Azərbaycan respublikasi təHSİl naziRLİYİ azərbaycan respublikasi təHSİL İnstitutu
Yüklə 2,33 Mb. Pdf görüntüsü
|
|
musiqiyə, bədii sözə
qarşı çox həssas olurlar. Onlar böyük məmnuniyyətlə sadə nağılları, mahnıları dinləyir, böyüklər oxuyarkən onlara qoşulur, özü sevdiyi mahnını oxuyur və rəqs edir. Ritmə, intonasiyaya, şeirlərin ahənginə həssaslıq artır. Hərəkətləri müsiqiyə uyğun uzlaşdırmaq qabiliyyəti yüksəlir, musiqi sədaları altında elementar ritmik və müxtəlif hərəkətlər yaranır. Bu dövrdə bədii fəaliyyət üçün zəmin formalaşır, onu mənimsəməyin ilkin cəhdləri müşahidə edilir (maşın çəkəcəyəm). Sadalanan bütün keyfiyyətlər uşaqları yeni inkişaf dövrünə hazırlayır. Məktəbəqədər yaşlı uşağın fiziki və pisixi inkişafını təmin edən coxsaylı şərtlər arasında gün rejimi xüsusi yer tutur. Uşaq bağçalarında gün rejimi –uşaqların yuxu, qida qəbulu, sağlamlaşdırıcı və gigienik prosedurların, məşğələlərin və uşaqların müstəqil fəaliyyətinin bölüşdürülməsi sistemidir. Yemək, yuxu, oyun və təlim fəaliyyətinin bilavasitə təşkilinin daimi vaxtı- uşağın düzgün inkişafı və tərbiyəsi üçün mühüm şərtdir. Çünki, bundan uşağın həm sağlamlığı, həm də gümrah, şən, xoş əhvali-ruhiyyəsi asılıdır. Uşaq bağçasında uşaqların aktiv fəaliyyəti adətən müxtəlif fəaliyyət növlərindən yaranır ki, bunların da əsasını məşğələlər, müxtəlif əmək növləri, müstəqil hərəkət, hərəkətli idman oyunları, əyləncələr, səhər gimnastikası, fiziki mədəniyyət məşğələləri, müstəqil fəaliyyət, həmçinin gəzinti təşkil edir. Rejimə verilən əsas tələblər- fəaliyyət növlərinin digəri ilə həm vaxta görə, həm də düzgün növbələşməsinin dəqiqliyinə əməl edilməsidir. Rejimə düzgün əməl edilməsi nəticəsində orqanizm sanki qarşıdakı fəaliyyətlərə uğurla hazır olur və gün ərzində yaxşı iş qabiliyyəti nümayiş etdirərək, onları artıq enerji və gərginlik sərf etmədən sistemli şəkildə həyata keçirir. Gün rejiminə alışmış uşaqlar nizam-intizamları, əməksevərlikləri, yaşlılar və yaşıdları ilə ünsiyyət yaratmaları, xoş əhvali-ruhiyyələri, davranışları ilə seçilirlər. Belə uşaqlar adətən fəal və iştahalı olurlar ki, bütün bunlar da uşağın sağlamlığının və düzgün inkişafının göstəriciləridir. |