1. Növbəti il üçün fəaliyyətin planlaşdırılması (növbəti il üçün vergi qanunvericiliyində baş verən dəyişikliklər nəzərə alınmaqla) zamanı. 2. İri həcmli layihələrin və müqavilələrin hazırlanması zamanı. 3. İnvestisiyaların planlaşdırılması və yeni biznesin təşkili zamanı. Əhatə etdiyi dövrə görə korporativ vergi planlaşdırması cari vergi planlaşdırmasına və strateji vergi planlaşdırmasına bölünür. Cari vergi planlaşdırması bir ilə qədər olan dövrü əhatə edir. Bu zaman rüblər, aylar üzrə də vergilərin planlaşdırılması həyata keçirilir.
Cari vergi planlaşdırması aşağıdakı amillərə əsaslanır:
qanunvericiliyin yol verdiyi bütün imkanlardan və oradakı boşluqlardan istifadə edilməsi;
vergi güzəştlərinin nəzərə alınması.
Cari vergi planlaşdırmasının yuxarıdakı amillərə əsaslanmasını bir neçə səbəblə izah etmək olar. Əvvəla ölkədə hər il vergi qanunvericiliyində aparılan islahatların və edilən dəyişikliklərin əsas məqsədlərindən biri oradakı boşluqlann aradan qaldırılmasıdır. Digər tərəfdən isə vergi güzəştləri dövlətin iqtisadi siyasətinin həyata keçirilməsi alətlərindən biri olduğundan bu il tətbiq edilən bu güzəştlər iqtisadi siyasətin məqsədindən asılı olaraq gələn il üçün öz əhəmiyyətini itirmiş olar və onlar ləğv edilə bilər. Ona görə də strateji məqsədlərdə bu amillərə əsaslanmaq düzgün olmaz.
Strateji vergi planlaşdırması isə bir ildən artıq olan dövrü əhatə edir və faktiki olaraq elə vergi proqnozlaşdırmasıdır. Strateji vergi planlaşdırması aşağıdakı amillərə əsaslanır:
- vergitutma obyektinin xüsusiyyətinin nəzərə alınmaması.
vergitutma subyektinin xüsusiyyətlərinin nəzərə alınması.
vergitutma üsulunun xüsusiyyətlərinin nəzərə alınması. Bəzi ölkələrdə müxtəlif mənbələrdən əldə edilən gəlirlər müxtəlif dərəcələrlə vergiyə cəlb edilirlər.
ayrı-ayrı ölkələrdəki vergi rejimlərindən istifadə edilməsi.
