Ağırlıq altında sıxılmada ilk yardım. Zərərçəkənin ağırlığın altından azad etdikdən sonra zədələnmiş ətrafı (əl-ayağı) möhkəm sarıyıb bir qədər yuxarı qaldırmaq və altına bükülmüş paltar qoymaq lazımdır. Sarğının üstündən "soyuq" sarğı və ya buz kisəciyi də qoymaq məsləhətdir. Zərərçəkənin nəfəsi və nəbzi kəsilmişdirsə, ona süni nəfəs verib ürəyini masaj etmək lazımdır.
Bağların dartılmasında ilk yardım.Bağların dartılması çox vaxt baldırla pəncəni və dirsəklə bilənyi birləşdirən bəndlərdə baş verir. Əlamətləri: bəndlərin güclü ağrıları və şişkinlikdir. İlk yardım tarım sarğı qoymaqdan, zədələnmiş hissəyə rahatlıq yaratmaqdan və "soyuq" sarğı qoymaqdan ibarətdir. Zədələnmiş ayağı bir qədər qaldırmalı, zədələnmiş əli isə yaylıqla asmalıdır.
