|
4. Soyuqdan donma zamanı ilk yardım
4.1. Bədəndə və ya onun ayrı-ayrı hissələrində (əl, ayaq, qulaq, burun) toxumaların soyuqdan zədələnmə xarakterinə görə soyuqdan donma bir neçə dərəcəyə bölünür. Birinci dərəcəli donma dərinin qızarması və azacıq şişməsi, qızındıqdan sonra isə göynəmə və ya arabir sancması ilə səcliyələnir.
4.2. Birinci dərəcəli donma zamanı bədənin zədələnmiş hissəsində qan dövranını tezliklə bərpa etmək lazımdır. Bu məqsədlə donmuş yeri quru, isti əşya ilə (əlcək, şərf və ya yalın əllə) ovxalamaq və isti sarğı qoymaq lazımdır. Əl və ayaqlar donduqda isti vanna qəbul etmək məsləhətdir. Bunun üçün tasa və ya vedrəyə su töküb onun temperaturunu tədricən (15-20 dəq. müddətində), qaynar su əlavə etməklə 35-37° C-yə çatdırırlar. İsidildikdən sonra donmuş sahəni spirt, araq və ya odekolonla ovub quru sarğı ilə bağlamaq lazımdır.
İkinci və üçüncü dərəcəli donma zamanı dərini spirt və ya araqla ehtiyatla ovxalamalı, sonra quru, isidici sarğı qoyub bağlamalı və zədələnmiş şəxs təcili sürətdə müalicə müəssisəsinə çatdırılmalı.
Soyuğun və küləyin təsiri nəticəsində donmuş adamın bədənini qızdırmaq üçün üstünü basdırıb ona qaynar çay və ya qəhvə içirtmək lazımdır.
Dostları ilə paylaş: |
