Çəpgözlük - gözlərin paralelliyinin itməsidir.Hər gözdə 6 ədəd ekstraokulyar əzələ var.Bu əzələlərdən biri və bir neçəsi daha güclü və ya daha zəif olduğu zaman çəpgözlük yaranır.Bir göz düz baxarkən digər göz daxilə,xaricə,yuxarı və ya aşağı baxa bilər.Bəzi hallarda hır iki gözdə də sürüşmə olur.
Çəpgözlüyün növləri
Gizli çəpgözlük - gözlərdən birinin bağlanması zamanı ortaya çıxan çəpgözlükdür.Gizli çəpgözlük ölkəmizdə yayılmış göz xəstələliyidir.
Anadangəlmə çəpgözlük - 3-6 aydan 1 ilə qədər yarana bilər.Çəplik bucağı çoxdursa, demək olar ki, hər kəs tərəfindən hiss edilə bilər.İdeal halda bu çəpgözlük ilk 1,5 yaşda cərrahi yolla düzəldilməlidir.
Əzələ iflici səbəbindən olan çəpgözlük - əzələ iflici uşaqlıq və körpəlik travmalarından sonra xüsusən də baş travması çətin doğuşlar və yüksək hərarətdən sonra yarana bilər.
Çəpgözlüyün tək səbəbi yoxdur.Problemli hamiləlik dövrü, problemli doğuş, uşağın inkişafı və xəstəliklər çəpgözlüyə səbəb olur.Çəpgözlüyə genetik meyillik də var.Ailədə çəpgözlük varsa, uşaqlarda onun yaranma ehtimalı artır.Çəpgözlüyə meyilli bir uşaqda qızdırmadan və ya travmadan (yıxılma, əməliyyatlar, qəzalar) sonra çəpgözlük başlaya bilər.Qəzalar baş travması qızdırmalı xəstəliklər hipertenziya və diabet kimi xəstəliklər bəzi hallarda çəpgözlüyə səbəb olur.
