3.4. Azadlıqdan məhrum etmə yerlərində saxlanmanın məqsədləri və
rejimlər
İnsanı azadlıqdan məhrum etməklə həbsxanaya salınma artıq özü-
özlüyündə cəzadır. Buna görə də təcrid etmə və intizamı qoruyub saxlamaq
halları istisna olmaqla, azadlıqdan məhrum etmə yerlərində saxlanma şəraiti,
rejimi məhbusların iztirablarını artırmamalıdır.
Bütün səylər göstərilməlidir ki, azadlıqdan məhrum etmə yerlərində tətbiq
edilən rejimlər elə təyin edilsin, həyata keçirilsin ki:
a) cəmiyyətdə qəbul edilmiş normalara və insan ləyaqətinə uyğun
şərait təmin olunsun;
b) məhbus özünə hörməti və şəxsi məsuliyyətini itirməsin deyə, məh-
busluğun mənfi nəticələri və məhbusun azadlıqdakı həyatla fərqi minimum
həddə çatdırılsın;
c) məhbusların və onların ailələrinin mənafeyi naminə qohumlarla və
ictimaiyyətlə əlaqə saxlanılsın, bu əlaqələr möhkəmləndirilsin;
ç) azadlıqdakı həyata uğurla daxil olmağa kömək edən vərdiş və meylləri
inkişaf etdirməkdən ötrü məhbuslara imkan yaradılsın.
Bu məqsədlə məhbuslara fərdi islah təsiri göstərməkdən ötrü tərbiyə-
islah, təhsil, mənəvi, dini və digər vasitələr, onlardan istifadə etmək imkanı
ohnahdır. Buna görə də tətbiq edilən rejimlərə aşağıdakılar daxil edilməlidir:
a) dini
dayaq
və kömək, həmçinin texniki peşə, ümumtəhsil və
peşəyönümü hazırlığı, idmanla məşğul olmaq və sosial verdişləri inkişaf
etdirmək və uyğun gələn iş üçün imkan yaradılması; məsləhətlər verilməsi,
qrup halında tədbirlər təşkil edilməsi və asudə vaxtın verilməsi;
b) məhbusların xarici aləmlə
əlaqələrini imkan daxilində
genişləndirməyə və onların azadlığa çıxdıqdan sonra sosial uyğunlaşmasını
yüngülləşdirməyə imkan yaradan fəaliyyəti təmin edən tədbirlərin təşkili;
c) müvafiq
işçi heyətlə və o cümlədən, barələrində söhbət gedən
məhbuşlarla ətraflı məsləhətləşmələrdən sonra fərdi islahetmə təhsil
proqramlarının hazırlanması və onların dəyişdirilməsi prosedurları;
ç) islah rejimlərinin və proqramlarının effektiv və müvəffəqiyyətlə
həyata keçirilməsi naminə işçi heyəti və məhbuslar arasında müsbət
münasibətlərin yaranmasına kömək edən əlavə sistemləri və rəhbərlik
üsulları.
Bu məqsədlərə çatmaqdan ötrü məhbuslara göstərilən islah təsirini
fərdiləşdirmək lazımdır. Bunun üçün məhbusları müxtəlif cəzaçəkmə
50
müəssisələrinə və yaxud onların bölmələrinə çevik surətdə bölüşdürmək
sistemi yaratmaq lazımdır ki, hər bir məhbus üçün müvafiq islah təsiri və
təhsil nəzərdə tutulsun.
Bu müəssisələrin və onların bölmələrinin tipi, ölçüləri, təşkili, imkanları
başlıca olaraq tətbiq edilən islah təsirinin, təhsilin xarakteri ilə təyin olunur.
Məhbusları yerləşdirərkən təhlükəsizlik və nəzarət tələblərini nəzərə
almaq lazımdır. Lakin görülən tədbirlər zəruri təhlükəsizliyi təmin edən və
məhbusların fərdi tələbatını nəzərə alan minimum həddi aşmamalıdır.
Məhbusların açıq tipli müəssisələrə göndərilməsinə və ya onlara xarici aləmlə
geniş əlaqə yaratmağa imkan verilməsinə nail olmaq lazımdır. Xarici
vətəndaşların azadlıqdan məhrum etmə yerlərindən kənarda olan öz
həmvətənləri ilə əlaqə saxlaması xüsusi ilə vacibdir.
Müəyyən müddətdə azadlıqdan məhrum olunmuş hər bir məhbus qəbul
edildikdən və onun şəxsiyyəti öyrənildikdən sonra mümkün qədər qısa
vaxtda, əsasən onun fərdi tələbatı, bacarığı, mənəvi vəziyyəti, qohumlarına
yaxınlığı xüsusiyyətlərini nəzərə alan saxlanma proqramı hazırlanır.
Tətbiq olunan rejimlər çərçivəsində məsuliyyət hissinin, təşəbbüskarlığın
inkişafı və özlərinin islah olunmasına maraq yaratmaq məqsədilə məhbuslara
müəssisənin fəaliyyətində iştirak etmək imkanı yaradılır.
Məhbuslarla əməkdaşlıq etməyin və onların özlərinin islah olunmalarında
iştirakı üsullarını təkmilləşdirməyi həvəsləndirmək vacibdir. Bu məqsədlə bu
qaydaların 34-cü maddəsi çərçivəsində, məhbuslarda saxlandıqları
müəssisənin müəyyən sahələrində məsuliyyəti öz üzərlərinə götürmək həvəsi
yaratmaq lazımdır.
Məhbusların azadlığa buraxılması ilə əlaqədar hazırliq işlərinə onların
azadlıqdan məhrum etmə yerinə gəldiklərindən sonra mümkün qədər tez
başlamaq lazımdır. Bu o deməkdir ki, məhbuslarla davranış və onların
saxlanılması elə olmalıdır ki, onlar özlərini cəmiyyətdən təcrid olunmuş
hesab etməsinlər, əksinə, onun bir hissəsi olduğunu hiss etsinlər. Buna görə
də, ictimai təşkilatları və sosial əməkdaşları azadlıqdan məhrum etmə
yerlərində məhbusların sosial reabilitasiyası işində işçi heyətinə köməklik
göstərməyə, xüsusi ilə məhbusun öz ailəsi və digər şəxslərlə, ictimai təşk-
ilatlarla əlaqə saxlamasına, bu münasibətləri yaxşılaşdırmağa yardım etməyə
cəlb etmək lazımdır. Qanunla təyin olunmuş cəza çərçivəsində məhbusların
vətəndaşlıq, sosial təminat və digər sosial hüquqlarının müdafiəsi üçün zəruri
tədbirlər görülməlidir.
51
İslah təsiri proqramları həmçinin azadlıqdan məhrum etmə yerlərindən
tibbi, təhsil, peşə, ailə və digər sosial xarakterli məsələlərlə əlaqədar
məzuniyyət verilməsi şərtlərini də nəzərdə tutmalıdır.
Əcnəbilər, ancaq onların vətəndaşlıqları səbəbindən azadlıqdan məhrum
etmə yerlərindən qısa müddətə kənara çıxmaq imkanından məhrum
edilməməlidirlər. Bununla yanaşı, təcrid olunma hisslərini azaltmaq üçün
rejimin nəzərdə tutduğu fəaliyyətdə onların hamı ilə birlikdə iştirakı üçün hər
şey edilməlidir.
Azadlıqdan məhrum etmə yerlərində əməyə islah təsirinin, peşə
hazırlığının və inzibati idarəetmənin müsbət elementi kimi baxılır.
Həkimlərin rəyi ilə, əgər məhbusların fiziki və psixi sağlamlıqları imkan
verirsə, onları əməyə cəlb etmək olar.
Normal iş günü ərzində məhbuslara kifayət həcmdə ictimai faydalı iş və
ya əgər məqsədəuyğundursa, digər fəaliyyət növü ilə məşğul olmaqları üçün
imkan yaradılır.
Məhbuslara təqdim olunan iş onlara azadlığa çıxdıqdan sonra normal
qazanc əldə etmək qabiliyyətini saxlamağa və yaxşılaşdırmağa imkan
yaratmalıdır.
Məhbuslara, xüsusi ilə gələcəkdə lazım ola bilən faydalı peşələrə
yiyələnməkdən ötrü peşə təhsili almaq imkanı verilir.
Müdiriyyətin və intizamın tələbləri, şüurlu peşə seçimi çərçivəsində
məhbuslara öz arzularına uyğun məşğuliyyət növü seçmək imkanı verilir.
Azadlıqdan məhrum etmə yerlərində əməyin təşkili və üsulları imkan
daxilində elə ohnahdır ki, azadlıqda tətbiq olunan iş şərtlərinə uyğun olsun və
məhbuslara azadlıqdakı əmək şəraitinə hazırlamaq mümkün olsun. Belə əmək
qüvvədə olan normalara və texniki tələblərə uyğun olmalı və müasir
idarəetmə və istehsalat prosesləri çərçivəsində həyata keçirilməlidir.
Məhbusların əməyindən maliyyə gəliri almaq cəhdi keyfiyyətin
yüksəlməsinə və yaxşılaşmasına, həmçinin peşə hazırlığının səviyyəsinə
müsbət təsir göstərsə də, məhbusların mənafeləri və onlara göstərilən islah
təsiri bu məqsədə tabe edilməməlidir.
Dostları ilə paylaş: |