aniq–ravshan ayon bo‘ladi. 
Mazkur  holatni  ajoyib  gurji  yozuvchisi  Nodar  Dumbadze  o‘zining  «Hellados»  hikoyasida  g‘oyatda  jonli 
tasvirlab bergan: Suxumining Venetsian ko‘chasida Yanguli ismli yunon bola otasi bilan birga yashaydi. Uning chap 
ko‘ksida «Hellados» (Ellada) degan sanchma yozuv bor, u bu bilan faxrlanib yuradi. Lekin, vaqt kelib, yunonlarga 
tarixiy  vatanlariga  qaytishga  ruxsat  berilganida,  Yanguli  ketishni  istamaydi.  Otasi  qattiq  kaltaklab,  majbur  qiladi. 
Do‘sti Jamol undan nega otang bilan birga ketmoqchimassan, deb so‘raganida Yanguli shunday javob beradi:  
 «Qandoq  tushuntirsamikin...  –  deya  gap  boshladi  u  nihoyat.  –  Onam  yo‘q,  hatto  eslolmayman  ham.  Otam 
uzzukun  tomorqada  yoki  tirikchilik  tashvishida...  Men  ko‘chada,  Venetsian  ko‘chasida  katta  bo‘ldim...  Mening 
Vatanim, mening Elladam  bu – Suxumi, ko‘cha, CHalbash... 
– Bu nima bo‘lmasa? – Men Yangulining ko‘kragini ochib baland ovozda o‘qidim: Hellados. 
– Bu – naqsh, Jamol. Vatan – ichkariroqda, naqd yurakning o‘zida! – Yanguli qo‘lini ko‘ksiga qo‘ydi.  
O‘pkam  to‘lib,  tomog‘imga  achchiq  bir  narsa  qadaldi,  unga  yana  bir  nimalar  demoqchi  edim–u,  ammo 
Yanguli eshagini no‘xtasidan yetaklab, hovlidan chiqib ketdi».  
Otasi zo‘rlab, kaltaklab kemada olib ketishiga qaramay, Yanguli o‘z asl Vatanidan ketishni istamaydi, o‘zini 
dengizga tashlab, Vatani bag‘rida halok bo‘ladi. Buni yozuvchi shunday tasvirlaydi: 
«Oradan bir kun o‘tib, Kelasuri daryosining quyilish joyida dengiz to‘lqinlari bir bolaning jasadini sohilga 
chiqarib  tashlabdi.  To‘g‘rirog‘i,  uni  keksa  baliqchilar  suvdan  tortib  olib,  qumga  yotqizishibdi.  So‘ng  murdaning 
kimligini  aniqlash  uchun  shu  atrofda  o‘ynab  yurgan  bolalarni  chaqirishibdi.  Marhumning  basharasi  shu  qadar 
dabdala  bo‘lib  ketgan  ekanki,  uni  hech  kim  tanimabdi.  Uni  men  tanidim.  CHap  to‘shining  ustidagi  «Hellados» 
degan  sehrli  yozuvni  ko‘rgandan  keyin  tanidim.  Nafasimni  ichimga  yutgancha  sohildan,  so‘ng  temir  yo‘l  bo‘ylab, 
keyin Venetsian ko‘chasidan to‘xtovsiz yugurib, telbalarcha uyga otilib kirdim. 
– Ha, nima bo‘ldi?!! – Xolamning kapalagi uchib ketdi.  
– Nina xola... Yanguli qaytib keldi... 
So‘ng xolamning oldida cho‘kkalab, oyoqlarini quchoqlab yig‘lab yubordim...»
134
. 
Demak,  vatanparvarlik  tamoyili  xayoliy  tuyg‘uga  emas,  balki  muayyan  zamonga,  muayyan  vatandosh–
insonlarga  bo‘lgan  muhabbatga  asoslangan  axloqiy  xatti–harakatlar  jamuljamidir.  SHu  jihatdan  qaraganda, 
mamlakatimizdagi barcha millatlar tengligini e‘tirof etuvchi, millatidan qat‘i nazar, hammamiz bir Vatan farzandlari 
ekanimizni  ta‘kidlovchi  Konstitutsiyamizning  ana  shunday  demokratik  tamoyillarga  asoslanishi,  yuksak  axloqiy 
zaminga egaligi e‘tibor va e‘zozga loyiqdir. 
Hozirgi  paytda  yoshlarimizda  vatanparvarlik  tuyg‘usini  tarbiyalash,  ularni  Vatan  ma‘nosini  teran  anglab 
yetishga o‘rgatish, vatanparvarlik – yuksak axloqiy tamoyil ekanini tushuntirish axloqshunoslikning dolzarb vazifasi 
hisoblanadi.