Azərbaycan Respublikası Elm və Təhsil Nazirliyi Bakı Biznes Universiteti

Azərbaycan Respublikası Elm və Təhsil Nazirliyi

Bakı Biznes Universiteti

İstehsal amilləri və onlara tələb

R E F E R A T

Qrup – 223a

İxtisas – Biznes və menecment
Kurs – 1
Tələbə - Amil Şahbazov
Elmi rəhbər -
Bakı – 2023

Plan

Giriş
1) İstehsal amilləri, onların. mahiyyəti və funksiyaları

2) İstehsal amillərinin qarşılıqlı əvəz olunması imkanları və onun səmərəliliyi
3) İstehsal amillərinin optimal nisbəti və dövriyyəsini sürətləndirmək yolları
Nəticə
Ədəbiyyat
Giriş

Bütün ölkələrin inkişaf təminatı rolunda onun özünəməxsusi intellektual potensialı, təbii ehtiyatları,resursları və s. çıxış edir. İdxal edilmiş əmtəələrdən,xammal ixracından və xarici ticarət əlaqələrindən asılı olmaması baxımından , ilk olaraq, ölkənin mövcud olan resurslardan səmərəli istismar imkanları diqqət mərkəzində saxlanılır, təbii ehtiyatlar məqsədə uyğun şəkildə istifadə olunur. İnsanların maddi tələbatlarnın ödənilməsi məqsədilə iqtisadiyyat əmtəə və xidmət istehsalı prosesində məhdud sayda olan resursların istifadəsi problemi ilə məşğuldur.

1. İstehsal amilləri, onların. mahiyyəti və funksiyaları

Makroiqtisadi nəzəriyyənin təhlil etdiyi müəssisə və ev təsərrüfatlarının fəaliyyəti istehsal amilləri olmadan və onların istifadəsindən müvafiq gəlirlər əldə etmədən mümkün deyil. Bu fəsil məhz həmin problemin təhlilinə həsr edilmişdir.
İstehsal - maddi nemət və xidmətlərin hazırlanması prosesidir. İnsan məhsul istehsal edərkən təbiətin obyektlərinə tə'sir göstərir, onu maddi tələbatın ödənilməsi üçün məqsədəuyğun formaya salır. Deməli, istehsal - bilavasitə istehlak və yaxud gələcək istehsal üçün təbiət cisimlərinin e'malıdır. İstehsalın belə funksiyası onun hər bir sosial formasında saxlanılır və istehsal resurslarına əsaslanır.
İstehsal resursları - əmtəələr, xidmətlər və başqa dəyərlərin yaradılması prosesində istifadə oluna bilən təbii, sosial və mənəvi qüvvələrin məcmusudur. İstehsal resursları çox müxtəlif və rəngarəngdir. Onların iqtisadi nəzəriyyədə dörd qrupa bölgüsü qəbul edilmişdir.
1. Təbii resurslar - istehsala tətbiq etmək üçün yararlı olan potensial təbii qüvvələr və əşyalar. Bunlar isə «tükənən» və «tükənməyən», başqa sözlə «bərpa olunan» və «bərpa olunmayan» resurslar şəklində özünü göstərir.