|
Metonimiya yunan mənşəli “metonumia” sözü olub ad dəyişmə deməkdir. Hərfi mənada təkrar adlandırma mənası daşıyan metonimiya bir obyektin adının digər adın üzərinə köçürülməsidir. Bir obyektə birbaşa istinad etmək əvəzinə bəzən həmin obyektlə bağlı digər sözlərdən yəni metonimiyalardan istifadə olunur. Bu Sözün lüğəvi və kontekstual mənaları arasındakı aşkar əlaqəyə əsaslanır. Metonimiya bənzətmə əsasında deyil, iki fərqli obyektin bir birilə qarşılaşdırılması əsasında yaranır.dilçilikdə sinekdoxanın metonimiyanın bir növü olub olmadığı mübahisəli məsələlərdən biridir. Bəzi dilçilər sinekdoxanı ayrılıqda məcazın bir növü kimi qəbul etsələr də, bəziləri isə düşünür ki, sinekdoxa özü metonimiyanın bir növüdür. Sinekdoxa kəmiyyət əsasında bir obyektin digər obyekt üzərinə köçürülməsidir. Yəni sinekdoxa üçün obyektin bir hissəsinin köçürülməsi xarakterikdir. Dahi şairimiz M.Ə.Sabirin şeirindən verilmiş bir misrada sinekdoxaya nümunə göstərilmişdir.
Tacirlərimiz sonyalara bənd olacaqmış,
Bədbəxt tükəzbanları neylərdin, ilahi?! (V/ Sultanlı, 2002)
Dostları ilə paylaş: |
