Azərbaycan Respublikası Təhsil Nazirliyi Azərbaycan Respublikası Təhsil Problemləri İnstitutu

 
3. Yazı 
Şagird:
3.1. Rabitəli yazı vərdişlərinə yiyələndiyini nümayiş etdirir. 
3.1.1. Üslubi xüsusiyyətləri gözləməklə müxtəlif mətnlər yazır. 
3.1.2. Müxtəlif yanaşmalara və şəxsi düşüncələrə istinadən əsaslandırılmış mətnlər 
qurur. 
3.1.3. Mətni üslubi və struktur cəhətdən təkmilləşdirir.
3.1.4. Müxtəlif əməli yazılar (referat, təqdimat) yazır. 
 
4. Dil qaydaları 
Şagird:
4.1. Dil qaydalarını mənimsədiyini nümayiş etdirir. 
4.1.1. Müxtəlif cümlə konstruksiyalarından məqsədyönlü istifadə edir.
4.1.2. Qrammatik-semantik xüsusiyyətlərini gözləməklə sözlərdən üslubi 
imkanlarına görə istifadə edir. 
4.1.3. Nitqin düzgünlüyü və ifadəliliyini təmin edən durğu işarələrindən 
məqsədyönlü istifadə edir. 
4.1.4. Üslubi çalarlarından asılı olaraq sözləri böyük və kiçik hərflərlə yazır.

---

1.6 Fəndaxili və fənlərarası inteqrasiya 
 
Məlumdur ki, insan sosial bir varlıq kimi onu əhatə edən cəmiyyət və 
təbiətin mühüm tərkib hissəsidir. Onun bir şəxsiyyət kimi formalaşması 
cəmiyyətdə və təbiətdə baş verən dəyişiklik fonunda özünü dərindən dərk etməsi 
ilə bağlıdır. Odur ki, təhsilin yetişməkdə olan gənc nəsli şüurlu surətdə müstəqil və 
yaradıcı həyata hazırlamaq funksiyası həmişə aktual olmuş və bu əlaqənin hansı 
prinsiplər əsasında qurulmasından asılı olaraq, onun (təhsilin) məqsədi, məzmunu 
və təşkili formaları müəyyənləşdirilmişdir. Bu baxımdan «Azərbaycan 
Respublikasında Ümumi Təhsilin Konsepsiyası (Milli Kurikulumu)» sənədində 
istinad edilən tələbyönümlülük, nəticəyönümlülük, şagirdyönümlülük və s. 
prinsipləri ilə yanaşı, inteqrativlik prinsipi xüsusi qeyd olunmalıdır. Geniş mənada 
təhsilin müxtəlif: ibtidai, əsas və orta pillələrində tədris edilən fənlərin 
müəyyənləşdirilməsində başlıca prinsip kimi götürülən inteqrativlik, eyni 
zamanda, konkret fənlərin, o cümlədən Azərbaycan dili fənninin də məzmununun 
və təşkili formalarının müəyyənləşdirilməsində mühüm rol oynayır. Fəndaxili 
(şaquli) və fənlərarası (üfüqi) əlaqə şəklində təsnif edilən inteqrasiya Azərbaycan 
dili ilə bağlı bilik və bacarıqları özündə ehtiva edən məzmun standartlarının 
hazırlanmasında aşağıdakı variantlarda ifadəsini tapmışdır:
1) Təhsilin hər üç pilləsi üzrə ümumi nəticələrin inteqrasiyası.
“Təhsil haqqında” Azərbaycan Respublikasının Qanununun təsdiq olunması 
bütün normativlər sənədlər kimi Milli Kurikulumun da yeniləşməsini tələb edirdi. 
Bu baxımdan Milli Kurikulum sənədində Azərbaycan dili fənninin təhsil 
səviyyələri üzrə ümumi nəticələri yenidən işlənərək təkmilləşmə işləri aparılmış və 
“Ümumi təhsilin dövlət standartı və proqramları” sənədində aşağıdakı kimi 
müəyyənləşdirilmişdir.