Azərbaycanın görkəmli şəxsiyyətləri SƏMƏd vurğUN



Yüklə 2,92 Mb.
Pdf görüntüsü
səhifə2/48
tarix28.01.2017
ölçüsü2,92 Mb.
#6552
1   2   3   4   5   6   7   8   9   ...   48

 
Nizami Cəfərov,  
AMEA-nın müxbir üzvü
Библиографийа 
 
23 
  
Səməd Vurğunun həyat və fəaliyyətinin  
əsas tarixləri 
 
Səməd Yusif oğlu Vəkilov 21 mart 1906-cı ildə Qazax rayonunun 
Yuxarı Salahlı kəndində anadan olmuşdur. 
 
1913-1918 - 
Yuxarı Salahlı kəndində “Zemskaya şkola” adlanan 
beşsinifli rus-tatar məktəbində təhsil alıb. 
 
1918 
- Ailəsi Qazax şəhərinə köçüb; 
- Gürcüstanın Qori şəhərində yerləşən Zaqafqaziya 
Müəllimlər Seminariyasının Qazax şəhərinə köçürü-
lən tatar (Azərbaycan) şöbəsinə daxil olub. 
 
1920 
- Lenin komsomolu sıralarına qəbul edilib. 
 
1923  
- Göyçə mahalının Basarkeçər rayonunun Qaraqo-
yunlu kəndində yaşayıb, orada müəllimlik edib. 
 
1924 - 
Qazax Pedaqoji Texnikumunu bitirib; 
-  Qazax rayonunun II Şıxlı  kənd ibtidai məktəbinə 
müəllim təyin edilib. 
 
1925  
- Qazaxın Köçəsgər kənd ibtidai məktəbində müdir 
işləyib. 
 
1926-1928 - 
Quba rayonunda müəllimlik edib. 
 
1928 - 
Gəncədə  nəşrə başlayan “Qızıl Gəncə” jurnalında 
şeirlərini “Vurğun Səməd” imzası ilə çap etdirib. 
 
1928-1929  
-  Gəncədə orta məktəbdə  və partiya məktəbində 
müəllim işləyib. 
 
1929-1931 - 
İkinci Moskva Dövlət Universitetinin Ədəbiyyat və 
dil şöbəsində təhsil alıb. 

Сямяд Вурьун 
 
24 
1930 - 
“Şairin andı” adlı ilk şeirlər kitabı çap olunub. 
 
1931 
- Moskvadan Bakıya qayıdaraq, Azərbaycan Dövlət 
Pedaqoji İnstitutunda buraxılış imtahanlarını verib ali 
təhsil haqqında diplom alıb; 
“Komsomol poeması”nı yazıb. 
 
1931-1934 - 
Azərbaycan Dövlət Elmi-Tədqiqat  İnstitutunun 
(indiki AMEA) dil və  ədəbiyyat  şöbəsi üzrə, sonra 
Azərbaycan Pedaqoji İnstitutunun  ədəbiyyat ixtisası 
üzrə aspiranturasına daxil olub. 
 
1932 
- “Fanar” adlı ikinci şeirlər kitabı çap olunub. 
 
1934 - 
Xavər xanımla ailə həyatı qurub; 
“Könül dəftəri” adlı üçüncü kitabı çap edilib; 
- 13 iyunda Azərbaycan Yazıçılarının birinci qurulta-
yında Azərbaycan Yazıçılar  İttifaqının məsul katibi 
seçilib; 
- SSRİ Yazıçılar İttifaqının I qurultayında iştirak edib. 
Qurultayda SSRİ Yazıçılar İttifaqı İdarə Heyətinə üzv 
seçilib; 
- Azərbaycan  ədəbiyyatının incilərindən sayılan 
“Azərbaycan” şeirini yazıb. 
 
1935 
- Zaqafqaziya Mərkəzi İcraiyyə Komitəsinə üzv seçilib. 
 
1936 - 
“Lenin ordeni” ilə təltif olunub. 
 
1937 
- A.S.Puşkinin “Yevgeni Onegin” poemasını Azər-
baycan dilinə müvəffəqiyyətlə  tərcümə edib və 
Ümumittifaq Puşkin Komitəsi tərəfindən “Puşkin 
medalı” ilə təltif olunub
-  Şota Rustavelinin “Pələng dərisi geymiş  pəhləvan” 
poemasının bir hissəsini Azərbaycan dilinə  tərcümə 
etdiyi üçün Gürcüstan Mərkəzi  İcraiyyə Komitəsinin 
Fəxri Fərmanı ilə təltif edilib. 
 
Библиографийа 
 
25 
1938 
- “Vaqif” tarixi dramını bitirib; 
-  5 oktyabrda M.Əzizbəyov adına Azərbaycan Dram 
Teatrında “Vaqif” dramının ilk tamaşası olub; 
-  I çağırış Azərbaycan SSR Ali Sovetinə deputat 
seçilib. 
 
1939 - 
“Şərəf nişanı” ordeni ilə təltif edilib. 
 
1940-1942 - 
Nizami Gəncəvinin “Leyli və  Məcnun” poemasını 
Azərbaycan dilinə tərcümə edib. 
 
1941 
- “Vaqif” dramı Moskvada rus dilində nəşr olunub;
 
-  “Vaqif” dramına görə SSRİ Dövlət mükafatına 
(Stalin mükafatı) layiq görülüb. 
 
1941-1948 
- Azərbaycan Sovet Yazıçıları İttifaqı İdarə Heyətinin 
sədri olub. 
 
1942 
- “Fərhad və  Şirin” pyesinə görə ikinci dəfə Dövlət 
mükafatı (Stalin mükafatı) alıb. 
 
1943 
- “Azərbaycan SSR Əməkdar incəsənət xadimi” fəxri 
adına layiq görülüb; 
- ABŞ-da keçirilən müharibə  əleyhinə yazılmış  ən 
dəyərli  əsərlər müsabiqəsində “Ananın öyüdü” şeiri 
yüksək qiymətləndirilib və dünya ədəbiyyatında bu 
mövzuda yazılan  ən qiymətli 20 əsərdən biri kimi 
Nyu-Yorkda çap edilib;  
- Füzuli adına Ziyalılar evi şairin təşəbbüsü ilə yara-
dılıb;  
- Bakıda yaradılan İranla Mədəni Əlaqələr Cəmiyyə-
tinin rəhbəri seçilib.  
 
1945 
- Azərbaycan SSR Elmlər Akademiyasının həqiqi 
üzvü - akademiki seçilib; 
- Süleyman Rüstəmlə birlikdə Azərbaycan SSR Döv-
lət himninin mətnini (musiqisi Üzeyir Hacıbəylinin-
dir) yazıb; 

Сямяд Вурьун 
 
26 
- “İnsan” mənzun pyesi Azərbaycan Dövlət Dram 
Teatrında tamaşaya qoyulub. 
 
1946 
- “Qızıl Əmək Bayrağı” ordeni ilə təltif edilib; 
- SSRİ Ali Sovetinə (II çağırış) deputat seçilib. 
 
1947 
- SSRİ Ali Sovetinin deputatları nümayəndə heyətin-
də Londonda olub; 
- “Vaqif” dramı Berlin teatrında səhnəyə qoyulub.  
 
1948 
- Polşanın Vrotslav şəhərində sülhü müdafiə edən mə-
dəniyyət xadimlərinin Ümumdünya konqresində  işti-
rak edib; 
-“Seçilmiş əsərləri”  Moskvada rus dilində çap olunub. 
 
1949 -“Əsərləri”  Moskvada rus dilində çap olunub. 
 
1950 
- Qusar rayonundakı “Qırmızı  əkinçi” kolxozunun 
seçiciləri tərəfindən SSRİ Ali Sovetinə (III çağırış) 
deputat seçilib. 
 
1950-1951 
- “Aygün” poemasını yazıb. 
 
1951 - 
Bolqar-sovet Dostluğu Cəmiyyətinin xətti ilə Bol-
qarıstanda olub. 
 
1954 
- Azərbaycan SSR Elmlər Akademiyası prezidentinin 
müavini seçilib; 
- Sovet Yazıçılarının II Ümumittifaq qurultayında 
Sovet poeziyası haqqında əlavə məruzə ilə çıxış edib; 
- Quba seçki dairəsindən SSRİ Ali Sovetinə (IV 
çağırış) deputat seçilib; 
- 3 cilddə “Seçilmiş əsərləri” cap olunub. 
 
1954-1955 - 
Üçcildlik “Seçilmiş əsərləri” çap olunub. 
 
1955 - 
SSRİ nümayəndə heyətinin tərkibində Vyetnamda 
olub. 
Библиографийа 
 
27 
1956 - 
Yanvarın 23-də Azərbaycan SSR Ali Soveti Rəyasət 
Heyətinin qərarı ilə “Xalq şairi” fəxri adı təsis edilir. 
İlk dəfə Səməd Vurğun bu ada layiq görülüb; 
İkinci dəfə “Lenin ordeni” ilə təltif edilib; 
-  12 mayda anadan olmasının 50 illik yubileyi geniş 
qeyd edilib; 
S.M.Kirov adına Azərbaycan Dövlət Universitetinin 
filologiya üzrə fəxri doktoru seçilib; 
-  27 mayda uzun sürən xəstəlikdən sonra Bakı 
şəhərində vəfat edib, Fəxri Xiyabanda dəfn olunub. 
 
1960 
- Nizami adına Ədəbiyyat və Dil İnstitutu tərəfindən 6 
cildlik “Əsərləri” çap olunmuşdur. 
 
1961 - 
Bakıda abidəsinin açılışı olub. 
 
1966 - 
Anadan olmasının 60 illik yubileyi geniş qeyd 
edilib; 
Fəxri Xiyabanda qəbirüstü abidəsinin açılışı olub. 
 
1969 - 
“Vaqif” dramının 800-cü tamaşası göstərilib. 
 
1970 - 
“Komsomol” poeması  əsasında “Yeddi oğul istə-
rəm” bədii filmi çəkilib. 
 
1975 
-  Bakıda, Sovet ədəbiyyatı günlərində ölkənin  ədəbi 
ictimaiyyətinin iştirakı ilə ev-muzeyinin təntənəli 
açılışı olub.  
 
1976 
- Anadan olmasının 70 illik yubileyi qeyd olu-nub; 
- Doğma kəndi Yuxarı Salahlıda ev-muzeyinin filialı 
– “Səməd Vurğunun poeziya evi” yaradılıb. 
 
1986 - 
Anadan olmasının 80 illiyinin keçirilməsi haqqında 
Azərbaycan KP MK qərar verib. 

Сямяд Вурьун 
 
28 
1996 - 
Azərbaycan Respublikası Prezidenti Heydər Əliyev 
Xalq  şairi Səməd Vurğunun 90 illik yubileyinin 
keçirilməsi haqqında Sərəncam imzalayıb. 
 
2006 - 
100 illik yubileyinin keçirilməsi haqqında Azərbay-
can Respublikasının Prezidenti İlham  Əliyevin 
Sərəncamına  əsasən  şairin yubileyi Azərbaycanda və 
dost ölkələrdə geniş şəkildə qeyd olunub; 
-  Ukrayna Respublikasının  Kiyev  şəhərində  şairin 
adını daşıyan kitabxananın qarşısında heykəlinin 
açılışı olub. 
 
2012 - 
Prezident İlham Əliyev Ağstafada yenidən qurulmuş 
Səməd Vurğun adına mədəniyyət və istirahət parkının 
açılışında iştirak edib. 
 
 
Библиографийа 
 
29 
 
Səməd Vurğunun
 
hikmətli sözləri və aforizmləri 
 
Hər böyük dühanın xəzinəsindən sadə bir inci də dövlətdir bizə! 
 
*** 
Sənətkarın nəfəsi xalq nəfəsi olduğu zaman həyat və tarix onun 
zəhmətini çiçəkləndirir və təqdir edir. Var olsun məhəbbət və poeziya! 
 
*** 
Hər böyük ədəbiyyat böyük mənalar  ədəbiyyatıdır. Sözün qüdrəti 
hüdudsuzdur. Çünki söz, hüdudsuz olan insan idrakının ifadəsi deməkdir. 
 
*** 
Ürək bədəni qanla qidalandırdığı kimi, ilham da əsərə  hərarət 
verən alovdur. 
 
*** 
Qəhrəmanlıq və poeziya əkizdirlər, həqiqi qəhrəmanlıq eyni za-
manda həqiqi poeziyadır. Hələ  qədim zamanlarda insan öz yaşaması 
üçün silahlandığı, öz azadlığı  uğrunda qara qüvvələrlə mübarizə etdiyi 
zaman o, təkcə qılınc, ox və topla deyil, nəğmə ilə də silahlanırdı. Bədii 
söz həmişə xalq bahadırlarının, qəhrəmanların, sərkərdələrin və bütün 
əsgərlərin əlində qüdrətli silah olmuşdur. 
 
*** 
Şeir rübabı və mahir səsi ilə aləmi valeh edən bir dünya gözəldir. 
Lakin hər dünya gözəlinin bir faciəsi var! Bəzən bu gözəl rübab naşı 
ustalar əlinə də keçir. Qaba əllər bu gözəl rübabı kökdən salır, onun hər 
simindən əcaib və eybəcər səslər yaranır. 
                                      
*** 
Biz elə monumental əsərlər yaratmalıyıq ki, onlar doğrudan da 
ölməz  əsərlər olsunlar, gələcəyin adamları, gələcək nəsillər bu əsərləri 
oxuyarkən ölkəmizin indi necə yaşayıb mübarizə etdiyini görsünlər, bu 

Сямяд Вурьун 
 
30 
əsərlər vasitəsilə bizim dövrümüzü və bizim adamlarımızı öyrənə 
bilsinlər... 
 
*** 
Yaradıcılıq da özünəməxsus bir döyüş meydanıdır, həm də çox mü-
rəkkəb bir meydandır. Bu meydan bizdən, hər  şeydən  əvvəl zəhmət, 
cəsarət tələb edir. Cəsarətli yazıçı böyük mövzulardan, böyük insan 
surəti yaratmaqdan, öz dövrünün dastanını yaratmaqdan qorxmayacaq. 
 
*** 
Sənət əzəmət və vüqar deməkdir! Əgər sənin dediyin xırdaca bir söz 
özünə məxsusdursa, sən vüqarlı adamsan! 
 
*** 
Tənqidimiz yüksəlməlidir, elə yüksəlməlidir ki, istər ayrı-ayrı yazıçı-
ların, istərsə də bütün ədəbiyyatımızın taleyini təmin edə bilsin. O, bizim 
yoldan azdığımız zamanlar bir mayak kimi bizə yol göstərməlidir. Bunun 
üçün də  tənqidçidən böyük idrak, geniş ürək və uzaqgörən göz tələb 
olunur.  
 
*** 
Qəhrəmanlıq və poeziya əkizdir. 
 
*** 
Şairin qəlbi məhkumiyyət sevməz. 
 
*** 
Sənətkarın ilham ocağı Vətən eşqidir. 
 
*** 
Sənət həyatın övladı və zinətidir. 
 
*** 
Söz ilhamın qapısıdır. Böyük bir ilham zəif bir sözlə ifadə oluna 
bilməz. 
 
*** 
Библиографийа 
 
31 
Qəhrəmanlıq isə ilhamdır. Bədii  əsəri canlı bir insana bənzətsək, 
onun çarpan ürəyi ilhamdır. 
 
*** 
İlham bir qartaldır. O, uçduğu zaman heç bir hüdud göstərmək 
mümkün deyil. 
 
*** 
...gənc yazıçılarımız bilməlidirlər ki, “ilham pərisi” deyilən şey yox-
dur. Böyük ilham böyük zəhmətlə yaranır. 
 
*** 
Gənclik təkamülün çarpan ürəyi, düşünən beynidir. 
 
*** 
İnsan qəlbinin isti qanı soyuq sözlərin və fikirlərin qarlı-buzlu 
havasında donmaq istəmir. 
 
*** 
Sənətkar sözünü peşəkar sözündən ayıran böyük məna hər sənət 
əsərinin çarpan ürəyi olmalıdır. 
 
*** 
Cəsarət yüksək insan ləyaqətidir, bu olmasaydı, “qələbə” sözü, 
“qəhrəman” sözü, “məhəbbət” sözü də olmazdı. 
 
*** 
Hər sənətkarın ürəyində alovlanan məslək eşqi, ona qol-qanad 
verən ən böyük qüdrətdir! 
 
*** 
Uşaq humanistdir. Onun ruhu ən xeyirxah hisslər  yuvasıdır. 
 
*** 
Uşaq xəyalı səyyahdır. O, şıltaq bir ulduz kimi daima süzüb oynar. 
O, güldən-gülə, çiçəkdən-çiçəyə qonan bir kəpənəyə bənzər. 
 

Сямяд Вурьун 
 
32 
 
Görkəmli şəxsiyyətlər  
Səməd Vurğun haqqında
 
 
 
Biz Səməd Vurğunun ruhu qarşısında baş əyərək deyə bilərik: əziz 
şairimiz, sənin canın qədər sevdiyin Azərbaycan bu gün müstəqil dövlətdir. 
 
*** 
Səməd Vurğun öz xalqının oyanışına, milli dirçəlişinə xidmət edib-
dir. S.Vurğun o vaxt bizim hamımız üçün nümunə – xalqına, millətinə, 
ölkəsinə, Vətəninə sədaqətlilikdə nümunə idi. 
Heydər Əliyev,  
Azərbaycan xalqının ümummilli lideri 
 
Səməd Vurğunun yaradıcılığı XX əsr Azərbaycan ədəbiyyatı tarixi-
nin ən parlaq və təkrarsız səhifələrindən birini təşkil edir. Müasir Azər-
baycan dilinin və  ədəbiyyatının zənginləşməsində böyük rol oynamış 
sənətkarın bədii irsi mədəniyyətimizin inkişafında bütövlükdə yeni 
mərhələ olmuşdur. Azərbaycan Elmlər Akademiyasının ilk akademiklə-
rindən biri olan Səməd Vurğunun görkəmli ictimai-siyasi xadim kimi 
xidmətləri də təqdirəlayiqdir.  
İlham Əliyev, 
Azərbaycan Respublikasının Prezidenti 
 
Mən poeziyanı musiqisiz təsəvvür edə bilmirəm. Bu mənada Səmə-
din şeirləri əvəzsizdir.  
Üzeyir Hacıbəyli, 
SSRİ Xalq artisti, akademik 
 
Bu görkəmli Xalq şairinin heç bir əsərini, heç bir misrasını, heç bir 
tədbirini xalq mənafeyindən ayrı düşünmək mümkün deyildir. Səmədin 
özü kimi əsərləri də, düşüncə və arzuları da qırılmaz tellərlə xalqa bağlıdır. 
Abdulla Şaiq, 
şair, ədəbiyyatşünas 
 
Səməd Vurgun yalnız poeziya aləmində deyil, ümumən ədəbiyyatı-
mızın ön cəbhəsində getmiş və ölməz bədii əsərləri, məruzə və nitqləri
Библиографийа 
 
33 
məqalə  və  çıxışları ilə  ədəbiyyatımızı  və ictimai fikrimizi istiqamətlən-
dirmişdir. Yalnız müasir mövzuda deyil, tarixi mövzuda yazdığı  əsər-
lərində  də  həmişə müasir olmuş, tarixi mövzuları da zamanın tələbləri 
baxımında işləmiş, bunlara bugünün gözü ilə baxmağı bacarmışdır.  
Bəxtiyar Vahabzadə,  
Xalq şairi 
 
Səməd Vurğun  ədəbiyyatımızın böyük istedadlı nümayəndəsi ol-
maqla bərabər nadir bir şəxsiyyət idi. Yüksək insani duyğulara, böyük 
ürəyə malik idi. Sözü bir, özü bütöv adam idi. İnsanların həmişə yaxşı 
cəhətlərini görməyə çalışırdı.  
İlyas Əfəndiyev, 
Xalq yazıçısı 
 
Səməd Vurğun poeziyası – Azərbaycan xalqının məğrur ürək dö-
yüntüsüdür. Xalq əbədi olduğu kimi, Vurğun poeziyası da əbədi və öl-
məzdir. Milli sənətə  dərin hörmət onu dünya sənətinə  dərin köklərlə 
bağladı. Səməd Vurğun milli olduğu qədər beynəlmiləl, beynəlmiləl 
olduğu qədər də milli sənətkardır!  
Nəbi Xəzri, 
Xalq şairi 
 
Səməd Vurğun yaradıcılığı qalib gələn Azərbaycan  şeirinin həm 
ideya, həm də forma etibarilə böyüyüb yüksəlməsini, milyonların qəlbini 
və ruhunu ifadə edən qüvvətli, bədii bir silaha çevrilməsini əks etdirir. 
Məmməd Arif, 
akademik 
 
Hər xalqın ədəbiyyatında elə yazıçılar var ki, birdən onların bir ne-
çəsini ədəbiyyatdan götürsək, qətiyyən yeri görünməz. Lakin elə tək-tək 
sənətkarlar var ki, onların birinin yoxluğu ilə bir xalqın  ədəbiyyatında 
uçurum əmələ gələ bilər. Səməd Vurğun belə sənətkar, belə şəxsiyyətdir. 
Onsuz bizim ədəbiyyatdan danışmaq mümkün olmazdı. 
 Mehdi Hüseyn, 
Xalq yazıçısı 
 
Gənc Səməd bir çoxları kimi əlinə  qələm alanda kağız korlama-
mışdır. O, fitrətən şair doğulmuşdur. 

Сямяд Вурьун 
 
34 
*** 
Orduda belə bir qayda var: şəhid olan nadir qəhrəmanın adı hissənin 
siyahısında hər səhər yoxlama zamanı başda çəkilir.  Ədəbiyyat ordu-
muzun işində də müasir şeirimizin qəhrəmanı Səməd Vurğun buna bən-
zər şərəfli bir yer tutmuşdur. 
Mir Cəlal, 
professor 
 
İnsanlara xeyirxahlıq və işıq rəmzi olan, daim yanan və yaşamağın 
mənasını da onda görən quşlara Səməndər adı vermişlər. Səməd Vurğun 
xalq yolunda, böyük ədəbiyyat və sənət yolunda daim yanan və ətrafına 
şölə saçan Səməndər quşu idi. 
Qulu Xəlilov, 
professor 
 
Səməd Vurğun – qardaş dillərimizin böyük Xalq şairi – dillərimiz 
yaşadıqca  əbədi yaşayacaqdır. Səməd Vurğun poeziyamızın nəhəng 
planetidir. Bu planetin günəşi, ulduzları sönməzdir. 
Nazim Hikmət, 
türk şairi, yazıçısı 
 
“Vaqif” XVIII yüzillikdə yaşamış  məşhur Azərbaycan  şairi Molla 
Pənah Vaqifin həyat və  əsərlərindən ilham almaqla yazılmışdır… 
Azərbaycan vətənpərvərliyinə  rəvac verən bu pyes çağdaş Azərbaycan 
səhnəsinin ən uğurlu əsəri sayılır.  
Məhəmməd Əmin Rəsulzadə, 
ictimai-siyasi xadim, publisist 
 
Səməd Vurğunun  şeirlərinə azca diqqətlə baxdıqda, onun dühası 
aydın görünür: bu şeirlər nəzərə  səhl və sadə gəlir, lakin onları yazmaq 
asan deyil. Səməd Vurğunun şeirləri hikmətamizdir. 
Seyid Cəfər Pişəvəri,  
Cənubi Azərbaycanın dövlət xadimi 
 
Səməd Vurğunu tanıdığım ilk gündən, onun şəxsində azəri xalqının 
bütün gözəlliklərini – əməksevər, humanist, nəğməkar bir xalq olduğunu 
duydum. 
Библиографийа 
 
35 
 
*** 
O, təkcə qardaş Azərbaycanın yox, bütün sovet xalqlarının şairi idi. 
Onun müdrik ağlı, həssas, xeyirxah ürəyi vardı və buna görə də dostları 
Səməd Vurğuna dərin məhəbbət bəsləyirdilər.  
Petrus Brovka, 
Belorusiyanın  Xalq şairi 
 
Dünyanın mədəniyyət irsinə Qərbdə Homerdən Puşkinədək, Şərqdə 
Füzulidən Səməd Vurğunadək neçə-neçə  nəsillərin təxəyyül qüdrəti və 
təcrübəsi sərf olunmuşdur.  
Çingiz Aytmatov,  
Qırğızıstanın Xalq yazıçısı 
 
Səməd Vurğun Azərbaycan poeziyasının ağ saçlı qartalı, Azərbay-
can sovet ədəbiyyatının atası və oğludur. Azərbaycan və  Səməd Vurğun 
bir-birindən ayrılmazdır. Azərbaycan və  Səməd Vurğun eyni məfhum-
dur, çünki Səməd xalqının  ən yaxşı xüsusiyyətlərini – onun sadəliyini, 
cəsarətini, dərin zəkasını və istedadını  təcəssüm etdirir. 
Rəsul Həmzətov 
Dağıstanın Xalq şairi 
 
Bütün ədəbiyyatların ulu ustadları var ki, yaradıcılıqları boyu çiyin-
lərində  ağır,  şərəfli bir yük aparıblar və bu, dünyanın böyük ədəbiy-
yatları  sırasında öz xalqının, öz torpağının adı olub, ucalıb. Səməd 
Vurğun da belə ulu ustadlardandı.  
Mustay Kərim, 
Başqırdıstanın Xalq şairi 
 
Azərbaycan – qədim odlar ölkəsi xoşbəxtdir ki, dahi Səməd Vurğu-
nu yetirib. Səməd başdan-başa istedad idi, yalnız  şeir üçün doğulmuş-
du…Qardaş Azərbaycan xalqının misilsiz mənəvi keyfiyyətlərini dostum 
Səmədin poeziyası vasitəsilə öyrənmişəm.  
Qafur Qulam, 
Özbəkistanın Xalq şairi 
 
Səmədi bir dəfə görən onun hər bir hərəkətini, baxışını ömrü böyu 
unutmaz. Səməddə bir igid, bir qartal görkəmi vardır. O, mübahisədən 

Сямяд Вурьун 
 
36 
çəkinməz, ta həqiqət aydın olana qədər mübahisə edərdi. O, dumanlı xa-
siyyəti, dumanlı sözləri sevməzdi. 
Berdi Kerbabayev, 
Türkmənistanın Xalq yazıçısı 
 
Səməd Vurğun Azərbaycan sovet poeziyasının balı və südü, duzu və 
çörəyidir, öz xalqının canlı təcəssümüdür. Onun parlaq, qüdrətli istedadı 
önündə baş əyirəm. Səməd Vurğunun adı bizim hamımıza yaxın və əziz-
dir. Onun poeziyasının sönməz  şəfəqi Azərbaycan və gürcü xalqlarının 
nəhayətsiz dostluğu yolunda əbədi şölə saçacaqdır.  
Giorgi Leonidze, 
Gürcüstanın Xalq şairi 
 
Qardaşımız Səməd Vurğun… Mənim qardaşım Səməd… O mənim 
çox yadımdadır və onu iftixarla xatırlayıram…Mən onu Azərbaycanın 
yox, dünyanın  ən böyük şairi, gözəl insanı hesab edirəm. Onun gözəl 
poeziyası heç vaxt solmayacaq. Biz ana Vətəni, xalqı hərarətlə sevməyi 
Səməd Vurğundan öyrənmişik.  İnsanda nə  qədər yaxşı xüsusiyyətlər 
varsa, hamısını bu pirə, peyğəmbərə aid etmək olar.  
Qaysın Quliyev, 
Kabarda-Balkar MR Xalq şairi 
 
Səmədin özü ilə  şəxsən tanışam. Yazdıqları da xoşuma gəlir. His-
siyyatlı, həm də cəsarətli şairdir. 
Aleksey Tolstoy, 
rus yazıçısı 
 
Səməd gözəl şair, mərd insan və sədaqətli dost idi. O, həqiqi xalqlar 
dostluğunun, şairlər arasındakı dostluğun, mərdanə dostluğun nə demək 
olduğunu çox gözəl bilirdi. Məhz buna görə də ölkəmizin hər yerində və 
onun hüdudları xaricində Səmədin çoxlu dostları var.  
Konstantin Simonov, 
 rus yazıçısı 
 
Mən Səməd Vurğunun Sovet Yazıçılarının II Ümumittifaq qurulta-
yında nitqini dinlədikdə dünyada baş verən böyük dəyişikliklər barədə 
Библиографийа 
 
37 
fikirləşirdim… …O, necə  də böyük bir ilham və ehtirasla böyük sovet 
şairlərini epik poemalar və  mənzun romanlar yaratmağa ruhlandırırdı. 
Səməd Vurğun müasir dünya ədəbiyyatının iftixarıdır.  
Yüklə 2,92 Mb.

Dostları ilə paylaş:
1   2   3   4   5   6   7   8   9   ...   48




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin