Nəticə və təkliflər: Tədqiqat işinin bu bölümündə aparılan
təhlil üzrə əldə edilmiş konkret nəticələrin yığcam şərhi
verilir. Bölmələr üzrə əldə edilmiş nəticələr elmi-təhlili,
metodoloji əsaslandırılmış və məntiqi mahiyyətli səciyyə
daşımalıdır. Bununla belə burada aparılan hesablama və
təhlil üzrə yalnız yekun nəticələr və maraq doğuran müvafiq
təklif və tövsiyyələr əks etdirilir. Ümumilikdə, nəticə və
təkliflər müəllif tərəfindən qoyulan məqsəd və vəzifələrə
uyğun olaraq problemin ardıcıl həllini cavablandırmalı və
tədqiqatın dolğun şəkildə bitməsini qiymətləndirməlidir.
