Ayrı-seçkilik әleyhinә Avropa hüququ üzrә mәlumat kitabı

3.4.4.1.  Avropa Konvensiyası və məhkəmə sisteminə 

çatımlılıq konteksti

AİHK-nın 6-cı Maddəsində məhkəmə sisteminə (ədalət mühakiməsinə)

çatımlılıq ayrıca bir hüquq kimi təsbit edilib. AIHM ədalət mühakiməsinə

çıxış sahəsində ayrı-seçkilik halları ilə bağlı bir sıra işlərə baxıb:

Misal: Paraskeva Todorova Bolqarıstana qarşı işdə yerli məhkəmənin

ərizəçinin  məhkumluğunun  şərti  cəza  ilə  əvəz  edilməsi  üzrə

mürəciətindən  imtina  etməsi  və  bunun  etnik  azlıqlar  arasında

cəzasızlıq  mədəniyyətinin  artmasına  qarşı  tədbir  olaraq

əsaslandırılması 14-cü Maddə ilə birlikdə götürüldükdə 6-cı Maddənin

pozulması kimi dəyərləndirilib.

145

Misal: yuxarıda müzakirə olunan Moldovalı və digərləri Rumıniyaya

qarşı (N. 2) işdə mülki və cinayət proseslərinin həddən artıq təxirə

salınması  (birinci  qərarın  verilməsi  üçün  7  ilin  sərf  edilməsi)  6-cı

Maddənin pozulmasına səbəb olub.

146

Ləngimələrin həm çoxsaylı

prosesual səhvlərdən, həm də məmurların romalı (qaraçı) ərizəçilərə

qarşı  ayrı-seçkiliyə gətirib çıxaran qərəzli münasibətindən irəli gəldiyi

müəyyən edildi. Bu isə 14-cü Maddə ilə birlikdə götürüldükdə 6-cı

Maddənin pozulması kimi dəyərləndirildi.

Misal:  Anakomba  Yula  Belçikaya  qarşı işdə  ərizəçinin  milli

qanunvericiliyə  əsasən  məhz  Belçika  vətəndaşı  olmaması

səbəbindən dövlət tərəfindən verilən atalıq müavinətini ala bilməməsi

14-cü Maddə ilə birlikdə götürüldükdə 6-cı Maddənin pozulması kimi

dəyərləndirildi.

147

Burada qeyri vətəndaşların dövlət tərəfindən verilən

tam maddi dəstəyi almaqla bağlı mütləq hüququ olduğu təklif edilmir.

Belə olan şəraitdə AİHM-in belə qərar verməsinə bir neçə faktor təsir

edib. Bu faktorlardan biri də  odur ki, hətta baxmayaraq ki, ərizəçi

yaşayış icazəsini yeniləmək prosesində idi, məhz həmin anda yaşayış

icazəsi olmadığına görə ona müavinət verilməsindən imtina edilib.

Əlavə olaraq, AİHM qərarını həm də belə bir faktla əsaslandırdı ki, 

90

Ayrı-seçkilik əleyhinə Avropa hüququ üzrə Məlumat kitabı

_____________________________________

145. AİHM, Paraskeva Todorova Bolqarıstana qarşı (Paraskeva Todorova v. Bulgaria) (No. 37193/07),

25 mart 2010.

146. AİHM Moldovan və Başqaları Rumıniyaya qarşı (Moldovan and Others v. Romania) (no. 2) (N.

41138/98 və 64320/01), 12 iyul 2005.

147. AİHM, Anakomba Yula Belçikaya qarşı (Anakomba Yula v. Belgium)  (No. 45413/07), 10 mart 2009,

4.7-ci Fəsildə müzakirə edilmişdir.

---

ölkədə  atalıq  işləri  ilə  bağlı  bir  il  müddətində  müraciət  etmə

məhdudiyyəti mövcud idi, buna görə də, ərizəçinin müavinət üçün

müraciət  etmək  məqsədi  ilə  yaşayış  icazəsini  yeniləməyə  qədər

gözləməsini ehtimal  etmək ağlabatan deyildi.