Penitensiar müəssisələrin işçi heyəti
Cəza-icra sisteminə daxil olan müəssisələrin lazımi tərzdə idarə
olunmasında, təşkilati və tərbiyə planında qarşıya qoyulmuş məqsədlərə nail
olmaqda işçi heyətinin xüsusi rolunu nəzərə alaraq, penitensiar müdiriyyət bu
heyət haqqında qaydalara ciddi riayət edilməsinə birinci dərəcəli vəzifə kimi
baxmalıdır.
Təhsildən, məsləhət praseduralarından və səmərəli idarəetmə üsullarından
istifadə etməklə penitensir müəssisələrin əməkdaşları daima humanist
olmağa, ixtisaslarını artırmağa və vəzifələrini vicdanla icra etməyə
həvəsləndirilirlər.
Cəza-icra sisteminin rolu, işçi heyətinin əməyinin cəmiyyətin həyatında
mühüm əhəmiyyət kəsb etməsinin düzgün dərk edilməsi ilə əlaqədar
ictimaiyyətə daima məlumat verilməsini penitensiar müdiriyyət ən mühüm,
vacib vəzifələrindən biri hesab etməlidir.
Penitensiar rəhbərlik bütün səviyyələrdə işçi heyətini işə götürərkən və
sonradan onları vəzifəyə təyin edərkən olduqca ciddi surətdə seçmə
üsulundan istifadə edir. Belə iş üçün ən zəruri olan mənəvi təmizlik,
insanpərvərlik, peşə və şəxsi keyfiyyətlər nəzərə alınır.
İşçi heyəti bir qayda olaraq, öz vəzifələrini vicdanla yerinə yetirən, fiziki
cəhətdən yararlı, mənəvi cəhətdən sağlam, müvafiq təhsil səviyyəli,
47
məşğulluğuna təminat verilən, ştatda duran mülki qulluqçu peşəkarlardan
ibarətdir. Əmək haqqı kifayət qədər yüksək olmalıdır ki, buraya müvafıq
ixtisaslı kişi və qadınlar cəlb etmək, xidmətdə saxlamaq mümkün olsun;
onlar əməyin xarakteri və irəli sürülən tələblər nəzərə alınmaqla, müxtəlif
güzəştlərə və əlverişli xidmət şəraiti ilə təmin olunurlar.
İşçi heyətinin daimi işləmək zərurəti olmadıqda və ya müvəqqəti işləmək
lazım gəldikdə onlara da həmin meyarlar tətbiq olunur.
Muzdla işə cəlb edilən andan və yaxud müəyyən təcrübə vaxtı başa
çatdıqdan sonra işçi heyəti ümumi və xüsusi hazırlıq kursu keçir və
əməkdaşların peşə ixtisası bunu tələb etmədiyi hallardan başqa, nəzəriyyədən
və təcrübədən müvafıq imtahanlar verir.
Bütün xidmət dövrü ərzində işçi heyəti öz biliyini, peşə hazırlığını
saxlamalı, təkmilləşdirməli, bundan ötrü müdiriyyətin vaxtaşırı təşkil etdiyi
ixtisasartırma kurslarını keçməlidir.
İşçi heyətinin böyük təcrübə əldə etməsi və daha geniş hazırlığa malik
olması üçün lazımi tədbirlər görülməlidir.
Bütün əməkdaşlar tədris dövründə Avropa Penitensiar Qaydaları və İnsan
hüquqlarının və əsas azadlıqlarının müdafiəsi haqqında Avropa Konvensiyası
və onların təcrübədə tətbiqi ilə tamş olmalıdırlar.
Bütün əməkdaşlar hər bir şəraitdə özlərini elə aparmalı və vəzifə
borclarını elə yerinə yetirməlidirlər ki, məhkumlara nümunə olub, onların
hörmətini qazansınlar və faydalı təsir göstərsinlər.
İmkan daxilində işçi heyətinin tərkibinə kifayət qədər psixiatrlar,
psixoloqlar, sosial işçilər, müəllimlər və texniki peşə təhsili, bədən tərbiyəsi
və idman üzrə təlimatçılar daxil edilməlidirlər.
Bu və digər mütəxəssislər bir qayda olaraq ştatda olmalıdırlar. Lakin
ehtiyac olduqda və əgər bu göstərilən yardıma və onların təhsilinin
səviyyəsinə müsbət təsir göstərirsə, onda daimi əsaslarla işləməyənlərdən və
ya təmannasız olaraq könüllü kimi çalışmaq istəyənlərdən istifadə etmək olar.
Penitensiar müdiriyyət cəza-icra sisteminin hər bir müəssisəsinin
direktorunun, direktor müavininin və ya digər səlahiyyətli vəzifəli şəxsin
daimi nəzarəti altında olmasını təmin edir.
Müəssisənin direktoru öz şəxsi keyfıyyətləri, inzibati iş qabiliyyəti, peşə
hazırlıq səviyyəsi və təcrübə baxımından tutduğu vəzifəyə uyğun olmalıdır.
Direktor vəzifəsi ştata daxil edilir, işdə və ya yaxın yerdə olmalıdır ki,
penitensiar müdiriyyətin təlimatlarında nəzərdə tutulduğu kimi, istənilən vaxt
onunla əlaqə yaratmaq mümkün olsun.
48
Əgər cəza-icra sisteminin iki və daha çox müəssisəsi bir direktora
tabedirsə, o, mümkün qədər tez-tez növbə ilə həmin müəssisələrdə olmalıdır.
Bu müəssisələrin hər birində ona rəhbərlik edən məsul vəzifəli şəxs
olmalıdır.
Müdiriyyət elə təşkilat forması və idarəetmə sistemi tətbiq edir ki,
cəzaçəkmə yerlərinin müxtəlif xidmət sahələrinin işçi heyətinin fəaliyyətini
tənzimləmək üçün onların arasında əlaqə yaransın, bu əlaqə, məhbuslara islah
təsiri göstərməkdə, sonradan onların həyata uyğunlaşmalarına kömək etsin.
Direktor, onun müavini və digər işçilər məhbusların əksəriyyətinin başa
düşə bildikləri dildə danışmağı bacarmalıdırlar.
Zəruri və mümkün olan bütün hallarda tərcüməçi xidmətinə müraciət
olunmalıdır.
İxtisaslı və icazəyə malik olan həkimin təcili tibbi yardım göstərə bilməsi
üçün tədbirlər görülməlidir.
Həkim ştatı olmayan azadlıqdan məhrum etmə yerinə əvəzçilik ilə işləyən
həkim və ya müvafiq icazəsi olan səhiyyə xidmədinin işçi heyəti müntəzəm
olaraq baş çəkməlidir.
Məhbus qadınlar və kişilər saxlanılan azadlıqdan məhrum etmə yerlərində
və ya bölmələrində hər iki cinsdən olan əməkdaşların işə təyin olunması,
birgə çalışması həvəsləndirilir.
Qanuna və daxili nizam qaydalarına əsaslanan özünümüdafiə, qaçışın
qarşısını alma və ya məhbusun əmrə aktiv və ya passiv tabe olmaması halları
istisna olmaqla, işçi heyəti məhbuslara qarşı güc tətbiq etməkdən
çəkinməlidir. Güc tətbiq edən işçilər son zərurət çərçivəsindən kənara
çıxmamalı və hadisə barədə müəssisənin direktoruna təcili məlumat
verməlidirlər.
Penitensiar müəssisələrin əməkdaşları zərurət olduqda, təcavüzkar
məhbusları sakitləşdirməkdən ötrü xüsusi texniki hazırlıq keçirlər.
Xüsusi hallar istisna olmaqla, öz fəaliyyəti ilə əlaqədar məhbuslarla
birbaşa təmasda olan vəzifəli şəxslər silahlı olmamalıdırlar. Bundan əlavə,
ondan istifadə etməyi öyrənmədən əməkdaşlara heç bir halda silah
verilməməlidir.
|