tədrici dayanma adətən qismən və qapalı
olur.
Etibarlılıq nəzəriyyəsinin ümumi məsələləri Hələ qədimdən müəyyən məhsul hazırlayankən onun etibarlılığını təmin
etmək üçün müəyyən möhkəmlik ehtiyyatı nəzərdə tutulurdu ki, bu da onun
işləməsinin uzun ömürlülüyünə təminat verirdi. Lakin bu halda məhsul istehsalında
material sərfi artır, qabarit böyüyür, dəyər və çəki artırdı. Tezliklə bu üsulun az
səmərəli olduğu müəyyən edildi, aviasiya və kosmik texnika kimi sahələrə tədbiqi
məqsədə uyğun hesab olunmadı. Buna görə də hər hansı qurğunun etibarlılığını
artırmaq üçün ehtimal nəzəriyyəsi və riyazi statistikaya əsaslanan etibarlıq
nəzəriyyəsindən istifadə edilməyə başlanıldı.
Etibarlıq məsələləri hazırda müxtəlif texniki qurğular üçün praktikada olduqca
vacib texniki iqtisadi əhəmiyyətə malikdir. Bu göstəricilər xalq təsərrüfatında
bütün texniki qurğuların istifadəsini iqtisadi səmərəlilik dərəcəsini müəyyən edir.
Etibarlılıq məsələlərinin təhlili və tədqiqi ilə məşqul olan elm etibarlılıq
nəzəriyyəsi adlanır. Bu elmin əsas vəzifəsi texniki qurğularda baş verən sıradan
çıxmaların qanuna uyğunluqlarını öyrənməkdir. Etibarlılıq nəzəriyyəsi ehtimal
nəzəriyyəsi və riyazi statistika metodlarına əsaslanır.
Texniki qurğuların etibarlılıq problemini son vaxtlar daha kəskin şəkil
alınması aşağıdakı obyektiv səbəblərlə izah oluna bilər:
- texniki sistemlərin mürəkkəbliyinin kəskin artması ( yüz min və million
elementli qurğuların olması );
- istismar zamanı qurğuların ekstremal şəraitlərə məruz qalmaları ( yüksək
sürət, yüksək temperatura və təziq, vibrasiya, yüksək radiasiya və s.);
- iş keyfiyyətinə təlabatın artması ( yüksək dəqiqlik, səmərəlilik və s.);
- sıradan çıxmaların yüksək texniki və iqtisadi dəyərləri;
-
qurğulara insan nəzarətini aradan qaldıran tam və qismən
avtomatlaşdırmanın tədbiqi.