Standart: 1.2.1; 2.2.1.
Mövzu:İki gombul və dovşan
Təlim nəticəsi: (şagird) 1. Verilmiş mətni oxuyur və əsas fikri anlayır.
2. Verilmiş mətndəki obrazlar haqqında mühakimə yürüdür.
3. Verilmiş mətndəki hadisələr haqqında mühakimə yürüdür.
Fənlərarası inteqrasiya: H-b.: 2.3.4.
İş forması: böyük qrup
İş üsulu:əqli hücum, müzakirə, diskussiya
Resurslar:şəkil, rəngli qələmlər, marker, pozan və s.
Dərsin gedişi Motivasiya, problemin qoyuluşu. Qarışqa zəhmətkeşdir, özündən ağır yükü (dəni) əziyyətlə yuvasına daşıyır. Yuvaya bir qədər qalmış sərçə uçub gəlir və qarışqanın daşımağa cəhd etdiyi dəni götürüb uçur. Uçarkən o, bir ağac budağına toxunur və yaralanır (zədə alır).
Müəllim şagirdlərdən soruşur:
-Hadisələrə necə yanaşırsınız? Zərər çəkən tərəf hansıdır? (Fərziyyələr dinlənilir).
Tədqiqat sualı: -Əkəndə yox, biçəndə yox, yeyəndə ortaq qardaş-məsəlinin mənasını necə başa düşürsünüz?
Tədqiqatın aparılması: Mətn üzərində iş. Hekayə növbə ilə hissə-hissə oxunur. İş dəftəri, səh. 140-141.
Məlumat mübadiləsi və müzakirəsi: Şagirdlər hekayəyə dair fikirlərini bölüşür və bir-birinin fikirlərinə diqqət nümayiş etdirir və müzakirə edirlər.
Nəticə: Başqasının zəhmətinə göz tikən acgözlərə, hazıryeyənlərə kimsənin yazığı gəlməməlidir.
Ev tapşırığı: Zəhmətsevərlik və tənbəlliyə aid atalar sözləri yazın.
Qiymətləndirmə: Meyar cədvəlinə uyğun aparılır.
Daha bir dərs nümunəsinə nəzər salaq.
Standart: 1.2.1; 2.2.4.
Mövzu: Dostlar səfərdə
Təlim nəticəsi: (şagird) 1.Mətnə uyğun verilmiş atalar sözlərindəki fikri anlayır.
2.Mətndəki əsas fikri anladığını nümayiş etdirir.
3.Dostlar səfərdə mətnində surətlərə, hadisələrə dair mühakimə yürüdür.
