Azərbaycan diLİ VƏ Nİtq məDƏNİYYƏTİ MÖvzu 1 azərbaycan diLİ VƏ Nİtq məDƏNİYYƏTİ FƏNNİNİN Əsaslari

Azərbaycan Dövlət Neft və Sənaye Universitetinin
rektoru, professor Mustafa Babanlıya


T Ə Q D İ M A T
Hörmətli Mustafa müəllim!

2018-2019 –cu tədris ilində akademik yükün artması ilə əlaqədar I semestrdə 443.18 saylı qrupda (68,5 saat) əlavə dərs yükü yaranmışdır.Həmin dərs yükünün kafedranın böyük laborantı Quliyeva Gülnar Zəkara qızı tərəfindən tədris olunmasına icazə verməyinizi Sizdən xahiş edirəm.

“Azərbaycan dili” kafedrasının

müdiri Rəsulov R.K.


21.09.2018
13. TƏLƏBNAMƏ. "Tələbnamə" ərəb mənşəli tələb (istəmə, tələb etmə) və fars mənşəli namə (yazı, məktub) sözlərinin birləşməsindən yaranmışdır. Bir şeyin tələb edilməsi, bir işin görülməsi, müəyyən şeyin istənilməsi və ya bir adamın sərəncama göndərilməsi haqqında yazılı rəsmi xahişdir.
Nümunə:
Bakı şəhər Təhsil İdarəsinin
müdiri cənab T.Ə.İsmayılova
Bakı şəhəri 158 saylı məktəbin direktorundan


Tələbnamə
Məktəbdə bədən tərbiyəsi dərslərini səmərəli keçirmək üçün aşağıda adları çəkilən inventarın alınmasına maliyyə vəsaiti ayrılmasını xahiş edirik:
1. Futbol topu - 5 ədəd
2. Güləşmə xalçası - 2 ədəd
3. Voleybol toru - 1 ədəd
4. Stolüstü tennis kompleksi - 1 ədəd.

Nəsimi rayonu 158 saylı ümumtəhsil

orta məktəbin direktoru: (imza) A.A.S.
6 mart 2017-ci il
14.TƏRCÜMEYİ-HAL (AVTOBİOQRAFİYA). "Tərcümeyi-hal" ərəbcə "tərci" (geri çevirmə, təkrar etmə) və hal (surət, vəziyyət) sözlərinin birləşməsindən düzəlmişdir. Tərcümeyi-hal şəxsin öz əli ilə həyatını ətraflı təsvir etməsi, özü haqqında tam məlumat verməsidir. Tərcümeyi-halda şəxs özünün keçdiyi həyat yolunu əks etdirməklə bərabər, ata və anası, ailə üzvləri haqqında da məlumat verir. Tərcümeyi-hala verilən tələblər:
1. Tərcümeyi-hal sözü başlıq kimi vərəqin yuxarı hissəsində ortada yazılır;
2. Tərcümeyi-halda şəxs adını, atasının adını, soyadını, doğulduğu gün, ay, ili və yeri (şəhər, rayon, kənd) şəxsiyyət vəsiqəsində olduğu kimi dəqiq göstərir;
3. Məktəbdə oxuduğu dövrdə apardığı ictimai işləri və nailiyyətləri ardıcıl sadalayır.
4. Ailə üzvləri haqqında qısa məlumat verir;
5. Tərcümeyi-hal şəxsin öz xətti ilə yazılır, sonda şəxsi imza qoyulur və altında yazılma tarixi göstərilir;
Nümunə:
Tərcümeyi-hal
Mən, Əliyev Məmməd Həsən oğlu, 21 dekabr 1999-cu ildə Bakı şəhərində (İsmayıllı rayonunun Mücü kəndində) anadan olmuşam. 2005-ci ildə Bakı şəhərindəki 150 saylı məktəbin birinci sinfinə daxil olmuş, 2016-cı ildə həmin məktəbi bitirmişəm. Həmin ildə də ali təhsil almaq üçün sənədlərimi Azərbaycan Dövlət Neft və Sənaye Universitetinə vermişəm. Hazırda "Neft mühəndisliyi" fakültəsinin ikinci kursunda oxuyuram. Ailəmiz dörd nəfərdən ibarətdir:
Atam – Kərim Məmməd oğlu Əliyev 1965-ci ildə İsmayıllı rayonunda anadan olmuş, 1991-1993-cü illərdə Qarabağ döyüşlərində iştirak etmiş, yaralanmış, II dərəcəli müharibə veteranıdır. Hazırda pensiyaçıdır.
Anam – Ofelya Cümşüd qızı Əliyeva 1970-ci ildə İsmayıllının Sülüt kəndində anadan olmuşdur. O, Bakı Qızlar Seminariyasını bitirmişdir. Hazırda sinif müəllimi işləyir.
Bacım – Tünzalə Kərim qızı Əlisoy 2001-ci ildə anadan olmuşdur. Hazırda Bakı şəhərindəki 150 saylı məktəbin X sinfində oxuyur.
İmza: M.H.Əliyev
20 dekabr 2016-cı il