Azərbaycanın geologİyası I mühazİrə

Yurayaqədər bünövrə. Böyük Qafqaz meqantiklinoriumunun Yurayaqə­dər bü­­­növrəsi olduqca mürəkkəb quruluşa malik olub, istər şaquli, istərsə də üfüqi is­ti­qa­mətdə parçalanmaya məruz qalmış və tektonik quruluşuna görə fərqlənən müx­tə­lif də­­rəcəli tektonik vahidlərə ayrılmışdır. Şaquli kəsişdə belə vahidlərdən Hersinə qə­dər (ola bilsin ki, Kembriyə qədər), Hersin komlekslərini qeyd etmək olar.

Kembriyəqədər kompleks yüksək dərəcədə metamorfizmə məruz qalmışdır. Pa­leozoy süxurlarının Hersin kompleksinə əsasən geosinklinal mənşəli yaşıldaş vul­ka­no­gen-çökmə qatından və terrigen süxurlardan ibarət olan, metamorfinləşmiş oro­gen formasiyasından ibarətdir. Bu süxurlar kompleksi müvafiq olaraq Kembriyə­qə­dər, er­kən Hersin geosinklinal və son Hersin orgen struktur mərtəbələrini təşkil edir­lər.

En istiqamətində kifayət qədər mürəkəb quruluşa malik olan və qərb-şimal-qərb is­tiqamətdə uzanan aşağıdakı vahidlər ayrılır:

1. 
   Beçasın (Laba-Malka) geoantiklinal zonası (Xasaut sinklinoriumu ilə birlik­də)- dərinlik qı­rı­l­ması zonasının yerində yaranmışdır.
   
2. 
   Ön silsilə zonası- əsas hissədə Pşekiş-Tırnauz qırılması isə əlaqədar olan qra­­­ben-sinklinoriumdan ibarətdir.
   
3. 
   Baş silsilə zonası (mərkəzi dərinlik qırılmasının kompleksi ilə birlikdə)
   
4. 
   Cənub yamacı zonası.