1.12. Pestisidlər hermetik qablaşdırma vasitələrində saxlanmalı və daşınmalıdır.
1.13. Pestisidlər xüsusi nəqliyyat vasitələrində daşınmalı, pestisidlərlə birlikdə ərzaq məhsullarının, yemlərin və sərnişinlərin daşınmasına yol verilməməlidir.
1.14. Pestisidlərin saxlandığı anbar yaşayış məntəqəsi və fermalardan 500 metr, su mənbəyindən ən azı 2000 metr məsafədə olmalıdır. Toxumun dərmanlanması, aldadıcı yemin, işçi məhlulun hazırlanması və çiləyici aparatların doldurulması stasionar dərman qarışdırma meydançasında yerinə yetirilməlidir.
1.15. Çiləyici aparatlar işçi məhlulla doldurulmamışdan öncə texniki xidmət meydançasında və ya sahənin kənarında məhlulun məsarif normasına, ucluqların bitkidən məsafəsinə, damcıların ölçülərinə və püskürmə sahəsinə uyğun tənzimlənməlidir.
