Məsələn, bir ölkədə ÜDM-in həcmi başlanğıc ilində 30 milyard ABŞ dolla- rı təşkil edirsə, 8 il sonra ÜDM-in həcminin mövcud səviyyəsinin iki qatına (60 milyard ABŞ dollarına) çatması üçün illik iqtisadi artım tempi nə qədər olmalıdır?
T = 1 = 1= 0,09
Göründüyü kimi hədəfə çatmaq üçün faizlə ifadə etsək illik təqribən 9%-lik iqtisadi artım tempi tələb olunur.
İqtisadi ədəbiyyatda bir sıra hallarda ÜDM ilə yanaşı ümumi milli gəlir (ÜMG) anlayışından da istifadə olunur [2]. ÜMG hesablanarkən bir ölkənin digər ölkələr ilə iqtisadi əlaqələri nəticəsində yaranan ilkin gəlirlərin saldosu nəzərə alındığından, bu göstərici, başqa ölkələrə verilmiş və ya başqa ölkələrdən alınmış ilkin gəlirlərin fərqinin miqdarı qədər ÜDM-dən fərqlənir.
