2. Məhbuslarla beynəlxalq minimal standart davranış qaydaları
Birləşmiş Millətlər Təşkilatının cinayətkarlığın qarşısını almaq və qanun
pozucuları ilə davranışa dair 1955-ci ildə Cenevrədə keçirilən birinci
konqresində qəbul edilmiş və İqtisadi və Sosial Şura tərəfindən onun 663
(XXIV) sayh 31 iyul 1957-ci il və 2076 (XII) saylı 13 may 1977-ci il tarixli
qətnamələri ilə bəyənilmişdir.
Aşağıdakı qaydalar nümunəvi həbs cəzası müəssisələri sistemini müfəssəl
təsvir etmək məqsədi daşımayıb, yalnız müasir fikrin hamı tərəfindən qəbul
edilmiş nailiyətləri əsasında və hazırda daha qənaətbəxş olan sistemlərin
başlıca elementləri nəzərə alınmaqla, adətən məhbuslarla davranış, həbsxana
müəssisələrinin idarə olunması sahəsində prinsipial və praktik baxımdan
düzgün sayılanları ifadə etmək üçün təsis edilmişdir.
Hüquqi, sosial, iqtisadi və coğrafi şəraitin müxtəlifliyi nəzərə alınmaqla
aydındır ki, bu qaydaların heç də hamısını hər yerdə və eyni vaxtda tətbiq
etmək olmaz. Bununla belə, bu qaydalar daim onların həyata keçirilməsində
qarşıya çıxan praktik çətinliklərin aradan qaldırılmasına yönəldilmiş səylər
doğurmalıdır. Belə ki, onlar ümumiyyətlə və bütövlükdə Birləşmiş Millətlər
Təşkilatının məqbul saydığı minimal şərtləri əks etdirir.
Digər tərəfdən onlar fikrin daim irəli getdiyi fəaliyyət sahəsini əhatə
edirlər. Bu qaydalar onlarda əksini tapmış prinsiplərə uyğun və onlarda
nəzərdə tutulan məqsədlərə nail olunmasına yönəldilmiş təcrübələrin
keçirilməsinə və praktikanın tətbiqinə əngəl törətmək məqsədi daşımır.
Qaydalardan bu ruhda kənara çıxmağa yol verilməsi mərkəzi həbsxana
idarəsi üçün həmişə bəraətverici olacaqdır.
2.1-ci yarımfəsildə təsbit olunmuş müddəalar cəzaçəkmə müəssisələrinin
ümumi idarə edilməsinə və cinayət işi, yaxud mülki iş üzrə həbsdə
olmasından və yalnız istintaqda olmasından, yaxud məhkum edilməsindən -
hakimin təyin edilməsindən-hakimin təyin etdiyi «təhlükəsizlik tədbiri»,
yaxud islah tədbirləri məqsədilə həbs edilənlər daxil olmaqla - asılı
olmayaraq, bütün kateqoriyadan olan məhbuslara aiddir.
2.2-ci yarımfəsildə haqqında hər bölmədə bəhs edilən xüsusi
kateqoriyalara tətbiq edilən qaydalar ifadə edilir. Lakin 2.2.1-ci bəndi üzrə
məhkum edilmiş məhbuslara aid qaydalar eyni dərəcədə barəsində
yarımfəsilin digər bəndlərində söhbət gedən kateqoriyalardan olan şəxslərə
də - bu kateqoriyadan olan şəxslər üçün işlənib hazırlanmış qaydalara zidd
olmamaq və sonuncuların vəziyyətini yaxşılaşdırmaq şərtilə - aid edilməlidir.
18
Qaydalar azyaşlılar üçün bu cür müəssisələrin - Barstalın müəssisələri,
yaxud islah evləri kimi - idarə olunmasını nizama salmaq məqsədi daşımır.
Bununla belə, 2.1-ci yarımfəsil bu müəssisələrə də tətbiq edilə bilər.
Azyaşlılar kateqoriyasına, heç olmasa, azyaşlı cinayətkarları mühakimə
etmək səlahiyyətinə malik məhkəmələrə aid olan bütün gənc məhbuslar daxil
edilməlidir. Bir qayda olaraq, belə gənc adamlar həbs cəzasına məhkum
edilməlidir.
Dostları ilə paylaş: |