IX sinif Mövzu: Qapı kilidinin quraşdırılması texnologiyası.
Standart: 3.1.2.
Məqsəd: Yaşayış yerində və məktəbdə qapı kilidinin qapıya quraşdırılması ilə
bağlı təqdimat edir.
İnteqrasiya: H.B. 4.2.1.
İş forması: Kiçik qruplarda iş, böyük qruplarda iş.
Resurslar: Xarrat alətləri (iskənə, çəkic, xətkeş, qələm, vintaçan, burğular,
elektrik dreli və s.), kilid nümunəsi, kilidin şəkli və quraşdırılmasını əks etdirən şəkil
(sxem).
Dərsin gedişi I mərhələ: Motivasiya, problemin qoyuluşu. Müəllim bütün sinifdə frontal sorğu keçirərək aşağıdakı sualları verir:
1. Kilid nə üçündür?
2. Kilidin hansı növlərini tanıyırsız?
3. Yaşadığınız mənzildə kilidlərə harada rast gəlmisiniz?
Şagirdlərin suallara verdikləri cavablar dinlənilir və müəllim tərəfindən
tədqiqat sualı qoyulur:
Tədqiqat sualı: Qapıya kilidi necə quraşdırmaq olar?
Müəllim şagirdlərin diqqətini dərslikdəki materiala yönəldərək, kilidin qapıya
quraşdırılması texnologiyası üzərində dayanır.
