Fərdi modellər: əsas diqqətin məlumatlılıq, bilik və bacarıqlar kontekstində dəyişikliklərə nail olunmasına
yönəldilməsi. Bu qəbildən nümunə kimi Sağlamlığa İnam Modelini (Hochbaum, Rosenstock, Kegels, 1958)
göstərmək olar. Bu modeldən sağlamlıq problemi riskinə məruz qalma ilə əlaqədar məsuliyyətin artırılması,
tövsiyə olunan tədbirlərin üstünlüklərinin vurğulanması və ya həmin tədbirlərin həyata keçirilməsinə mane olan
sədlərin azaldılması xarakterli informasiyanın istiqamətləndirilməsi zamanı istifadə edilə bilər. Digər bir
nümunə isə Nəzəriyyələrarası Modeldir (Prochaska, DiClemente, Nocross, 1992). Bəzən “Dəyişiklik
Nəzəriyyəsinin Mərhələləri” adlandırılan bu modeldə informasiya hədəf əhali qruplarının mövcud olduğu
mərhələlərə yönəldilir. Həmin modeldən hədəf əhali qruplarının təklif olunan tədbirləri həyata keçirməsinə nail
olmaq üçün hansı dəyişiklik proseslərinin vurğulanması kimi məsələlərin aydınlaşdırılması məqsədi ilə də
istifadə edilir.
Cəmiyyət arasında yayılma modelləri: belə modellərdə əsas diqqət ictimai normalardakı dəyişiklik
proseslərinə yönəldilir. Belə dəyişikliklər isə qruplar arasında davranış dəyişikliyi ilə nəticələnir. İnnovasiyanın
yayılması (Ryan and Gross 1943; Rogers, 1962, 1983) və Sosial Marketinq (Kotler, Roberto, 1971; Manoff,
1985; Kotler, Roberto and Lee, 2002) nəzəriyyələrində dəyişikliyin müəyyən mərhələsində və ya müəyyən
hissələrində bəzi kommunikasiya kanallarından istifadə etməklə insan qrupları və ya icmalar arasında davranışın
dəyişilmə prosesi təsvir edilir.
İnstitusional səviyyədə yayılma modeli: bu modeldə “elitanın” fikirlərində dəyişikliklər edilməsi məsələsi
vurğulanır. Bu isə daha sonra institusional davranış, o cümlədən səhiyyə siyasətində dəyişikliklərin həyata
keçirilməsinə səbəb olur. Bütün bunlar isə nəticədə fərdi davranışa təsir göstərir. Təşviqat, icma ilə ünsiyyət və
institusional səviyyədə rəhbər mövqe tutan şəxslər institusional yayılma modelinin müəyyənləşdirilməsi
baxımından yaxşı nümunələrdir.
Bütün bunlar uğurlu davranış dəyişikliyi üzrə kommunikasiya proqramlarının işlənib hazırlanmasında istifadə
edilən sosial modellərdən yalnız bir neçəsidir. Səhiyyə kommunikasiyası təşəbbüslərinin Azərbaycanda davam
etdirildiyini nəzərə alaraq fərdlərə əsaslanan kommunikasiya təşəbbüsləri ilə yanaşı icma əsaslı və sosial
davranış normalarına da diqqət yetirilməsi vacibdir. Bu baxımdan arzu olunan istiqamətlər bütün bu
səviyyələrdə həyata keçirilə bilər və həyata keçirilməlidir.
Hər hansı sosial proqram kimi səhiyyə kommunikasiyası təşəbbüslərində kommunikasiya strategiyasının işlənib
hazırlanması üçün tədbirlər müəyyən mərhələlər üzrə həyata keçirilməlidir. Səhiyyə problemi nə qədər çox
dəqiqləşdirilərsə, həmin strategiya daha uğurla həyata keçirilə bilər. Müvafiq təşəbbüslərin planlaşdırılması
zamanı nəzərə alınmalı olan spesifik mərhələlər və onların atributları bu sənədə qoşulmuş Əlavə 2-də verilir.
2
Hornik RC, ed. 2002. Public health communication: Evidence for Behaviour change. Mahwah, NJ: Lawrence Erlbaum
Associates, USA (page 14).
3
Mark Edberg. 2007. Essentials of health behaviour: social and behavioural theory in public health. Jones and Bartlett
Publishers. Sudbury, Massachusetts, USA.
8
1.4
SƏHİYYƏ KOMMUNİKASİYASININ İQTİSADİ BAXIMDAN
SƏMƏRƏLİLİYİ
Səhiyyə sahəsində əldə edilən nəticələrin yaxşılaşdırılmasından əlavə, səhiyyə kommunikasiyası kampaniyaları
həm də azaldılmış müalicə tələbatı nəticəsində səhiyyə xidməti xərclərinin azalmasına da öz töhfəsini verə bilər.
Qeyri-sağlam sosial və təhlükəli ənənəvi amillərdən çəkindirmə vasitəsilə işçi qüvvəsinin məhsuldarlığının
artırılmasına yardım göstərilməsi və ölkədəki istehlak səviyyəsinin azaldılması uzun illər ərzində fərdlərin və
qrupların davranışına təsir göstərərək iqtisadi inkişafa da müsbət təsir edə bilər.
Ümumdünya Səhiyyə Təşkilatının 2002-ci ilə olan hesabatında göstərilir ki, qlobal səviyyədə ölüm hallarının 47
faizi 20 əsas risk faktorları ilə əlaqədardır. Həmin risk faktorlarına alkoqol və tütündən istifadə, yüksək qan
təzyiqi, artıq bədən çəkisi, yüksək xolesterol səviyyəsi, bərk yanacaq materiallarından yaşayış yerləri daxilində
istifadə nəticəsində əmələ gələn tüstü, meyvə və tərəvəz məhsullarından lazımi səviyyədə istifadə edilməməsi,
dəmir çatışmazlığı, təhlükəli su, sanitariya vəziyyətinin və gigiyena praktikasının lazımi səviyyədə olmaması
daxildir.
Bu risk faktorlarının səmərəli üsullarla aradan qaldırılması sağlam həyat göstəricilərinin qlobal səviyyədə
demək olar ki, bir onillik ərzində yüksəlməsi ilə nəticələnə bilər. Bu risk faktorlarının. heç olmazsa, 25 faiz
azaldılması belə xəstəliklərlə mübarizə üzrə qlobal çətinlikləri və eləcə də əlaqədar səhiyyə xidməti və müalicə
xərclərinin əhəmiyyətli dərəcədə azalmasına səbəb ola bilər. Bu baxımdan, risk faktorlarının azaldılması tibbi
xidmət və müalicə xərclərinin azalması nəticəsində əldə ediləcək iqtisadi faydalardan əlavə, daha sağlam və
daha məhsuldar işçi qüvvəsi deməkdir.
Səhiyyə kommunikasiyası tədbirləri də daxil olmaqla risk faktorlarının azaldılması və xəstəliklərin qarşısının
alınması xarakterli tədbirlərin müalicədən daha az xərc tələb etməsi ümumən qəbul edilsə də, səhiyyə
kommunikasiyası praktikasının iqtisadi baxımdan səmərəliliyi ilə əlaqədar sübutlar məhdud səviyyədədir. Bu isə
həmin sahədə aparılan müvafiq araşdırmaların azlığı ilə əlaqədardır. Bununla yanaşı, mövcud sübutlar göstərir
ki, fərdi sağlamlıqla əlaqədar risk faktorlarının azaldılması və qeyri-sağlam davranışların dəyişdirilməsi məqsədi
ilə işlənib hazırlanmış kommunikasiya təşəbbüsləri və ictimai sağlamlığın təşviqatı vasitəsi ilə nisbətən az
xərclə səhiyyə sahəsində ciddi nailiyyətlər əldə etmək mümkündür.
Ümumdünya Səhiyyə Hesabatında göstərilir ki, qrup səviyyəsində və fərdi səviyyədə tədbirlərin
kombinasiyasına əsaslanan strategiyalar bütün şəraitlərdə iqtisadi baxımdan ən səmərəli strategiyalardır.
Məsələn, ürək-damar xəstəlikləri ilə əlaqədar risklərin azaldılması xarakterli tədbirlər (duz və xolesterol
səviyyəsinin azaldılması üzrə ümumi əhali qrupları üçün strategiyalar) bir çox fərqli mühitlərdə iqtisadi
baxımdan səmərəli olmuşdur. Ən uğurlu strategiya kimi qiymətləndirilmiş nümunəyə əhali səviyyəsində siyasət
vasitəsilə duzdan istifadənin azaldılması tədbirləri, emal edilən ərzaq məhsullarında duz miqdarının azaldılması
və həmin məhsulların paketləri üzərində müvafiq etiketlərin işlənib hazırlanması sahəsində özəl sektorla
əməkdaşlıqdır. Qan təzyiqi və xolesterol səviyyəsinin azaldılması və çəkinin tənzimlənməsi məsələlərinə diqqət
yetirməklə mətbuat vasitəsi ilə əhalinin maarifləndirilməsi və ürək-damar xəstəlikləri ilə əlaqədar risklərin fərdi
səviyyədə idarə olunması üçün səhiyyə sahəsində fəaliyyət göstərən peşəkarlarla fərdlərarası kommunikasiya
tədbirləri daxildir.
Digər bir nümunədə isə ABŞ-da yüksək risk qrup qadınlara istiqamətləndirilmiş kiçik miqyaslı fərdi
kommunikasiya proqramı göstərilir. Həmin proqrama maarifləndirmə xarakterli və 12 sessiyadan ibarət olan
kursların keçirilməsi daxil edilmişdir. Bu kurslarda riskli davranış, özünü idarəetmə və seksual mühitdə
özünümüdafiə mövzuları əhatə edilmişdir. Proqramın xərci 104 iştirakçı üçün 24 min ABŞ dolları təşkil
etmişdir. Həmin iştirakçılar arasında prezervativlərdən daha çox istifadə və partnyorların sayının azaldılması ilə
yoluxmaya qarşı görülən tibbi tədbirlər üçün xərclənəcək təxminən 42 min ABŞ dollarına qənaət edilmişdir.
4
Siyasətin tənzimlənməsi məsələlərini də əhatə edən kommunikasiya tədbirlərinin iqtisadi baxımdan daha
səmərəli nəticələrin əldə edilməsinə səbəb olması da müəyyən edilmişdir.
5
ABŞ-da nəşr olunan ədəbiyyatın geniş və sistemli tədqiqi nəticəsində aydın olmuşdur ki, sağlamlığın təşviqi
tədbirlərinin xərcləri barədə dərc edilmiş 32 nəşrin 88 faizi tibbi xərclərin azalmasına səbəb olmuşdur. Maliyyə
4
Paul Hutchinson and Jennifer Wheeler. 2006. The Cost-Effectiveness of Health Communication Programs: What Do We
Know?
Journal of Health Communication: International Perspectives
, 2006 Volume 11, Supplement 2.
5
Michael Sweat, Deanna Kerrigan, et al. 2006. Cost-Effectiveness of Environmental Structural Communication Interventions
for HIV Prevention in the Female Sex Industry in the Dominican Republic.
Journal of Health Communication: International
Perspectives
, 2006 Volume 11, Supplement 2
9
məsələlərinin də daxil edildiyi 10 tədqiqat işində tibbi xərclərin hər 3, 93 dollarının orta hesabla bir dollarına
qənaət edildiyi göstərilir.
6
Azərbaycan hökuməti də səhiyyə kommunikasiyası tədbirlərindən istifadə etməklə Çərçivə Konsepsiyasında
müəyyənləşdirilmiş prioritet sahələrdəki sağlamlıq problemlərinin qarşısının alınmasında səmərəli nəticələr əldə
edə bilər.
2.
VƏZİYYƏTİN TƏHLİLİ
2.1
EPİDEMİOLOGİYA VƏ XƏSTƏLİKLƏRİN AĞIRLIĞI İCMALI
Ötən illər ərzində Azərbaycanda sürətlənən iqtisadi inkişafa baxmayaraq, 2006-cı ildə aparılan Azərbaycanda
Demoqrafiya və Sağlamlıq Sorğusu (DSS) göstərir ki, 1990-cı ilin əvvəllərindən etibarən bir çox ciddi səhiyyə
problemləri hələ də qalmaqdadır. Həmin tədqiqatda əlavə edilir ki, yeni ciddi səhiyyə problemləri də baş
qaldırmaqdadır.
Azərbaycanda ölümün əsas səbəbləri sənayeləşmiş ölkələrdəki göstəricilərə oxşardır. Həmin səbəblərə ürək-
damar xəstəlikləri, xərçəng, bədbəxt hadisələr və zəhərlənmələr də daxildir. Lakin bununla belə müəyyən
yoluxucu xəstəliklər nəticəsində ölüm hallarının sayı artmaqdadır. Həmin yoluxucu xəstəliklərə vərəm,
malyariya və cinsi yolla yoluxulan xəstəliklər daxildir. 1995-ci ildən bəri vərəmə yoluxma halları 50 faiz
artmışdır. Hal-hazırda Azərbaycanda əhalinin hər 100 min nəfərindən 75-i vərəm xəstəliyinə yoluxmuşdur.
Vərəm xəstəliyi nəticəsində baş verən ölüm halları Avropa üzrə orta göstəricidən təxminən on dəfə çoxdur.
7
Malyariya xəstəliyinə yoluxma halları sosial-iqtisadi şərait, kənd təsərrüfatı praktikası və əhalinin köçkün,
qaçqın düşməsi nəticəsində 1990-cı illərdə əhəmiyyətli dərəcədə artmışdır. Hal-hazırda malyariya xəstəliyinə
yoluxma hallarının sayı azalmışdır, lakin xəstəliyə yoluxma hallarının yenidən artmasının qarşısını almaq üçün
müvafiq tədbirlərin görülməsinə zərurət vardır. Cinsi yolla yoluxan xəstəliklər məsələsi narahatlığı daha da
artırır. Qonokokk infeksiyası və siflisə yoluxma hallarının sayı azalmışdır. Lakin HİV infeksiyasına yoluxma
halları davamlı olaraq artmaqdadır. Belə ki, 2000-ci ilə olan məlumata görə, ölkə ərazisində HİV virusu ilə
yaşayan şəxslərin sayı 0 idisə, 2007-ci ildə bu rəqəm kəskin sürətlə artaraq 16000-ə çatmışdır
8
. QİÇS-lə
əlaqədar stiqma halları geniş yayılmışdır. QİÇS-in qarşısının alınması sahəsində məlumatlılıq aşağı
səviyyədədir. Ölkə əhalisi arasında yayılmış mövcud yanlış təsəvvürlərdən ikisini nümunə olaraq göstərmək
mümkündür. Belə ki, bir çox adamlar virusa yoluxmuş şəxsi öpməklə və ya ağcaqanad sancması nəticəsində
həmin virusa yoluxa biləcəklərinə inanırlar. Şəkərli diabet xəstəliyi zəruri məsələlərdən biridir. Lakin xəstəliyin
yayılması barədə məlumatlar məhduddur. Əqli xəstəliklər və özünəqəsd halları Müstəqil Dövlətlər Birliyi üzrə
orta göstəricidən aşağıdır. Bununla belə, ÜST-nin tədqiqatında göstərilir ki, ümumi ƏGHÖ-nün faizi kimi əlillik
qrupları üzrə göstərici ölkədəki kişi və qadınlar arasında ən çox yayılmış səhiyyə problemlərindən biridir.
9
Ana və uşaq sağlamlığının və reproduktiv sağlamlıq vəziyyətinin yaxşılaşdırılması hələ də ciddi problemlər
sırasındadır. DSS-2006 tədqiqatında təxmin edilir ki, ümumi fertillik nisbəti hər qadın üzrə 2.0 uşaqdır. Bu isə
əhalinin təzələnməsi üzrə müvafiq göstəricidən (2.1) cüzi azdır. Evli qadınlar arasında ən azı bir kontraseptiv
metod barədə məlumatlılıq göstəricisi demək olar ki, universaldır (97 faiz). Orta hesabla isə evli qadınlar dörd
kontraseptiv metod barədə məlumatlı olduqlarını bildirmişlər. Bununla yanaşı, Azərbaycanda qadının həyatı
boyu keçirdiyi abort əməliyyatlarının sayı 2.3-dür. Bu isə 2001-ci ildə Azərbaycanda keçirilmiş Reproduktiv
Sağlamlıq Tədqiqatı nəticəsində müəyyənləşdirilən göstərici ilə müqayisədə bu sahədə vəziyyətin pisləşdiyini
göstərir. Müasir kontraseptiv metodlardan istifadə nisbəti (təxminən 14 faiz) dünya üzrə ən aşağı göstəricilər
arasındadır. Anemiyanın qadınlar və 6-59 aylıq uşaqlar arasında yayılma sürəti narahatlıq doğurur. Belə ki, hal-
hazırda həmin xəstəliyin qadınlar arasında yayılma nisbəti 37 faiz 6-59 aylıq uşaqlar arasında isə 39%-dir. Ana
6
America’s Health Insurance Plans. Innovations in Prevention, wellness and Risk Reduction
www.ahip.org/content/default.aspx?docid=24898
7
USAID. 2008. Azerbaijan MCH Program Description
8
2008 Report on the global AIDS epidemic, UNAIDS/WHO, July 2008.
http://data.unQİÇS.org/pub/GlobalReport/2008/20080818_gr08_plwh_1990_2007_en.xls [internet səhifəsinə 16 aprel 2009-
cu ildə baxılmışdır]
9
World Health Organization, the Regional Office for Europe. 2006. Highlights on health in Azerbaijan 2005.
10
və azyaşlı uşaqların qidalanması və o cümlədən, mikroelementlərin qəbulu lazımi səviyyədə deyil. Belə ki,
anaların cəmi 23%-i dəmir-folat və uşaqların isə 44%-i yaşına müvafiq adekvat qida qəbul edirlər.
10
Həyat tərzi ilə əlaqədar risk faktorları, o cümlədən, tütün, qeyri-sağlam qidalanma, alkoqoldan həddən artıq
istifadə etmə və idmanla məşğul olma səviyyəsinin aşağı olması ölkə üzrə səhiyyə göstəricilərinə birbaşa təsir
edən amillərdir. DSS-2006-da göstərilir ki, 15-49 yaşlı kişilərin yarısı siqaret çəkməyi adi vərdiş hesab edirlər.
Tədqiqata cəlb edilmiş kişilərin otuz doqquz faizi bildirmişdir ki, onlar tədqiqatda iştirak etdikləri tarixdən
əvvəlki otuz gün ərzində ən azı bir alkoqollu içki qəbul etmişlər. Onların on faizi isə həftədə 1-2 dəfə alkoqol
qəbul etmələri barədə məlumat vermişlər.
Səhiyyə kommunikasiyasında prioritet kimi nəzərdə tutulan bu ciddi sağlamlıq problemlərinin həlli əhalinin
ümumi sağlamlığına da müsbət təsir göstərərdi. Səhiyyə kommunikasiyası sahəsində maarifləndirmə və təşviqat
tədbirlərinin əsaslı nəticələr verməsi o halda mümkün olar ki, həmin tədbirlər səhiyyə sisteminin gücləndirilməsi
təşəbbüsləri ilə paralel həyata keçirilsin.
2.2
SƏHİYYƏ İSLAHATI VƏ SƏHİYYƏ SİYASƏTİ MÜHİTİNİN İCMALI
Səhiyyə göstəricilərinin yaxşılaşdırılması və səhiyyə sektorunda islahatların həyata keçirilməsi üçün əsas
istiqamətlərin müəyyənləşdirildiyi ilk konseptual sənəd 1999-cu ildə Səhiyyə Nazirliyinin rəhbərliyi ilə Səhiyyə
İslahatları üzrə Dövlət Komissiyası tərəfindən işlənib hazırlanmışdır. Səhiyyə islahatları üzrə yeni konsepsiya
2006-cı ildə işlənib hazırlanmışdır. 2008-ci ilin əvvəllərində isə həmin konsepsiya yenilənmiş və yekun təsdiq
üçün təqdim edilmişdir. İslahatlar prosesi Azərbaycan hökuməti, Dünya Bankı, USAİD, UNİCEF və ÜST
tərəfindən birgə olaraq maliyyələşdirilir və Səhiyyə Sektorunda İslahatlar Layihəsi çərçivəsində həyata keçirilir.
İslahatların əhatə dairəsi genişdir. Ona görə də bütün strateji istiqamətlərdə əsaslı nəticələrin əldə edilməsi üçün
icra prosesi vaxt aparır. Layihənin icrası çərçivəsində ən təxirəsalınmaz və əsaslı məsələlərin, o cümlədən icbari
tibbi sığortanın tətbiqi, səhiyyənin maliyyələşmə məsələləri, ailə təbabətinin və ilkin səhiyyə xidmətində
sübutlara əsaslanan təbabət prinsiplərinin tətbiqi, səhiyyə işçiləri arasında dərman vasitələrindən qeyri-rasional
istifadə məsələsinin həllinə başlanılmışdır. Bütün strateji istiqamətlər 1-ci təsvirdə verilmişdir.
Sovet İttifaqından ayrıldıqdan sonra Azərbaycan səhiyyə sektorunun dəstəklənməsi üçün müvafiq hüquqi
çərçivə genişləndirilir və həmin çərçivə təkmilləşdirilir. Parlament tərəfindən qəbul olunan qanunlardan (həmin
qanunların siyahısı üçün bax: 1-ci cədvəl) əlavə, SN 2003-cü ildən etibarən, dövlət səhiyyə proqramları işləyib
hazırlamışdır. 2-ci təsvirdə göstərilən hər bir proqram üçün icra planı, dəqiqliklə müəyyən edilmiş vəzifələr və
ayrı-ayrılıqda maliyyələşmə qaydaları müəyyənləşdirilmişdir. Proqramların planlaşdırılması illik əsasda həyata
keçirilir.
1-ci təsvir. Azərbaycanda səhiyyə islahatlarının strateji istiqamətləri:
1. Səhiyyə sisteminin idarə edilməsi və tənzimlənməsi vəziyyətinin yaxşılaşdırılması
2. Səhiyyə sektorunun maliyyələşmə vəziyyətinin yaxşılaşdırılması
3. Xidmətlərin göstərilməsi sahəsində səmərəliliyin artırılması
4. İkinci, üçüncü dərəcəli və sosial xidmətlərin islahatlara cəlb edilməsi
5. İctimai səhiyyə xidmətlərində islahatların aparılması
6. Dərman vasitələrindən rasional istifadə vəziyyətinin və dərman vasitələrinin əldə edilmə
imkanlarının yaxşılaşdırılması
7. Kadr resursları siyasətinin yaxşılaşdırılması
8. Mövcud monitorinq və qiymətləndirmə sistemlərinin beynəlxalq standartlara uyğunlaşdırılması
10
USAID. 2008. Azerbaijan MCH Program Description
http://www.usaid.gov/our_work/global_health/mch/publications/docs/mch08_program_descriptions_ee.pdf.
11
2-ci təsvir. Doqquz dövlət proqramı:
1. “Şəkərli diabet üzrə Dövlət Proqramı”
2. “Hemofiliya və talassemiya irsi qan xəstəlikləri üzrə Dövlət Proqramı”
3. “Qanın, qan komponentlərinin donorluğu və qan xidmətinin inkişafına dair Dövlət Proqramı”
4. “2008-2012-ci illər üçün Azərbaycan Respublikasında HİV/AİDS-in (insanda immun çatışmazlığı
virusunun törətdiyi xəstəliklərin) qarşısının alınması və onunla mübarizə üzrə Tədbirlər Proqramı”
5. “Yoluxucu xəstəliklərin immunoprofilaktikasına dair Tədbirlər Proqramı”
6. “Azərbaycan Respublikasının rabitə və informasiya texnologiyalarının inkişafı üzrə 2005-2008-ci illər
üçün Dövlət Proqramı”
7. “Onkoloji xəstələrin şiş əleyhinə əsas preparatlarla təminatı üzrə Tədbirlər Proqramı”
8. “Xroniki böyrək çatışmazlığı üzrə Tədbirlər Proqramı”
9. “Ana və uşaqların sağlamlığının qorunması üzrə Tədbirlər Proqramı”
1-Cİ CƏDVƏL. İCTİMAİ SƏHİYYƏ SAHƏSİNDƏKİ NORMATİV HÜQUQİ AKTLAR VƏ DİGƏR
TƏNZİMLƏMƏLƏR
Adı
İl
1. Sanitariya-epidemioloji salamatlıq haqqında Azərbaycan Respublikası Qanunu
1992
2. İnsanın immunçatışmazlığı virusunun törətdiyi xəstəliyin (QİÇS) yayılmasının qarşısının alınması
haqqında Azərbaycan Respublikası Qanunu
1996
3. Əczaçılıq fəaliyyəti haqqında Azərbaycan Respublikası Qanunu
1996
4. Əhalinin sağlamlığının qorunması haqqında Azərbaycan Respublikası Qanunu
1997
5. Əhalinin radiasiya təhlükəsizliyi haqqında Azərbaycan Respublikası Qanunu
1997
6. Azərbaycan Respublikasında səhiyyə sahəsində islahatlar üzrə Dövlət Komissiyasının yaradılması
haqqında Azərbaycan Respublikası Prezidentinin Sərəncamı
1998
7. Tibbi sığorta haqqında Azərbaycan Respublikası Qanunu
1999
8. İnsan orqan və (və ya) toxumalarının transplantasiyası haqqında Azərbaycan Respublikası Qanunu
1999
9. Özəl tibb fəaliyyəti haqqında Azərbaycan Respublikası Qanunu
2000
10. Azərbaycan Respublikasında vərəmlə mübarizə haqqında Azərbaycan Respublikası Qanunu
2000
11. Yoluxucu xəstəliklərin immunoprofilaktikası haqqında Azərbaycan Respublikası Qanunu
2000
12. Çatışmazlığı xəstəliklərinin kütləvi profilaktikası məqsədi ilə duzun yodlaşdırılması haqqında
Azərbaycan Respublikası Qanunu
2001
13. Şəkərli diabet xəstəliyinə tutulmuş şəxslərə dövlət qayğısı haqqında Azərbaycan Respublikası
Qanunu
2003
14. Hemofiliya və talassemiya irsi qan xəstəliklərinə düçar olmuş şəxslərə dövlət qayğısı haqqında
Azərbaycan Respublikası Qanunu
2005
15. Dərman vasitələri haqqında Azərbaycan Respublikası Qanunu
2006
16. Onkoloji yardım haqqında Azərbaycan Respublikası Qanunu
2006
17. Azərbaycan Respublikasında səhiyyənin maliyyələşdirilməsi sisteminin islahatı və icbari tibbi
sığortanın tətbiqi Konsepsiyasının təsdiq edilməsi haqqında Azərbaycan Respublikası Prezidentinin
Sərəncamı
2008
18. Təbii müalicə ehtiyatları, müalicə-sağlamlaşdırma yerləri və kurortlar haqqında
Azərbaycan Respublikasının Qanunu
2008
19. 2008-2015-ci illər ərzində reproduktiv sağlamlıq üzrə Milli Strategiya
2008
2.3
KOMMUNİKASİYA MÜHİTİNİN İCMALI
SN İSİM-in SKİƏŞ və yeni yaradılmış ASKA yerli və ölkə səviyyəsində sağlamlığın təşviqi və maarifləndirmə
kampaniyaları və proqramlarını həyata keçirmək üçün əlaqələndirmə işləri görür və peşəkar kommunikasiya
resursları yaradırlar. 2006-cı ildən bəri SKİƏŞ tərəfindən proqram menecerləri üçün keçirilən seminarlarda
iştirak edənlər əsas kommunikasiya metod və vasitələri və eləcə də kommunikasiya planlaşdırmasına strateji
yanaşma mövzuları ilə tanış olmuşlar. Sağlamlığın təşviqi və kommunikasiya sahəsində jurnalistlərin iştirakını
artırmaq üçün ASKA tərəfindən müntəzəm təlimlər və dəyirmi masalar keçirilmişdir.
Kütləvi informasiya vasitələri ilə bağlı həyata keçirilən tədbirlərin nəzərdən keçirilməsindən sonra belə bir
qənaətə gəlmək olar ki, ölkədə həm dövlət, həm də özəl maliyyə mənbələrinə malik bir çox səhiyyə istiqamətli
nəşr və digər mətbuat vasitələri mövcuddur. Səhiyyə məlumatlarının əksəriyyəti televiziya kanalları vasitəsi ilə
ötürülür. AzTV, Xəzər-TV, ANS və Space televiziya kanalları həftədə ən azı bir dəfə səhiyyə ilə əlaqədar
12
verilişlər yayımlayır. Bu proqramlardan bəziləri sual-cavab bölmələrinə də malikdirlər. Səhiyyə məlumatlarının
ictimaiyyətə çatdırılması baxımından bu proqramlar etibarlı platforma rolunu oynasa da, həmin proqramlara
tamaşa edənlərin sayının azlığı onu göstərir ki, həmin proqramlarda istifadə olunan hazırki format ictimai
marağın cəlb edilməsi sahəsində o qədər də effektiv deyil. Belə proqramların tamaşaçıları ümumi əhalidir.
Azərbaycanda nəşr olunan tibb jurnalları və qəzetləri ümumi əhali və eləcə də səhiyyə işçiləri və inzibatçıları da
daxil olmaqla, geniş auditoriyaya malikdir. Nəşr olunan jurnalların qiyməti nisbətən baha olduğuna görə belə
jurnalların oxucularının əksəriyyəti orta və yüksək gəlir mənbəyinə malikdir.
Azərbaycandakı mətbuat praktikası kommunikasiya kanalları sahəsindəki vəziyyəti əks etdirir. 2006-cı ildə
ABŞ-ın Beynəlxalq İnkişaf Agentliyinin dəstəyi ilə, İlkin Səhiyyə Xidmətinin Genişləndirilmə Layihəsi
çərçivəsində “Azərbaycanda Səhiyyə Bilikləri, Münasibət və Təcrübə” adı altında sorğu keçirilmişdir. Həmin
sorğunun nəticələrinə dair hesabatda qeyd edilir ki, savadlılıq nisbətinin 99 faiz olmasına baxmayaraq, tədqiqata
cəlb edilən əhali arasında nəşr materiallarının oxunma nisbəti 62 faizdir. Bu isə 2001-ci ildə Kiril əlifbasından
Latın əlifbasına keçidlə əlaqədardır. Bu keçid təhsilini Sovet dövründə tamamlamış şəxslər üçün xüsusilə çətin
olmuşdur. Kişi və qadınlar üçün əsas mətbuat mənbəyi gündəlik 93 faiz tamaşaçı nisbəti ilə televiziya olmuşdur.
İctimai televiziya kanalı olan İTV ən çox təkrarlanan televiziya kanalı olmuşdur. Sonrakı yerləri isə Space,
ATV, STV, ANS, Lider TV, AzTV və Kanal D tutmuşdur. Sorğuda iştirak edənlərin cəmi beş faizi səhiyyə və
maarifləndirmə proqramlarını izlədiklərini bildirmişlər. Sorğuya cəlb edilənlərdən təxminən 22 faizi qeyd
etmişdir ki, onlar gündəlik radioya qulaq asırlar. Onlardan 65 faizi isə radioya qulaq asmadıqlarını bildirmişlər.
Savadlılıq səviyyəsinin yüksək olmasına baxmayaraq, nisbətən daha az azərbaycanlı müntəzəm olaraq qəzet
oxuyur. Hesabatda göstərilir ki, respondentlərin cəmi 12 faizi həftədə bir dəfə qəzet oxuduqlarını qeyd etmişlər.
İnternet əsaslı kanallar yeni-yeni təşəkkül tapmaqdadır və infrastrukturun olmaması və internet xidmətinin
həddən artıq baha olması nəticəsində belə kanallardan az sayda şəhər əhalisi istifadə edir.
Səhiyyə Nazirliyi və digər hökumət qurumları Azərbaycan əhalisini səhiyyə məsələlərində maarifləndirmək
üçün donor təşkilatlarla fəal əməkdaşlıq edirlər. Ötən beş il ərzində Azərbaycan hökuməti və donor təşkilatları
müxtəlif sağlamlıq problemlərini əhatə edən çoxsaylı kommunikasiya tədbirləri həyata keçirmişlər. Əsas
kommunikasiya proqramları bu sənədə qoşulmuş 3-cü Əlavədə təqdim edilir.
Dostları ilə paylaş: |