13
Əmək qanunvericiliyinə uyğun olaraq ümumi orta təhsil alan məhkumlar
imtahan vermək üçün işdən azad edilirlər.
Cəzaçəkmə müəssisələrinin nəzdindəki ümumi orta təhsil müəssisələrinin
pedaqoji kollektivi tərbiyə işinin aparılmasında cəzaçəkmə müəssisələrinin
müdriyyətinə köməklik edir.
Müəyyən müddətə azadlıqdan məhrum etmə növündə cəzaya məhkum
olunmuş şəxslərin ümumi orta təhsili müvafiq icra hakimiyyəti orqanının
müəyyən etdiyi qaydada həyata keçirilir.
Ömürlük azadlıqdan məhrum etmə növündə cəzaya məhkum olunmuş
şəxslər ümumi orta təhsilə cəlb olunmurlar. Onların fərdi qaydada təhsil
alması üçün cəzanın icrası və çəkilməsi qaydasına, şərtlərinə zidd olmayan
şərait yaradılır.
Azərbaycan Respublikası Konstitusiyasının 42-ci maddəsinə əsasən, hər
bir vətəndaşın təhsil almaq hüququ vardır.
Azərbaycan Respublikası Cəzaların İcrası Məcəlləsinə əsasən, peşəsi və
ya ixtisası olmayan məhkumlar üçün cəzaçəkmə müəssisələrində peşə təhsili
və ya peşə hazırlığı həyata keçirilir.
Hamilə və ya cəzaçəkmə müəssisələri nəzdindəki uşaq evlərində uşaqları
olan məhkum qadınlar, altmış yaşından yuxarı kişi və əlli beş yaşından yuxarı
qadın məhkumlar, birinci və ikinci qrup əlilliyi olan məhkumlar peşə
təhsilinə və ya peşə hazırlığına öz arzularına görə cəlb edilirlər.
Tərbiyə müəssisələrində peşə təhsili və ya peşə hazırlığı məhkumların iş
günü müddəti ərzində həyata keçirilir.
Cəzaçəkmə müəssisələrində saxlanılan məhkumlar peşə təhsili üzrə
imtahan vermək üçün əmək qanunvericiliyində nəzərdə tutulmuş müddətə
işdən azad edilirlər. Bu müddət üçün onlara əmək haqqı hesablanmır, lakin
yemək pulsuz verilir.
Məntəqə tipli cəzaçekmə müəssisələrində cəza çəkən məhkumların peşə
təhsili üzrə imtahan verməsi dövründə onların maddi təminatı
qanunvericiliklə müəyyən etdilmiş qayda və şərtlərlə həyata keçirilir.
Məhkumların peşə təhsili və ya peşə hazırlığı həvəsləndirilir və onların
islah edilməsi müəyyən edilərkən nəzərə alınır.
Peşə təhsili və ya peşə hazırlığı qanunvericiliklə müəyyən edilmiş
qaydada həyata keçirilir.
Ömürlük azadlıqdan məhrum etmə növündə cəzaya məhkum olunmuş
şəxslər peşə təhsili və peşə hazırlığına cəlb olunmurlar.