Tərcüməçi xidmətindən istifadə etmək hüququ
Azərbaycan Respublikası Konstitusiyasının 45-ci maddəsinə əsasən, hər
kəsin ana dilindən istifadə etmək hüququ vardır. Hər kəsin istədiyi dildə
tərbiyə və təhsil almaq, yaradıcılıqla məşğul olmaq hüququ vardır. Qeyd
edilən hüquqlar məhkumlara da şamil edilir.
Heç kəs ana dilindən istifadə hüququndan məhrum edilə bilməz.
Hüquq və azadlıqların müdafiəsi üzrə Azərbaycan Respublikasının
qanunvericiliyi ilə müəyyən edilmiş qaydada təklif, ərizə və şikayətlə dövlət
dilində və ya başqa dildə müraciət etmək, zəruri hallarda isə bu məqsədlər
üçün cəzanı icra edən müəssisə və ya orqan tərəfindən təqdim edilən
tərcüməçi xidmətindən istifadə etmək hüququna malikdirlər.
Dostları ilə paylaş: |