Azərbaycan Respublikası Səhiyyə Nazirinin 19 sentyabr 2012-ci IL tarixli 70 nömrəli

Laborantın nümunəvi vəzifə

T Ə L İ M A T I

337

---

I.  Ümumi müddəalar

1. 

Bu vəzifə təlimatı  laborantın vəzifə öhdəliklərini, hüquq və məsuliyyətini 

müəyyən edir.

2. 

Laborant   vəzifəsinə,   iş   stajına   tələb   qoyulmadan,   “laboratoriya 

diaqnostikası” ixtisası üzrə orta tibb təhsili olan şəxs təyin edilir.

3. 

Laborant   Azərbaycan   Respublikasının   qüvvədə   olan   qanunvericiliyinə 

uyğun olaraq müəssisə rəhbərinin əmri ilə vəzifəyə təyin  və vəzifədən azad edilir.

4. 

Laborant bilavasitə laboratoriyanın rəhbərinə olmaqla, müəssisə rəhbərinə 

və ya onun müavininə tabe olur.

5. 

Laborant aşağıdakıları bilməlidir: 

5.1.  Azərbaycan   Respublikasının   Konstitusiyasını;   Azərbaycan 

Respublikasının səhiyyə qanunvericiliyinin əsaslarını;

5.2.  səhiyyə müəssisələrinin fəaliyyətini tənzimləyən normativ hüquqi aktları;

5.3.  sanitar mikrobioloji tədqiqatların əsaslarını;

5.4.  ümumi   klinik,   biokimyəvi,   hematoloji   və   sitoloji   laboratoriya 

tədqiqatlarının metodlarını;

5.5.  xarici mühit obyektlərinin sanitar-gigiyenik tədqiqatlarının metodlarını;

5.6.  laboratoriyanın işinin sanitar-gigiyenik normaları və rejimini;

5.7.  laboratoriya   aparatlarını   istifadə   etməklə   laboratoriya   tədqiqatlarının 

aparılması texnikasını;

5.8.  laboratoriya təhlillərinin aparılması zamanı analitik səhvlərin baş vermə 

səbəb və şərtlərini;

5.9.  tibb təşkilatlarında sterilizasiyanın təşkili qaydalarını və xəstəlik daxili 

infeksiyaların profilaktikasında onun əhəmiyyətini;

5.10.  sağlam   həyat   tərzinin   əsaslarını;   ümumi   gigiyena   və   istehsalat 

sanitariyasının əsaslarını;

5.11.  mikrobiologiyanın əsaslarını; bioloji faktorların tədqiqatların nəticələrinə 

təsirini;

5.12.  klinik-diaqnostik laboratoriyalarda kargüzarlığın təşkilini

5.13.  klinik-diaqnostik laboratoriyalarda iş qaydalarını, tibbi etikanı, peşəkar 

ünsiyyəti psixologiyasını;

5.14.  fəlakətlərdə tibbi xidmətin əsaslarını; əmək qanunvericiliyinin əsaslarını;

5.15.  daxili   əmək   intizamı   qaydalarını,   əməyin   mühafizəsi   və   yanğın 

təhlükəsizliyi üzrə qaydaları bilməlidir.