Yazılı və görsəl media quruluşlarında şirkətlər haqqında yeni investisiya, şikrət birləşməsi, şirkət alqı satqısı kimi xəbərlərə rast gəlinməkdədir. Bu xəbərlərin bir qismi tanıtım və reklam tipli xəbərlərdir. Bu xəbərlər vakansiya xəbərləri olmasa da iş axtaranlara yeni işlər baradə müəyyən fikirlərin formalaşmasına səbəb olaraq iş müraciətində ilkin mərhələ rolunu oynayır.
İşçi tövsiyələri ilə iş axtarma
Firmalarda vakansiyaların olub olmadığını öyrənməyin bir yolu da firma işçilərindən işlədikləri yerlər haqqında məlumatların əldə edilməsidir. Bu tərz iş axtarma sürətli və hədəflənmiş iş tapmağa kömək edir. İşçiləri vasitəsilə yeni əməkdaşların şirkətə cəlb edilməsi firmaların da marağındadır. Çünkü namizəd haqqında daha asan yolla məlumat əldə etmiş olurlar. Şirkət mənafeyi nöqteyi nəzərdən öz əməkdaşları tərəfindən müsbət rəy almış namizədlərləri işə cəlb etmək adətən istənilən haldır. Bu üsul bəzi şirkətlərdə işə alma mədəniyyətində çox vacib bir yer tutmaqdadır. Bəzi şirkətlərdə öz əməkdaşından namizəd tövsiyyə alınması o qədər istənilən haldır ki, bu məsələyə xüsusi diqqət ayrılaraq öz əməkdaşının tövsiyəsi ilə yeni işçi işə alındığında həmin əməkdaş bu münasibətlə mükafatlandırılır. İşçi hər iki tərəfi, o cümlədən həm şirkəti həm də namizədi yaxından bildiyi üçün iş axtaran şəxsə ixtisas və korporativ mədəniyyət haqqında düzgün məlumat verə bilər.
