Azərbaycan respublikasi daxiLİ İŞLƏr naziRLİYİ polis akademiyasi “DİO-nun inzibati fəaliyyəti” kafedrası
Yüklə 468,5 Kb. Pdf görüntüsü
|
|
Giriş
Hüquq elmində yaranması baxımından aşkar sayılan və ətrafdakı şəxslərə aydın olan ictimai qayda, ictimai təhlükəsizlik və ictimai mənəviyyat bütün cəmiyyət üzvlərinə aid edildiyindən publik anlayışlar sırasına aid edilir. Adlarından göründüyü kimi, bu anlayışların təsirində mövcud olan ictimai münasibətlərin hər birisi məzmun baxımından aktual və vacibdir. Azərbaycan Respublikası Konstitusiyasının məzmunundan irəli gələrək şəxsiyyətin, cəmiyyətin və dövlətin təhlükəsizliyi dövlətin aidiyyəti orqanları tərəfindən mühafizə və müdafiə olunur. Burada qanunvericilik fəaliyyətinin həyata keçirilməsi və müvafiq sahələri tənzimləmək məqsədilə qanunların qəbul edilməsi, həmçinin onların həyata keçirilməsindən irəli gələrək müvafiq hakimiyyət orqanlarının yaradılması xüsusilə qeyd edilə bilər. Dövlət idarəetməsində icra hakimiyyəti sistemindəki mərkəzi icra hakimiyyəti orqanları statusu olan bəzi orqanlar, habelə DİN və onun sisteminə daxil olan ərazi və ixtisaslaşdırılmış polis orqanları fiziki və hüquqi şəxslərin hüquq, azadlıq və qanuni mənafelərini hüquqazidd qəsdlərdən qorumaqla, Azərbaycan Respublikasının Konstitu- siyası ilə təsbit edilən ali dəyərləri mühafizə edirlər. Barəsində danışılacaq mövzu öz aktuallığı baxımından mühüm əhəmiyyətə malikdir. Belə ki, 1 mart 2016-cı il tarixdən qüvvəyə minən İXM-in xüsusi hissəsinin quruluşu mühafizə olunan obyektlərin sosial mahiyyəti baxımından sistemləşdirilmişdir. Mühazirənin birinci sualında ictimai qayda əleyhinə olan inzibati xətalara görə inzibati məsuliyyətə dair nəzəri və normativ müddəalar təhlil ediləcəkdir. İctimai təhlükəsizlik əleyhinə olan inzibati xətalara görə inzibati məsuliyyət qanunvericilik baxımından mühazirənin ikinci sualında şərh olunacaqdır. Mühazirənin üçüncü sualında isə ictimai mənəviyyat əleyhinə olan inzibati xətalara görə inzibati məsuliyyətə dair məlumatlar təhlil ediləcəkdir. Qeyd edilən suallar üzrə verilən məlumatlar “Polis haqqında” Azərbaycan Respublikası Qanununda nəzərdə tutulan polisin fəaliyyət istiqamətlərinin öyrənilməsinin tərkib hissəsidir. Odur ki, mühazirə dərsində “İnzibati məsuliyyət” fənninin predmeti baxımdan veriləcək məlumatlar və ixtisas fənnlərindən olan “Cinayət hüququ” fənni vasitəsilə bu mövzuya dair əldə edəcəyiniz əlavə biliklər gələcək peşə fəaliyyətiniz baxımından xüsusi əhəmiyyət kəsb edir.
|