AZƏrbaycan miLLİ elmlər akademiyasi folklor institutu qarabağ: folklor da bir tariXDİr IV kitab
Yüklə 5,93 Mb.
|
|
BAYATILAR
Damcı damcı göllərə. Eşitdim balam ölüf Sorax düşüf ellərə.
Dağda bitər dağdağan. Pirim balasın vuruf Göl-göl oluf dağda qan.
Qələm götür, bir də yaz. O ananın xəyalıdı Bu vaxt gələ bir də yaz.
Gəl, hamar otda, qoyun. Çobanın əsgər gedif Zəhirmar otda, qoyun.
Üjü yerə dayandı. Eşitdim balam ölüf = Dedilər qırğın oluf Ərşdə fələk oyandı.
Atmaynan, pas bağlasın. Sənə kəm baxanın Balası yas bağlasın.
Düşmüşəm oyuna mən. Qumralı qoş bəzədim Baxmadım boyuna mən.
Nə dərdi çoxmüşəm. Gen dünyanın altında Kimsəsi yoxmüşəm.
Halı, günü xarab mən. Gen dünyanın altında Neynəmişəm, yarəb, mən?
Dərdini gizdər ağlar. Atalı dərdin deyər Atasız gizdər ağlar.
Tutubdu bələm eylər. Allah da bəndəsinə Zülmü beləmi eylər?
Od yandı qurum oldu. Yetim üzünə baxmaxdan Mənə hay zülüm oldu.
Vətəni nişan verir. İyid-iyid oğlannar Asfaltlarda (küçələrdə) can verir.
Canım aldı qayğular. Yol isdərəm, yol vermir Gündə keşdiyim sular.
Tutufdu toz dağları. Eləjə yadıma düşür Qənimin öz dağları.
Apar meylim yara qat. Gedin düşmana deyin Day otusun farağat.
Nə qoxadı, nə qaldı? Fələk mənim başıma Gətirməmiş nə qaldı?
Duza gələyən olar. Balaya (= cavana) bel bağlama Bala (= cavan) öləyən olar.
Dosdum düşüf qəsdimə. Dosdum da yaddar kimi Torpax tökür üsdümə.
Qaradı, taxdımı gör. Eləjə atdın getdin Heş gəlif baxdımı, gör?
Yolun uzaxdı, getmə. Anayın bu göz yaşları Sənə duzaxdı, getmə.
Dərisin soyun gəlsin. Anası mələyəndi Balasın qoyun gəlsin.
Tapşırdım elə səni. O da xeyli ömür isder Qayıdam görəm səni.
Quzu çıxdı aradan. Adına nənə qurban Adın çıxdı aradan.
Müştaqam sözdərinə. Yalvarram ilannara Dəymiyə gözdərinə.
Kimin bağrı bütündü. Gəleydin görüşeydıx Dünya ölüm-itimdi.
Göyərir qıraxları. Lal olsun anam dili Eşitmir qulaxları.
Dara zülfün, sal yana. Necəsən, bir ah çəkəm Kür quruya, sal yana?
Baş tapmadım dilinnən. Sən dağlardan qar göndər Mən Arasbar gülünnən.
Gizlin dərdi bilən olmaz. Mən ağlaram gizlin-gizlin Göz yaşımı silən olmaz.
Üzüm-gözüm ağajı. Bağa baltalı gəldi Kəsdi bizim ağajı.
Quru qoyuf yaş kəsən. Gəldin dərdim artırdın, Gəlmiyeydin keşgə sən.
Bajım ağlar, dəlidi. Soldurar gül yanağın Məyər ollar dəlidi?
Bir qulam, satan yoxdu. Düşmüşəm qəm dəryasına Qolumnan tutan yoxdu.
Gün getdi, sarı qaldı. Vətən yolu gözləməkdən Gözümdə sarı qaldı.
Verif baş-başa dağlar. Sənin ki elin yoxdu Dön səni daşa, dağlar!
Səni bəri döndərim. Sənə müşkül işim düşüf Dalınca kimi göndərim?
Murad ver, murad ağlar. Kimi murada yetər Kimi bemurad ağlar.
Yol götürməz tikanı. Fələk vuruf dağıdır Cəhdinən ev tikəni.
Ülkər aydan üjədi. Qoynunu qorrar nənəm Gör ayrılıx nejədi?
Götürün üjə qoyun. Anamın yolu düşər Üsdünnən baja qoyun.
Bağrım əzər maralı. Tutuf saxlamağ olmaz Belə təzən maralı.
Duman gələ tez ala. Töküb qaşın-qabağın İster mənnən söz ala.
Verəsən duzu, mələr. Mənim kimi ananın Ellərdə yüzü mələr.
Sənnən yol aşdı dağlar. Gözümü yuxu tutdu Maralım qaşdı, dağlar!
Qırıldı qancığası. Milləti gör kim qırdı Bir erməni dığası.
Yağıbdı qar başına. Bosdanın dolu döymüş Dolanır tağ başına.
Bir çay keşdim daşı yox. Burda bir iyid ölüf = Dedilər oğlan ölüf Yanında qardaşı yox.
Qul olan azad ağlar. Mənim də sənin kimi Maralım aza, dağlar.
Qazax uzax apardı. Çiynimi çatı kəsdi Gözümü sazax apardı.
Qul edib satar məni. Gedin anama deyin Tay hardan tapar məni?
Gilas göndər, tut göndər. Bir tərlan qaçırmışam Onu mana tut göndər.
Suyu pisdi deyəllər. Aranda qalannara Sərfə qusdu deyəllər.
Aran virana qalsın. Biz aran görməmişih Aran görənə qalsın.
Sınıx golun kim açar? Məni aranda qoyar Özü yaylağa qaçar.
Sınıf budağım mənim. Bülbül ötmür, gül aşmır Virandı bağım mənim.
Gün-günnən tutqun oldu. Bilmədim sel apardı Bilmədim itgin oldu.
Xalın oda dərdini. Dərtbilməz düşsün dərdə Bilsin o da dərdini.
Balabanam, bala, vay. Tərlan quş bu yuvadan Uçurtmadım, bala, vay.
Boynu qızıl qan öküz. İnəhlər dağda yaylar Sən aranda yan, öküz!
Yuyaram, ağ saxlaram. Balam qonağım olsa Bir il (= yüz il) qonax saxlaram.
Yuduxca ağa dönsün. Qəfildən gir içəri Ürəyim dağa dönsün.
Vətənnən (balamnan) aralıyam. Sağımnan güllə dəyif, Solumnan yaralıyam.
Qırıldar, qarğa verər. Uzax yerin xəbərin Bir atı yorğa verər.
Dar küçədən ötürün. Qəribin öldüsünü Yiyəsinə yetirin.
Qar yağıb alçağınnan. Gör başıma nə gəldi Bircəyin alçağınnan.
Dərtdən dəli olmuşam. Dərt vurufdu başıma Öldürməli olmuşam.
Dəli eylər, dəng eylər. Dərd adam öldürməz Soldurar bədrəng eylər.
Ceyran çölüynən ağlar. Qərib qızdar dərdini Gedər eliynən ağlar.
Kim götürər, kim qoyar? Sənin cavan canını Qara yerə kim qoyar?
Könlüm səni arzular. Əyilən, öpüm üzünnən Qoy baxsın tamarzılar.
Yüklənib lökə dərdi. Qəflə-qatır çəkməz Fil gərək çəkə dərdi.
Ağır götür, ağırdı. Yetimin yüngül yükü Qurşunnan ağırdı.
Boynunu burma, yetim. Kirpiklərin ox təki Sinəmə vurma, yetim.
Bir qulam, satan yoxdu. Düşmüşəm qəm dəryasına Qolumnan tutan yoxdu.
Bajın varsa da, gəlsin. Canı canıma Yanan varsa da, gəlsin.
Solu bir yana dursun. Seçilsin qardaşı ölmüşdər Balası ölmüşdər bir yana dursun.
Qərib yollar ötəndə. Qərib qardaş arzular Baş yastığa yetəndə.
Atdanmısan, düş qardaş. Sinəmə vurdun dağı Bir mənnən danış, qardaş!
O sultannan, o xannan. Oleydim bir dəsdə gül Asıleydim yaxannan.
Səbrimi kəsdin, fələk. Harda bina saldım Pənahım kəsdin, fələk.
Səsin bağrımı dələ. Mən mələdim, gəlmədi, Sən mələ, bəlkə gələ.
El getmir, dağda nə var? Bir dağ balasız olsa, = Bir dağ Leylisiz olsa, Getmirəm, dağda nə var?
Kimin evin yıxam mən. Girmişəm dost bağına Nə dərmişəm yıxam mən?
Çöyür günə tutmasın. Sənə kimlər qarğadı, Əvin binə tutmasın?
Həddən aşdı bu yaman. Çoxlu çaylar keşmişdim Hamısınnan bu yaman.
Mənnən küsərsən, neynim. Çoxlu dərtdər görmüşəm Ötgünü sənsən, neynim?
Heyva nar altda qaldı. Hayıf sənin öz canın Yağdı qar altda qaldı.
Əkərsən yemək olmaz. Çoxludu sənin dərdin Heş yerdə demək olmaz.
Sar kəkliklər sar ovlar. Məyər tərlan ölüfdü Oğlağında sar ovlar?
Bağda bağ ilannarı. Bir çapar atdı gələ Yığa dağılannarı.
Cənnətdi huyun, oğlan. Susuyuf su isdərsən Kim verər suyun, oğlan?
Çöl yerdə bulağ olun. Yığılın bir-birinizin başına Bir-birizdən göz-qulağ olun.
Qana dönüf yaşımız. Hərəmiz bir ölkədə Dağınıxdı başımız.
Gümüşdən sinə bəndi. Çıxarsan el görükmür Yıxarsan belə kəndi.
Al-yaşıl geyənim yox. Yüz il gedəm, gəlmiyəm Heş gəlmir deyənim yox.
Gör dünya nə haldadur. Gördün ki, qan içindəsən Çək ətəyini dalda dur.
Ləl gördüm görmüşdəri. Kim axdarar, kim tapar Biz gözdən düşmüşdəri?
Heyva-narı neynərsən? Özün qaşdın qutardın Mən yazığı neynərsən?
Heyva-narın deyiləm. Gəl balana yiyə dur Zamınkarın deyiləm.
Ölməmişəm, sağam, gəl. Boynumda qəm zinciri Yolunda dustağam gəl.
Uçar, vətənə gedər. Mən dərdimi söyləsəm, Oba yatana gedər.
Dərman bir-iki deyil. Dərdini nənən çəksin Özgələr yükü deyil.
Nar kimi soydun məni. Nə kölgədə qurutdun, Nə günə qoydun məni.
Dad ovçu, bedad ovçu. Tanıyan səni vurmaz Səni vuruf yad ovçu.
Dönmüşəm ilana mən. Mən səni hardan alım Dilana-dilana mən.
Bağman su işdi, neynim? Qisməti payladılar, Mana bu düşdü, neynim?
Çiçəyi qöçəhlədi. Yatdığın yalan oldu Ölümün gerçəhlədi.
Kollar dibin örtərəm. Mən bala həsrətliyəm Boynumu əyri tutaram.
Otdadıxca gəllahı. Azreyil üsdümü kəsəndə = Düşmən səni vuranda Çağıreydin Allahı.
Dalıncan sürüneydim. Sən orda can verəndə = Səni daşdar basanda Gözünə görüneydim.
Qurutdum taxçalarda. Sən çürü qara yerdə Paltarın boxçalarda.
Gülü tavaxça saxlar. Qoy getsin ata yanına, O bizdən yaxşı saxlar.
Üsdü xal-xal yorğanım. Gəldi əcəl fərmanı, Üsdümdən al yorğanı.
Yanı yarpız bağladı. Qapıya qonax gəldi, Atını qız bağladı.
Yan-yaxa saldırmışam. Çoxlu dərtdər çəkmişəm = Üçcə balam ölüf Ürəyimi aldırmışam.
İlməyi düyməy olmaz. Mən çıxmışam səfərə, Səfərdi, bilməy olmaz.
Əyləndi, keşdi mənnən. Dosd üçün körpü oldum Düşmən də keşdi mənnən.
Yarası qaysağ olan. Tay duruf hardan gələ Qara yer dustax ola.
Ağladılar doydülər. Ağır-ağır sallardan Sinəm üsdə qoydülər.
Bajım olsa, ağlardı. Açardı kəmər saçın Cinazama bağlardı.
Töküm qan-yaşım səni. Alım hayana gedim Bəlalı başım, səni?
Yağıfdı, qar səsi var. Axdar itik-nalanı Yenə səfər səsi var.
Sən qoydun, sən oddadın. Sinəmdə sağ yerim yox, Qalmışın sən oddadın.
Əcəb düşdüm dərdə mən. Açılmamış qönçə gül Necə yatım yerdə mən?
Su axıb mən qalmışam. Əldən tərlanım gedif Mən qalmışam yana-yana.
Ney aldım çala-çala. Qərq oldum dəryalara Qaldım qol çala-çala.
Ala çisgin, ala qar. Çoxlu qarrar yağıfdı, Yağmıyıfdı belə qar.
Qar yağar, uca dağlar. Eləcə yaxşı ola Köhlən at, uca dağlar.
Yoxdu yurda qonanın. Qanadın göy boyaram Düşərgəmə qonanın.
Ceyrannıyam, çöllüyəm. Məni qərib ağlama Mən də ağır elliyəm.
Burda gül əkməlidi. Azreyil, gendə dolan Ürəyim fəhməlidi.
Qan tutmuş qannı dağlar. Burda bir iyid ölüf İçində qannı dağlar.
Qan tutmuş qannıları. Qudurmuş qurd olaydım, Qovardım qannıları.
Yarpağı sannı dərə. Görükmə, göz tökərsən Azreyil donnu dərə?
Mana dərd əkdi getdi. Odunu, yalovunu Üsdümə tökdü getdi.
Mal nə yaman mələdi? Yolumu itirmişəm Mana bir yol bələdi.
Axdı rusum oldu. Hər il gözü yaşdılıx Mana rusum oldu.
Tapşırdım elə səni. O da xeyli ömür isdiyir Qayıdım görəm səni.
Bostan əkif tağ sallam. Ya öldürrəm özümü Ya gözümə tağ sallam.
Yağıfdı, qəralıfdı. Qəfildən bir sel gəlif Ojağım qəralıfdı.
Otdar, maralımı ver. Sağ maral sənin olsun, Mənim yaralımı ver.
Sudan aldım dua mən. Olmadım qaranquşcan Damda tikəm yuva mən.
Naz eyləmə, naz keşdi. Mən burda tərlanıdım, Belə iyid az keşdi.
Yazılış yazı deyil. Fələk bir yazı yazıf, Könlümün yazı deyil.
Ceryan, çölə bir də gəl. Ant verirəm Allaha Bizim elə bir də gəl.
Ceyran, çölə gəlmərəm. Nə qədər yalvarsan da Sizin elə gəlmərəm.
Qurvana gəli qoyun. Oğlu ölmüş ananın Adını dəli qoyun.
Gəl yola tökül, qoyun. Aranını yayladın, Dağlara çəkil, qoyun!
Canımı alma bu zaman. Dustax yerdə balam var Xəbərim gedər yaman.
Vur düşsün yay əlinnən. Qaşdım da qutarmadım Genə ah-vay əlinnən.
Qoşunum qətdan oldu. Mən ki namart deyildim, Namartdıx dərtdən oldu.
Qatarın satar gedər. Atalar qaydasıdı Balasın atar gedər.
Uşdu yuva bağladı. Səninnən uçan quşdar Tamam yuva bağladı.
Oxuyur, yuvadadı. Bir əlim hak dalınca, Bir əlim duvadadı.
Ətək belə vır, yeri. Atam oğlu çoxludu, Hərəsinin bir yeri.
Malı yoxdu dayana. Atam oğlu neynəsin Allahdan olmuyana.
Xalın yara kimin var? Belə dağ, belə dünya Görəm yara kimin var?
İşməyə zər basidi. Sənə bir toy qurallar, Savaşı göz yaşidi.
Dərvişəm, tajım yoxdu. Vallah, çox dərd çəkmişəm Ellajım yoxdu.
Saxlaram saralınca. Öleydi yazıx anam Belə günə qalınca.
Dolça çəkər su dərdi. Öleydi sənin anan, Çəkmiyeydi bu dərdi.
Yasdığım, yanım ana! Baş qoyum dizin üsdə Qoy çıxsın canım, ana!
Bajım yox, bilə dərdim. Nə deyim yaddara mən Yaddar nə bilə dərdim.
Dilim, söz gəzdirirsən. Sən gəzən burda yoxdu Naxah göz gəzdirirsən.
Gün gəzən yeri gördüm. Getdim səni tapbadım Sən gəzən yeri gördüm.
Keçinin üçü gəldi. Yer verin yurt göstərin, Sonsuzun köçü gəldi.
Qanı coşub gələnin. Xoş halına o kəsin Halallaşıb ölənin.
Gülün dərməyə gəldin. Sən getdin özünə ev qurmağa, Bəyəm ölməyə gəldin?
Qəmnən köynək geyimmi? Çoxlu dərtdər görmüşəm, Onu sizə deyimmi?
Başı telli gədiyə. Gəzdim səni tapbadım Dəydim əlli gədiyə.
Qara geysin il barı. Nə baxçalar bar götüsün Nə açılsın gül barı.
Duman, çiskin bağlarsan. Sinəmdə sağ yerim yox, Sən haramı dağlarsan?
Dağlar düşdü arama. Özüm məhləm qayırdım, Özüm qoydum yarama.
Mənnən küsərsən, neynim? Çoxlu dərtdər görmüşəm, Ötkünü sənsən, neynim?
Atma, dəryada qaldı. Ölməyinnən deyildim Heyif, yar yada qaldı.
Oxu saydan saxlarlar. Sizin yerdə cavanı Bəyəm belə yoxlarlar?
Qannı gözdən yaş götür. Səni ant verim Allaha, Gəlif isdəhli qonağım, Bu yasdıxdan baş götür.
Yuxarı yolmu gedər? Xəsdəyə qulluğ eliyəllər, Xəsdə də yolmu gedər?
Yaram qabar-qabardı. Bir yanımı sel aparıf, Bir yanım bexəbərdi.
Söhbətə gəl, dəmə gəl. Dərdi olan özü gələr, Dərd bilməzə demə, gəl.
Doldurdum, bayax çəkdim. Dünyanı bevəfa gördüm, Əl götürdüm, ayax çəkdim.
Doldur bir çək ücündən. Nə namarda möhtac ol, Nə bəla çək ücündən.
Etmədim yoldaşıma. Ağlıma gəlmiyən işlər Gəldi mənim başıma.
Saflağı üzüm yerə. Saralıbdı kəfənim, Düşübdü üzüm yerə.
Baxmaram ovlaxlara. Anan da zəhər qatıb Sən yeyən qaymaxlara.
Da bedad evidi. Dərdi olan dərdin desin, Deməsin yad evidi.
Yük üstə yayım qaldı. Qonşuda ala gözdüm, Eldə toy payım qaldı.
Şam yanar hay axşamlar. Evli evinə gedər Qaşqın harda axşamlar?
Çəkməyə qarmağım var. Bircə baladan ötrü Sənə yalvarmağım var.
Göydən, qaradan öldüm. Ağ sulux, göy qavardan Yaman yaradan öldüm.
Səs ver sənəm səsinə. Eləcə həsrət qaldım Öz kimsənəm səsinə.
Yendim gəldim səsə mən. Tapbadım bir kimsənə Səsim qatam səsə mən.
Aş istər, əbəy istər. Qol məndən, gərdan səndən, Üzündən öpmək istər.
Dəmir üzüm, daş üzüm. Ağlamağdan hayam yox Çürüdübdü yaş üzüm.
Qənim qolumu kəsdi. Kim açdı, kim bağladı, Yaran qanı kəsildi.
Otlar yal boynunda. Mən neylədim fələyə, Qaldım əli qoynunda?
Soldum bənööşə kimi. Eləcə həsrət qaldım Gülə bənööşə kimi.
Yan pərim, yaxan pərim. Açılıb düymələrin, Görükür yaxan, Pəri.
Gilas dəydi, tut dəydi. Qolun qurusun ovçu Güllən nə rast dəydi.
Əriməz, qarı getməz. Ciyərin yanğusundan Dodağın barı getməz.
Yeməyə şirin nə var? Cahanı geş eyləsən, Baladan şirin nə var?
Gözün üçün ağlaram. Salam səni yadıma İmam üçün ağlaram.
Mənzilə tuş apardı. Çiynimi çatı kəsdi, Gözümü yaş apardı.
Paşa tamaşa getdi. Atasının zəhmətin Çaldı bir daşa getdi.
Ağladım yaşım getdi. Ellərdən təkcə-təkcə, Bizdən bir qoşun getdi.
Qoşa bitər söyütdər. Yanmış qara yer Qoltuğunda nər gizdər.
Qoy gəlsin, Hacalıdı. Dövranı sürən sürsün, Hər kəsin macalıdı.
Bu tayda dərmanım var. Aç yaranı mən baxım, Əlimdə dərmanım var.
Balı nəyə gərəkdi? Oğlu ölmüş ananın Halı nəyə gərəkdi?
Yel vuranda əyiləm. Gedirsən, tez qayıt, Həmişəlik deyiləm.
Asda get, ürək qopa. Axıdaram göz yaşımı Dalınca sellər qopa.
Bilmirəm nə var səbirdə. İkimiz birdən ölək, Qoysunnar bir qəbirdə.
Səkib daşda nə gəzir? Oğlu ölən ananın Ağlı başda nə gəzir?
Yeməyə gavalı var. Gəl getmə bu səfərə, Səfərin zavalı var.
Mindin getdin ilqara. Sən ilqardan gəlincə, Yarın geydi zil qara.
Sərəm qurudam səni. Öləm gedəm torpağa Onda unudam səni.
Babalım boyunuza. Ya məni evləndirin, Ya salın qoynuza.
Arğacında su dursun. Qıymıram, qarğamıram, Yeddi il dilin qurusun.
Baxar boyuna gedər. Çobanın ağ toğlusu Nişan toyuna gedər.
Kölgədə, gündə gedər. Götürər ağır avtomatın Yaman gündə gedər.
Şam əllidi, yüzdü. Şah küsdü, oba köçdü, Əlin bağçadan üzdü.
Bağbanıyam gülün mən. Ağlamağı bilirəm, Öyrət mənə gülüm mən.
Yolum xiyabanadı. Əyil üzündən öpüm, Qara tellər şanadı.
Yel əsdi, üzüm dəydi. Qiyamət qopmadı ki, Üzünə üzüm dəydi.
Dərd etdi pilə məni. Mən getdim, sən yaşadın, Arzula, dilə məni.
Yarı, yoldaşı ağlar. Dərdimi daşa desəm, Əridər daşı, ağlar.
Sonuma çıxdı, neynim? Canı dərdimə verdim, Dərd məni yıxdı, neynim?
Göylərdədir dəsdim, gəl. Karvanım son səfərdə, Harda qaldın, dosdum, gəl!
Şöhrətə bax, şana bax! Sən baxıb köks ötürdün, Zülf oxşayan şana bax.
Saçda minayə dəndi. Ürəyimdən qan axır, Yaram minayədəndi.
Mina kəmər bel üsdə. Birdən yar gəlib keçər, Gedim durum yol üsdə.
Gözümdən qan tökmüşəm. Qoşmuşam qəm kotanı, Həmişə dərd əkmişəm.
Fələk, gözün doydumu? Baxdıma yazmadığın, Görən bir dərd oldumu?
Oyun aşdı başıma, Ömürlük dərdə sirdaş Fələk yazdı qaşıma.
Daş götür, daşda məni. Bilirsən ki, sevirəm, Gəzdirmə başda məni.
Gülü pəncə-pəncədi. Ölüm Allah işidi, Ayrılıq işgəncədi.
Könüldəki taba bax. Ürəyi gözdən oxu, Demirəm kitaba bax.
Aşım zəhər aş imiş. Ömrüm boyu qəm yedim, Bəxtim qara daş imiş.
Özü kimdir, südü nə? Heş kəsin haram maya Qarışmasın südünə.
Ağıldan kəm olmuşam. Getdi gülən çağlarım, Gözləri nəm olmuşam.
Dumana nə, çənə nə? O qara xalın kimi Yapışaydım çənənə.
Ehtibarsız deməyin. Dərtdir məni dindirən, Barı arsız deməyin.
Talan salana lənət. Yəhər verib ulağa Tamax salana lənət.
De necə çəkim dərdi. Bağ əkdim, gül becərdim, Heç bilmədim kim dərdi?
Başdan huşum hal ala. Pay bölən pak olarsa, Haram qatmaz halala.
Dərd sənə simsardımı? Dost vəfasız olmasa Yad məni basardımı?
Başa açdı, bəla, bax. Ağız pətəyə dönüb, Dildən axan bala bax.
Atəşə bax, nara bax! Əkilməmiş agaşda Dərilməmiş nara bax!
Quruya bax, yaşa bax. Eşqə yaş xata döyül, İnanmırsan, yaşa bax!
Ucu Gülgəzə düşdü. Hayıf, mənim bu canım Qədirbilməzə düşdü.
Ülkər gecədən gedər. Gecə uzun, həmdəm yox, Zəhləm gecədən gedər.
Düzəlmir əzəl dünya. Bir halal qazanc paya Uzanır yüz əl, dünya.
Dibinin daşı sənsən. Nə qədər nənənin nəvəsi çox da, Hamısının başı sənsən.
Nadan nədi, nə qana. Söz de söz eşidən, söz bilənə Söz demə nanəcibə, nadana.
Yar yarın yaraşığı. İnsan var, yanından düz keçəsən, İnsan var, elin yaraşığı.
Öldürdü məni bu yara da. Qorxuram qərib öləm, Meyidim qala arada.
Dağda bitər gəyəngəz. Nə dünyaya bel bağla, Nə döölətə güyən gəz.
Dağ başınnan qar daşı. Xəstə könlü nar dilər, Mənim könlüm qardaşı.
Gül qoşa, lala yalqız. Qorxuram qərib öləm, Meyidim qala yalqız.
At minib Kürdən gələ. İmran dilli aşiqi Salıbdı kürd əngələ.
Od yanar, qurum saxlar. Aşıq deyir, ər libasın Geyməsin qurumsaxlar. = Əzizinəm, qurumsaxlar, Od yanar, qurum saxlar. Atdandı getdi kişilər, Qaldı sizin kimi qurumsaxlar.
Qıraxları yarpuz bağlar. Oğulsuz anaların, qardaşsız bajıların Cinazasın qız bağlar.
Dol gözüm, dolan gözüm. Gedərəm, qayıtmaram, Doyunca dolan, gözüm.
Qar yağıfdı sinəsinə. Aləmə sığmaz başım, Sığıfdı sinəsinə.
Dibinin daşı sən. Dağ qoydun, düyün qoydun Ürəyimin başına.
Heyva könlüm, nar könlüm. Gülməhnən işim yox, Ağlamağa var könlüm.
Tikildi, Xoyda qaldı. Cavan öldüm dünyada, Gözlərim yolda qaldı.
Bıdağ sındı, qol düşdü. Sən gedən yol bağlandı, Qeyri yoldan yol düşdü.
Qara don geydilər. Mən ölmək istəməzdim, Zülm ilə öldürdülər.
Güllü, bənööşəli yerdə. Məni vıran elə vırdı, Qaldım döşəli yerdə.
Quş yoxsa, yuva sızlar. Elinnən ayrı düşən Qaşqınnar, yuvasızlar.
......................................... Bala, sana güllə atılanda Oleydim harayçı mən.
Yüklə 5,93 Mb. Dostları ilə paylaş:
|