Microsoft Word Ictimai sehiyyede monitorinq ve qiymetlendirme

Seçmənin aparılması 

Seçmə öyrənilən eyni parametrli sahələr arasında aparılır. Bu 

sahələr monitorinqin hədəfləri olub səhiyyə müəssisələri, səhiyyə 

müəssisəsi daxilində xidmət göstərilən sahələr, tibbi sənədlər, işçi 

heyət, əhali qrupu və sairdir. 

Seçmənin aparılması üçün öyrənilən sahələrin siyahısı  tərtib 

olunur. Bundan sonra bütün sahələr homogen (oxşar parametrləri 

olan) yarımqruplara bölünür (stratifikasiya) və seçim hər 

yarımqrupun içərisində aparılır. Sahələrin (məsələn, səhiyyə 

müəssisələrinin) seçilməsindən sonra, sorğu iştirakçılarının (məsələn, 

seçilmiş səhiyyə müəssisələrində çalışan işçilərin) siyahısı hazırlanır 

və onlar arasında seçim aparılır. Kiçik müəssisələrdə işçilərin hamısı 

sorğuda iştirak edə bilər. Pasiyentlərin seçilməsi də eyni qaydada 

aparılır. Bundan başqa, pasiyentlərlə müsahibələr müəyyən vaxt 

çərçivəsində (misal üçün, bir gün ərzində) aparılmalıdır.  

Seçmənin minimal həcmi dəqiqliyə olan tələbatdan irəli gəlir. O, 

həm də  səviyyənin və ya dəyişikliyin ölçülməsinin nəzərdə 

tutulmasından asılıdır. Səviyyənin qiymətləndirilməsinə müəyyən 

xidməti göstərən müəssisələrin faizini misal kimi göstərmək olar. 

Dəyişikliyin qiymətləndirilməsi misalı kimi müəyyən parametrin 

müəyyən vaxt çərçivəsində dəyişilməsini göstərmək olar. 

Monitorinqin xüsusiyyətindən asılı olaraq müvafiq alətlər seçilir. 

Onun məqsədlərindən asılı olaraq tibb müəssisəsinin ehtiyatları, 

xərcləri, keyfiyyət göstəriciləri, səhiyyə sisteminin aralıq və son 

nəticələri öyrənilə bilər. Monitorinq və qiymətləndirmə çərçivəsində 

aşağıda göstərilən alətlər istifadə edilə bilər: işçi heyət və pasiyentlər 

üçün sorğu vərəqələri, həkim peşəkarlığını müəyyənləşdirən testlər, 

bilavasitə müşahidə, səhiyyə  və idarəetmə  sənədlərinin nəzərdən 

keçirilməsi. Bundan əlavə, səhiyyə müəssisəsinin təqdim etdiyi 

hesabatlar da istifadə oluna bilər.