Atrofimizdagi olam

 
MUHOKAMA VA NATIJALAR 
Tabiiy-ilmiy bilimlarni kompetensiyaviy yondashuv asosida o‘rgatish 
jarayonining o‘ziga xos xususiyati, uning mazmuni va metodikasi innovatsion 
xarakterga ega ekanligi bilan belgilanadi. Kompetensiyaviy yondashuvga tayangan 
holda tabiiy bilimlarni o‘rgatish jarayoni o‘quvchilarning amaliy ko‘nikmalarini 

---

ACADEMIC RESEARCH IN EDUCATIONAL SCIENCES 
VOLUME 1 | ISSUE 4 | 2020 
ISSN: 2181-1385 
Scientific Journal Impact Factor (SJIF) 2020: 4.804 
Academic Research, Uzbekistan 628  www.ares.uz 
faollashtirish bilan bir qatorda, atorof-muhitga nisbatan ongli munosabat hamda estetik 
dunyoqarashni shakllantiradi. Bu esa boshlang‘ich sinf o‘quvchilarida atrof-muhit, 
tabiat hodisalarini o‘rganish mayllarini uyg‘otishga hizmat qiladi. Buning uchun 
tabiiy-ilmiy bilimlarni kompetensiyaviy yondashuv asosida o‘rgatish jarayoni oldiga 
quyidagi maqsadlar qo‘yiladi: 
- tabiiy-ilmiy bilimlarni o‘rgatishga yo‘naltirilgan “Atrofimizdagi olam”, 
“Tabiatshunoslik” darslarida o‘quvchilarga taqdim etiladigan o‘quv materiallari, 
savol-topshiriqlar, o‘yinlar, multimedia vositalarini tanlashda ularning tabiat va atrof 
olamga bo‘lgan qiziqishlari, o‘rganish mayllari, istak va ehtiyojlarini aniq hisobga 
olish; 
- boshlang‘ich sinf o‘quvchilarida o‘zi va sinfdoshlari tomonidan o‘rganilgan 
bilimlarni amaliy faoliyatda qo‘llash ko‘nikmalarini nazorat qilish, o‘zi va 
o‘rtoqlarining faoliyat natijalarini baholash, atrof-muhitga nisbatan ehtiyotkorona 
munosabatda bo‘lish tajribasini shakllantirish; 
- tabiat hodisalari bilan bog‘liq holda vujudga keladigan noxush holatlardan 
himoyalanish, o‘z sog‘ligini muhofaza qilish ko‘nikmalarini hosil qilish, gigienik 
talablarga rioya etish ko‘nikmasini hosil qilish; 
- tabiiy-ilmiy bilimlarni o‘rganish bilan bog‘liq bilish faoliyatini kengaytirishga 
xizmat qiladigan o‘quv materiallarini tanlash va o‘quvchilarga taqdim etish; 
- tabiiy-ilmiy bilimlarni o‘zlashtirish va qo‘llash bilan bog‘liq bilish usullaridan 
foydalana olishga o‘quvchilarni o‘rgatish; 
- tabiat bilan ongli muloqotni amalga oshirish usullarini qo‘llay olishga 
o‘quvchilarni odatlantirish; 
- boshlang‘ich sinf o‘quvchilarida tabiiy-ilmiy bilimlarni mustaqil o‘rganish va 
o‘z amaliy faoliyatlarida qo‘llash tajribasini hosil qilish va hokazo.