Böyük Qafqazın tektonikası
Böyük Qafqaz meqantiklinoriumu Anapa və Novorosiyskidən başlayaraq Abşeron yarımadasınadək uzanır. Meqantiklinoriumun eni əsasən 90-100 km arasında dəyişsə də, Dağıstan ərazisində isə 180 km-ə çatır. Meqantiklinoriumun şarniri şimal-qərbdə Taman yarımadasında və cənub-şərqdə Abşeron yarımadasında batır.
Böyük Qafqaz meqantiklinoriumu kəskin ifadə olunan asimmetrik yelpikvari quruluşa malik olub, şimal qanadı (yamacı) cənub qanadına (yamacına) nisbətən daha dik yatıma mailidir. Mərkəzi hissədə şiddətli sıxılmış Böyük Qafqaz meqantiklinoriumunun qərb və şərq hissələri genişlənmə əmələ gətirir. Onun qərb hissəsinin nüvəsində Kembriyəqədər və Paleozoy kristallik süxurları, şərq hissəsinin nüvəsində isə Yura yaşlı şistlər yer üzərinə çıxır.
Dostları ilə paylaş: | 
