Aslanova nozima hakimovna maktabga tayyorlov guruhi bolalarida matematik tasavvurlarni rivojlantirishning metodik asoslari
Maktabgacha ta’lim muassasalari tayyorlov guruhi bolalarida matematik
Yüklə 253,29 Kb.
|
|
2.2. Maktabgacha ta’lim muassasalari tayyorlov guruhi bolalarida matematik
tasavvurlarni rivojlantirishda interaktiv usullardan foydalanish imkoniyatlari Xalq ta’limi tizimini boshqarishning samarali mexanizmlarini joriy etish o‘sib kelayotgan yosh avlodni ma’naviy-axloqiy va intellektual rivojlantirishni sifat jihatdan yanga darajaga ko‘tarishning eng muhim sharti hisoblanadi, shuningdek, o‘quv-tarbiya jarayonida ta’limning innovatsion shakllari va usullarini qo‘llashga ko‘maklashadi. Mamlakatimizda ayni paytda vujudga kelgan shart-sharoitlar o‘qitishning shakli, mazmuni va uni amalga oshirish mexanizmlarini qayta ko‘rib chiqishni va bu jarayonga tegishli o‘zgartirishlarni kiritishni taqozo etmoqda. Xususan, shu kunlarda maktabgacha ta’lim tizimini takomillashtirishga qaratilgan chora-tadbirlarni amalga oshirish uchun tarbiyachilarining malakasini oshirish mazmuni va shakllarini takomillashtirish zarurati paydo bo‘ldi. “Ilk va maktabgacha yoshdagi bolalar rivojlanishiga qo‘yiladigan davlat talablari” hamda “Ilk qadam” maktabgacha ta’lim muassasasining Davlat o‘quv dasturini amalda joriy etish, shu asosda maktabgacha ta’lim muassasalari tarbiyachilari malakasini oshirish jarayonlarining mazmunini takomillashtirish hamda ularning kasbiy kompetentligini muntazam oshirib borishni nazarda tutadi. Shuningdek, maktabgacha ta’lim muassasalari tarbiyachilariga ta’limda innovasion texnologiyalar, mashg‘ulotlarni metodik jihatdan to‘g‘ri tashkil etishning mazmun va mohiyatini ochib beradi. Maktabgacha ta’lim muassasalarining tayyorlov guruhlarida elementar matematik tasavvurlarni shakllantirish mashg‘ulotlarini o‘tkazish va bu mashg‘ulotlarni samarali tashkil etish, bolalarning matematik tushunchalarini, sensor tuyg‘ularini o‘stirish, bolalarga son-sanoq, kattalik, geometrik shakl, tevarak-atrofda mo‘ljal olish, vaqtni chamalash haqida tushunchalar berishni ko‘zda tutadi. Dastur asosida olib boriladigan ishlarni to‘laqonli amalga oshirish esa, tarbiyachilardan mashg‘ulotlarni tashkil etish va o‘tkazishga oid kasbiy bilim va ko‘nikmalarini malaka talablari asosida chuqurlashtirish, yangilash va ta’lim-tarbiya jarayonida zamonaviy texnologiyalardan foydalanish yo‘llarini egallashlarini nazarda tutadi. Buning uchun maktabgacha ta’lim muassasalari tarbiyachilarining zamonaviy pedagogik texnologiyalari va metodlari haqidagi bilim, ko‘nikma va malakalarini rivojlantirishlari, mashg‘ulotlarni tashkil etish usullari, samarali yo‘llarni qo‘llash orqali mashg‘ulotlarni o‘tkazishlari, zamonaviy yondashuvlar va innovatsiyalarni amalga oshirishlari, mashg‘ulot ishlanmalarini ishlab chiqishga qo‘yilgan zamonaviy talablarni o‘zlashtirishlari, mashg‘ulotlar jarayonida integratsiya va innovasiyalardan foydalanishlari zarur. Shuningdek, ular mashg‘ulotlarda tarbiyalanuvchilarning faolligini oshirishga xizmat qiladigan interfaol ta’lim shakllari, metodlari va vositalaridan samarali foydalanishlari, mashg‘ulotlarni tashkil etish va o‘tkazishda rivojlangan mamlakatlardagi jahon tajribalaridan foydalanish ko‘nikmalarini egallashlari, mashg‘ulotning didaktik ta’minotini takomillashtirish kompetensiyalariga ega bo‘lishlari bolalarda matematik tasavvurlarni rivojlantirishda asos bo‘lib xizmat qiladi. Bular tarbiyachilarning kasbiy pedagogik tayyorgarlik darajasini orttirishga xizmat qiladi. Chunki ta’lim tizimiga, jumladan maktabgacha ta’lim tizimiga xam yangi pedagogik texnologiyalar, interfaol usullar kirib kelmoqda. Bu usullar sirasiga ta’limiy o‘yinlarning bir qancha turlaridan matematik tasavvurlarni rivojlantiruvchi interfaol o‘yinlar, idrokni o‘stirishga qaratilgan o‘yinlar, diqqatni rivojlantirishga qaratilgan o‘yinlar, xotirani o‘stirishga qaratilgan o‘yinlar, tafakkurni o‘stirishga qaratilgan o‘yinlar, o‘yin vositalari yordamida va o‘yin vositalarisiz amalga oshiriladigan o‘yinlar va individual mashqlar misol bo‘ladi. Pedagogik nuqtai nazardan to‘g‘ri tashkil etilgan o‘yin bolaning axloqiy, irodaviy xususiyatlarini shakllantirish bilan birga unda bilim olishga, atrofdagi olam sirlarini ochishga qiziqish uyg‘otadi. Shuning uchun maktabgacha ta’lim muassasalarida o‘yin texnologiyalaridan keng foydalanish kerak. O‘yin texnologiyasi an’anaviy ta’limdagi o‘yin metodidan o‘zining aniq maqsadi, amalga oshirish kerak bo‘lgan jarayonlarning mantiqiy ketma-ketligi va o‘zaro bog‘liqligi, oldindan belgilangan natijalarga erishish kafolati bilan farq qiladi. Birinchi navbatda matematik tasavvurlarni rivojlantiruvchi interfaol Yüklə 253,29 Kb. Dostları ilə paylaş:
|