Mənbə: Dövlət Statistika Komitəsi
Ölkəmizin neft sektoruna cəlb olunan Birbaşa Xarici İnvestisiyanın neft sektoru üzrə il ərzində ÜDM-ə olan nisbəti 2007-ci ilə qədər 20%-in üzərində olub, 2008-2013-cü illərdə 10-20% arasında dəyişib, 2015-ci ildən 30%-in üzərində dayanmışdır.
Bundan fərqli şəkildə qeyri-neft sektoruna cəlb olunan Birbaşa Xarici İnvestisiyanın qeyri-neft ÜDM-nə olan nisbəti çox vaxt 3%-in altında olmuşdur. 2016-cı ildə bu göstərici si 7.6% səviyyəsinə qədər çoxalmışdır. Göstəricinin kəskin şəkildə dəyişilməsində qeyri-neft üzrə ÜDM-nin kəskin formada azalması əsas rol oynamışdır: 2016-cı ildə isə qeyri-neft üzrə ÜDM-nin miqdarı təxminən 22.5 mlrd. dollar səviyyəsində olmuşdur, bu da 2014-cü ildəkinə müqayisədə 46.8%, 2015-ci ildəkinə müqayisədə isə 32.4% az olmuşdur. 2017-ci ildə Birbaşa Xarici İnvestisiyanın azalması ilə əlaqədar həmin göstəricinin səviyyəsi 3.5%-ə enmişdir.
2000-2017-ci illər ərzində respublikamızın qeyri-neft sektoruna cəmi 10.9 mlrd.dollar miqdarında BXİ daxil edilib: bu həmin dövr müddətində ölkədə qeyri-neft sektorunda yaradılan ÜDM-in 3.3%-i miqdarındadır.
DSK-nın məlumatına görə bu dövr ərzində qeyri-neft sahəsinə daxil edilmiş ümumi Birbaşa Xarici İnvestisiyanın 2588.2 mln. dolları Türkiyə, 1649.3 mln. dolları İngiltərə, 1125.0 mln. dolları Hollandiya, 911.7 mln. dolları Amerika, 757.9 mln. dolları Rusiya, 717.6 mln. dolları Birləşmiş Ərəb Əmirlikləri, 615.4 mln. dolları Almaniya, 143.7 mln. dolları İtaliya, 138.3 mln. dolları Fransa, 97.1 mln. dolları Çin, 91.0 mln. dolları İran şirkətlərinin payına düşmüşdür. (diaqram 2.3.3).
Diaqram 2.3.3.
2000-2017-ci illər dövründə Azərbaycanın qeyri-neft sektoruna axan BXİ-nin mənşə ölkələri
Dostları ilə paylaş: |
