Atrofimizdagi olam

ACADEMIC RESEARCH IN EDUCATIONAL SCIENCES 
VOLUME 1 | ISSUE 4 | 2020 
ISSN: 2181-1385 
Scientific Journal Impact Factor (SJIF) 2020: 4.804 
Academic Research, Uzbekistan 627  www.ares.uz 
holda tabiiy hodisalarni o‘rganish va ular ustida amaliy faoliyat bajarishlariga 
imkoniyat yaratish. 
4. Ochiqlilik prinsipi. Tabiiy-ilmiy bilimlarni kompetensiyaviy yondashuv 
asosida o‘rgatishda o‘quvchilarga tabiat hodisalari va ular haqidagi bilimlarni mustaqil 
bilim olish asosida o‘rganishlariga imkoniyat yaratish. 
5. Tabiatga nisbatan ongli munosabatda bo‘lish prinsipi. Boshlang‘ich sinf 
o‘quvchilariga tabiiy-ilmiy bilimlarni kompetensiyaviy yondashuv asosida 
o‘rgatishda, amaliy faoliyat jarayonida tabiatni asrash, tabiiy jismlarni ehtiyot qilish, 
ularga ziyon yetkazmaslikka intilish ko‘nikmalari ham hosil qilinishi lozim. 
Mazkur prinsiplar kompetensiyaviy yondashuv asosida o‘quvchilarga tabiiy-
ilmiy bilimlarni o‘rgatish jarayonini loyihalashda muhim ahamiyatga ega bo‘lib, tabiat 
va inson munosabatlarini ijobiy nuqtai nazardan rivojlantirish, o‘quvchilarda ekologik 
bilim va ko‘nikmalarni hosil qilish, tabiatga nisbatan ehtiyotkor munosabatda bo‘lish 
tajribasini shakllantirishga xizmat qiladi. 
Tabiiy-ilmiy bilimlarni kompetensiyaviy yondashuv asosida o‘rgatish 
jarayonida muayyan kompetensiyalarni shakllantirish samaradorligini ta’minlash 
uchun quyidagilarga e’tibor qaratish tavsiya etiladi:
- o‘quvchilarda tabiatga nisbatan aniq nuqtai nazarni shakllantirish; 
- tabiat hodisalariga nisbatan ilmiy asoslangan ma’lumotlarni o‘quvchilarga 
taqdim etish; 
- tabiat hodisalarining inson faoliyati bilan bevosita bog‘liqligini o‘quvchilar 
ongiga yetkazish; 
- tabiat hodisalari haqidagi bilimlarini sinovdan o‘tkazish maqsadida o‘quvchilar 
oldiga aniq savollar qo‘ya olish; 
- tabiat hodisalari bilan bog‘liq holda muayyan farazlarni ilgari surishga 
o‘quvchilarni o‘rgatish; 
- tabiat hodisalari ustida kichik-kichik tadqiqotlar o‘tkazishga o‘quvchilar 
e’tiborini qaratish hamda ushbu tadqiqotlar jarayonida yo‘l qo‘ygan xatolarini bartaraf 
etishlariga ko‘maklashish; 
- boshlang‘ich sinf o‘quvchilariga tabiiy hodisalarni o‘rganish, jonzotlar va 
o‘simliklarga nisbatan o‘z his-tuyg‘ularini ifodalash imkonini berish kabilar.