Azərbaycan respublikasinin

Məhkumların əsas vəzifələri 

 

Azərbaycan Respublikası Konstitusiyasının 72-ci maddəsinə  əsasən, 

dövlət və  cəmiyyət qarşısında hər bir şəxs onun hüquq və  vəzifələrindən 

bilavasitə irəli gələn vəzifələr daşıyır. 

Hər bir şəxs Azərbaycan Respublikasının Konstitusiyasına və qanunlarına 

əməl etməli, başqa  şəxslərin hüquq və azadlıqlarına hörmət bəsləməli, 

qanunla müəyyən edilmiş digər vəzifələri yerinə yetirməlidir. 

Oanunu bilməmək məsuliyyətdən azad etmir. 

 

Məhkumlar Azərbaycan Respublikasının qanunvericiliyi ilə müəyyən 

edilmiş vəzifələr daşıyırlar. Məhkumların əsas vəzifələri aşağıdakılardır: 

 

• Məhkumlar Azərbaycan Respublikasının vətəndaşları üçün 

qanunvericiliklə müəyyən olunmuş vəzifələri yerinə yetirməli və cəmiyyətdə 

qəbul edilmiş müvafiq davranış normalarına  riayət etməlidirlər. 

• Məhkumlar Cəzaların  İcrası  Məcəlləsinin, habelə ona uyğun qəbul 

edilmiş digər normativ hüquqi aktların tələblərinə riayət etməlidirlər. 

• Məhkumlar cəzanı icra edən müəssisə  və ya orqanın işçi heyətinin 

qanuni tələblərini yerinə yetirməlidirlər. 

• Məhkumlar cəzanı icra edən müəssisənin işçi heyətinə və cəzaçəkmə 

müəssisəsinə baş  çəkən  şəxslərə, habelə digər məhkumlara qarşı  nəzakətlə 

davranmalıdırlar. 

 

Məhkumlar üzərinə düşən vəzifələri, habelə cəzanı icra edən müəssisə və 

ya orqanın işçi heyətinin qanuni tələblərini yerinə yetirmədikdə, qanunla 

müəyyən edilmiş qaydada məsuliyyətə cəlb olunurlar. 

Məhkumların vəzifələri digər normativ aktlarda da nəzərdə tutula bilər və 

onların icrası məcburudir.    

 

---

 

17