Azərbaycan Respublikası Dövlət Neft Şirkəti

1.3.4. İstilikqoruyucu vasitələr.
İstilikqoruyucu vasitə kollektiv xilasetmə vasitələrində olan insanın isidilməsi üçün təyin olunmuşdur. O, kiçik
istilikkeçirici su buraxmayan materialdan olan kisə və ya kostyumu özündə təmsil edir. İstilikqoruyucu vasitə istilik ötürmə
əmsalı 7800 Vt/(m².K) olan suburaxmayan materialdan hazırlanmalı və elə quruluşa malik olmalıdır ki, həm konveksiya yolu,
həm də buxarlanma vasitəsilə insan bədəninin istilik itkisini azaltsın.
İstilikqoruyucu vasitə:
-
xilasetmə jiletində olan istənilən ölçülü (boyda) insanın, üzü istisna olmaqla, bütün bədənini örtsün. Əgər
istilikqoruyucu vasitəyə daima bərkidilən əlcəklər nəzərdə tutulmayıbsa, əllər həmçinin örtülməlidir;
-
elə olmalıdır ki, kənardan kömək olmadan, xilasedici qayıqda və yaxud salda və ya növbətçi qayıqda onu açmaq və
asanlıqla geyinmək mümkün olsun;
-
elə olmalıdır ki, istilikqoruyucu vasitədə olan insan, əgər o, üzməyə mane olursa, 2 dəq-dən
çox olmayan vaxt ərzində suda onu çıxara bilsin.
İstilikqoruyucu vasitə havanın -30-dan +20ºC-yə qədər temperaturunda öz funksiyalarını lazımi
qaydada yerinə yetirməlidir.
İstilikqoruyucu vasitədən istifadə etmək üçün lazımdır:
-onu plastik paketdən çıxarmaq və tam açmaq;
-mümkün qədər çoxlu paltar geyinmək, imkan dairəsində yaş paltarları sıxmaq; xilasedici jileti
geyinmək;
Şəkil 1.6.
İstilikqoruyucu
vasitə
28

---

-açılmış kisənin içinə girmək və bütövlüklə baş da daxil olmaqla onunla örtülmək (əgər istilikqoruyucu vasitə
kombinezon kimi istehsal olunubsa, onu şalvardan başlayaraq geyinmək);
- molniyanı bağlamaq;
- başlığın ipini üzün ətrafında dartaraq fiksator ilə onu bərkitmək.
29

---

Əgər gəminin hər bir bortunda gəmidə olan bütün insanları yerləşdirmək üçün ümumi tutumu kifayət edən örtülü
xilasedici qayıqlar varsa, və yaxud gəmi daima isti iqlim şəraitlərində istismar edilirsə, o zaman hidrotermokostyumlara və
istilikqoruyucu vasitələrə ehtiyac yoxdur.
Bundan əlavə, istilikqoruyucu vasitələr xilasedici salların, xilasedici və növbətçi qayıqların təchizatı tərkibinə daxil
olmalı, bu xilasetmə vasitəsində yerləşdirilmək üçün təyin olunmuş insanların sayının azı 10%-ni təmin etmək üçün kifayət
edən miqdarda, lakin 2 ədəddən az olmamalıdır.