zakirələr zamanı demişdi: «Diskresion
səlahiyyət elə hüquqdur ki,
ondan
məhdud şəkildə istifadə edilməlidir... Bu, hüquqi formuldan daha çox
siyasi formuldur. Lakin formal olaraq diskresion hüququn mövcudluğu
şəraitində belə administrasiyanın azadlığına bir sıra məhdudiyyətlər
qoyulur, bu azadlıq qanunçuluq çərçivələrində həyata keçirilir və ona
görə nə tam, nə də nəzarətsiz azadlıqdır».
Administrasiya öz diskresion hüququndan istifadə edərkən
faktların nəzərə alınması zamanı səhvlərə yol verməməlidir.
Ümumiyyətlə o, yaranmış faktiki vəziyyət əsasında hərəkət
etməlidir. Buna görə onun həmin şəraitin yanlış şərh olunmasına yol
verməyə ixtiyarı yoxdur. Əgər pərakəndə satış qiymətləri sərbəst
mülahizədən asılıdırsa və administrasiya hər hansı mal üçün qiymət
müəyyənləşdirərkən hesablama aparır, bu zaman hər hansı dəyər
göstəricisi üzrə faktiki səhvə yol vermişdirsə, deməli, o öz diskresion
hüququndan pis istifadə etmişdir. Beləliklə, faktlara münasibətdə qa-
nunçuluğa əməl edilməsi dərəcəsi barədə də mühakimə yürütmək olar.
Dostları ilə paylaş: 
