Onurğa sümüyü zədələndikdə onurğada kəskin ağrı baş verir, beli əymək və dönmək mümkün olmur. Ilkyardım zamanı xəstəni qaldırmadan, onun kürəyinin altına ehtiyatla enli taxta qoymalı və ya bu mümkün olmadıqda onu üzü aşağı çevirib (bu zaman onun bədəninin əyməsinə yol verilməməlidir) sakitlik yaratmaq lazımdır. Xəstəni aparmaq lazım gəldikdə də taxta üzərində və ya üzü aşağı daşımaq lazımdır.
Çanaq sümüyünün sınmasında ilk yardım.Sınmanın əlamətləri: çanağa toxunduqda ağrı, qasığın ağrıması və ayağı qaldırmağın mümkünsüzlüyüdür. Ilkyardım zamanı xəstənin kürəyinin altına enli taxta qoymalı, sonra ayaqlarını dizdən büküb kənara ayırmalı və ayaqlarını birləşdirilməli ("qurbağa" vəziyyət), dizlərin altına bükülmüş paltar qoyulmalıdır. Xəstəni böyürü üstə çevirmək, oturmaq və ayaq üstə qaldırmaq olmaz.
