S ə d r: (imza) R.Babaxanov K a t i b: (imza) H.Hacıyeva
11. RƏY. "Rəy" ərəb sözü olub bir şey – əsər, tamaşa, konsert, kinofilm və s. haqqında fikir, mülahizə söyləməkdir. Rəyin yazılmasına verilən tələblər:
1. Rəyin başlığında onun nəyə və ya kimə verilməsi göstərilir;
2. Başlıq hissənin altında ortada böyük hərflə "Rəy" sözü yazılır;
3. Yeni sətirdən rəyin ümumi məzmunu şərh olunur. Haqqında rəy yazılan şey, hadisə, fakt təhlil olunur, onun müsbət və çatışmayan cəhətləri göstərilir;
4. Rəyin müəllifi müəyyən nəticəyə gələrək öz təklif və tövsiyələrini bildirir;
5. Rəy tamamlandıqdan sonra rəyçi imzasını qoyur, ardınca adını və soyadını, titulunu qeyd edir;
6. Rəyçi imzasının altından ayın tarixini bütöv şəkildə yazır.
Nümunə:
Azərb. DBTİA-nın "İdman oyun növləri" fakültəsinin magistrantı Hüseynov Hüseyn Əlihüseyn oğlunun "Gənc futbolçularda maksimal aerob dözümlülüyün tədqiqi" mövzusunda yazdığı magistr dissertasiyasına Rəy
Gənc futbolçularda təkcə texniki və taktiki fəndlərin təkmilləşdirilməsi məsələsi deyil, eləcə də futbolçuların aerob 371 dözümlülüyü məsələsi bu gün bütün aktuallığı ilə bu sahənin mütəxəssislərini maraqlandırır. Magistraturanı qurtarmaq ərəfəsində olan H.Hüseynov Akademiyanın futbol komandasının oyunçusu kimi çoxillik oyun təcrübəsinə istinad etməklə maraqlı mülahizələrlə dissertasiya işini bitirmişdir. Dissertasiya giriş, iki fəsil, nəticə və istifadə olunmuş ədəbiyyat siyahısından ibarətdir. Girişdə dissertasiya işinin məqsəd və vəzifələri qeyd edilmişdir. Birinci fəsildə əzələlərdə ATF resintezinin anaerob və aerob yolla baş verməsi məsələləri işıqlandırılır. Təqəllus edən əzələdə üç energetik sistemin iştirak etdiyi göstərilir. İkinci fəsildə magistrant qeyd edir ki, uzun müddətli və zəif şiddətli işdə əzələlərin oksigen tələbi tam ödənilir. Lazım olan enerji sulu karbonların və yağların oksidləşməsi nəticəsində alınır. İşin şiddəti artdıqca yağların oksidləşməsi nəticəsində alınan enerjinin istehsalına ehtiyac azalır. Magistrant gəldiyi nəticələri qısa şəkildə xülasə etmişdir. Dissertasiya magistrantın tədqiq etdiyi mövzunu yaxşı başa düşdüyünü göstərir. Yüksək səviyyədə yerinə yetirilmiş dissertasiya işini müdafiəyə buraxmaq olar.
Rəyçi: (imza) Əliyev S.A.
"Ümumi və idman fiziologiyası" kafedrasının dosenti, biologiya elmləri namizədi 26 aprel 2017-ci il
12. TƏQDİMAT. "Təqdimat" ərəb mənşəli "təqdim" sözünün cəm formasıdır. Təqdimatda yuxarı vəzifəli şəxs qarşısında hər hansı bir məsələni qaldırmaq, ona müraciət etmək, kiməsə mükafat və ya müəyyən vəzifə vermək nəzərdə tutulur.
Nümunə:
