Al-lulu vəl-mərcan
Südün Hökmü Ancaq Aclıq Etibarı İlə Sabit Olar
Yüklə 5,61 Mb. Pdf görüntüsü
|
|
921. Aişə rəvayət edir ki, bir gün yanımda bir nəfər olduğu halda Peyğəmbər içəri daxil oldu və: “Yə Aişə! Bu kimdir?” dedi. Mən: “Bu mənim süd qardaşımdır” dedim. Peyğəmbər: “Süd qardaşlarınızın kim olduğuna diqqət edin. Çünki süd əmmə yalnız aclıqdan olur” deyə buyurdu. (Buxari 2647, Muslim 3679, 1455/32).
922. Aişə rəvayət edir ki, Sad İbn Əbu Vaqqas və Abd İbn Zema bir (oğlan) uşağına görə mübahisə etdilər. Sad: “Ya Rəsulullah! Bu qardaşım Utbənin oğludur. O, bu uşağın oğlu olduğu barədə mənə əhd verdi. Uşağın Utbəyə necə bənzədiyinə bir bax” dedi. Abd İbn Zema: “Ya Rəsulullah! Bu uşaq mənin qardaşımdır. Atamın döşəyi üzərində cariyəsindən (anasından) olub” dedi. Peyğəmbər uşağın simasına baxdıqda onun daha çox Utbəyə
392 oxşadığını gördü və: “Ya Abd! Bu uşaq sənindir, çünki uşaq yataq sahibinindir. Zinakara isə daş-qalaq vardır. Ey Sevda Binti Zema sən onun yanında görünmə (hicablan)”. Aişə: “Sevda bir daha onun yanında görünmədi” dedi. (Buxari 2218, Muslim 3686, 1457/36)
923. Əbu Hureyrə rəvayət edir ki, Peyğəmbər buyurdu: “Uşaq döşək sahibinindir”. (Buxari 6750, Muslim 3688, 1458/37)
64
924. Aişə demişdir: “(Bir dəfə) Peyğəmbər yanımda olarkən, habelə Usamə İbn Zeyd və Zeyd İbn Harisə (hücrəmin bir tərəfində) uzanmış ikən bir qaif mənim yanıma gəlib dedi: “Bu ayaqların biri digərindədir (doğmadırlar)”. “Bu (söz) Peyğəmbəri sevindirdi, onun xoşuna gəldi və o, bunu Aişəyə də bildirdi.” (Buxari 3731, Muslim 3691, 1459/39)
Qədər Qalması
925. Ənəs İbn Məlik rəvayət edir ki, sünnətdir ki, bir kişi dul qadının üzərinə bakirə bir qadınla evləndiyi zaman yeddi gün onun yanında qalsın. Bakirə
64 Zahiri görünüşdən bir adamın başqa birisinə doğma və ya qohum olduğunu təyin etməyi bacaran adam.
393 üzərinə dul bir qadınla evləndikdə onun yanında üç gün qalar”. (Buxari 5214, Muslim 3699, 1461/44)
Gecə Və Bir Gün Ayırmasının Sünnət Olmasının Bəyanı
926. Aişə demişdir: “Mən öz nəfsini Peyğəmbərə bağışlayan (təmənnasız ona ərə getməyə razılıq verən) qadınları danlayıb deyərdim: “Heç qadın da öz nəfsini bağışlayarmı?” Sonra Uca Allah: “Onlardan dilədiyinin səninlə gecələmək növbəsini təxirə sala bilərsən, dilədiyini də öz yanına ala bilərsən. Özündən ayırdıqlarından hansı birini yenidən öz yanına almaq istəsən, sənə heç bir günah olmaz...” (əl-Əhzab 51) ayəsini nazil etdikdə (mən Peyğəmbərə) dedim: “Görürəm Rəbbin yalnız sənin istəyini tez yerinə yetirir.” (Buxari 4788, Muslim 3704, 1464/49)
927. Ata İbn Rəbah deyir ki, İbn Abbas ilə bərabər Şərifdə Meymunənin cənazəsində idik. İbn Abbas: “Bu Peyğəmbərin zövcəsidir. Cənazəni qaldırdığınız zaman tərpətmədən, sallamadan orta bir yürüşlə aparın. Peyğəmbərin yanında doqquz qadın vardı. Bunlardan səkkizi ilə növbə gözləyər, biri ilə növbə gözləməzdi” dedi. (Buxari 5067, Muslim 3706, 1465/51)
394 Dindar Qadınla Evlənməyin Müstəhəb Olması
928. Əbu Hureyra rəvayət edir ki, Peyğəmbər buyurdu: “Dörd şeyə görə qadınla evlənməyə dəyər: var-dövlətinə görə, əsil-nəsəbinə görə, gözəlliyinə görə və bir də dininə görə. Çalış dindar olanı seçəsən, yoxsa yazıq olarsan.” (Buxari 5090, Muslim 3708, 1466/53)
929. Cabir İbn Abdullah dedi: “Mən evləndim”. Peyğəmbər: “Kiminlə evləndin?” deyə buyurdu. Mən: “Dul bir qadınla evləndim” dedi. Peyğəmbər: “Nə üçün bakirə qadınla evlənməyi və onlarla oynamağa üstünlük vermədin” deyə buyurdu. Ravi Muharib deyir ki: “Nə üçün bakirə qadınla evlənməyi və onlarla oynamağa üstünlük vermədin – Amr İbn Dinar zikr etdi”. Amr deyir ki, Cabir İbn Abdullahdan eşitdim. O, dedi: “Peyğəmbər mənə: “O, səninlə səndə onunla oynayacaq bir gənc qızla nə üçün evlənmədin” dedə buyurdu. (Buxari 5080, Muslim 3710, 715/55)
930. Cabir İbn Abdullah deyir ki, atam dünyasını dəyişdi. Yeddi yoxsa doqquz yetim qız uşağı buraxdı. Mən də dul bir qadınla evləndim. Peyğəmbər: “Evləndinmi ey Cabir?” deyə buyurdu. Mən: “Bəli” dedim. Peyğəmbər: “Bakirə ilə, yoxsa dul qadınla?” deyə buyurdu. Mən: “Dul qadınla” dedim. O: “Sənin onunla, onun da səninlə oynayacaq, güləşəcək bir qızla evlənsəydin?” deyə buyurdu. Mən: “Atam Abdullah (Uhud) döyüşündə şəhid oldu, bir neçə yetim qız uşağı buraxdı. Mən də onların arasına onlar kimi gənc bir qız
395 uşağnı gətirmək istəmədim. Bu səbəblə onların işlərini görəcək və onların hallarını yaxşılaşdıraca bir qadın gətirdim” dedim. Peyğəmbər: “Allah sənə bərəkət versin və ya xeyir” deyə buyurdu. (Buxari 5367, Muslim 3711, 715/56)
931. Cabir rəvayət edir ki, döyüşlərin birində Peyğəmbərlə birlikdə idim. Döyüşdən qayıtdığımız zaman ağır yeriyən bir dəvəyə minib evə çatmaq üçün tələsirdim. Bu vaxt arxadan minikli bir nəfər mənə tərəf gəldi. Baxdım ki, Peyğəmbərdir. O: “Nə üçün tələsirsən?” deyə buyurdu. Mən: “Evliyəm” dedim. Peyğəmbər: “Bakirə ilə evləndin, yoxsa dul qadınla?” deyə buyurdu. Mən: “Dul ilə evləndim” dedim. Peyğəmbər: “Sənin onunla, onun da səninlə oynayacaq bir qızla evlənsəydin?” deyə buyurdu. Cabir: “Səfərdən döndüyümüz zaman evimizə dönməəyə tələsdik”. Peyğəmbər: “Yavaş olun! (Bir az gözləyin) evlərinizə gecə olsun, yəni işa vaxtına vaxın daxil olun ki, o vaxta qədər ərində ayrı qalan qadın dağınıq saçlarını darasın və təmizlənsin” deyə buyurdu. Ravi deyir ki: “Peyğəmbər: “Ey Cabir! Keysə, Keysə” buyurduğunu söylədi. Keysə - uşağı qəsd edirdi” dedi. (Buxari 5245, Muslim 3713, 3714, 715/57)
932. Cabir İbn Abdullah demişdir: “Mən Peyğəmbərlə birlikdə döyüşlərin birində iştirak edirdim. Bu əsnada mənim dəvəm yorğun düşüb asta-asta getməyə başladı. Onda Peyğəmbər mənə yaxınlaşıb: “Cabir!” deyə çağırdı. Mən: “Bəli!” dedim. Peyğəmbər: “Sənə nə olub?” deyə soruşdu. Dedim: “Dəvəm yorulub asta-asta gedir, buna görə də mən geri qalmışam.” Peyğəmbər dəvəsindən yerə enib əlindəki ağacla (mənim) dəvəmi vurdu,
396 sonra da mənə: “Min!” dedi. Mən də mindim. (Dəvə sürətlə yerindən götürüldü və) mən Peyğəmbəri keçməyim deyə dəvəni tutub saxlamağa başladım. Peyğəmbər (məndən) soruşdu: “Evlənmisənmi?” Dedim: “Bəli!” (Yenə) soruşdu: “Bakirə qızla, ya dul qadınla?” Dedim: “Dul qadınla.” Dedi: “Niyə qızla evlənmirsən ki, bir-birinizi əzizləyəsiniz?” Dedim: “(İş orasındadır ki,) mənim körpə bacılarım var. Bu səbəbdən də mən bacılarımı bir yerə yığa biləcək, saçlarını darayacaq və onların qayğısına qalacaq bir qadınla evlənməyi məsləhət bildim. Peyğəmbər buyurdu: “İndi sən Mədinəyə qayıdırsan. Elə ki evə gəldin, (zövcəni) o ki var əzizlə!” Sonra soruşdu ki: “Dəvəni satırsanmı?” Mən: “Bəli!” dedim. Onda Peyğəmbər bir övqiyə verib dəvəni məndən satın aldı. Peyğəmbər məndən qabaq gəlib (Mədinəyə) çatdı. Mən (ora) səhər çatdım. Biz məscidə getdik və mən məscidin qapısının önündə Peyğəmbəri gördüm. O soruşdu: “İndi gəlib çatırsan?” Mən: “Bəli!” dedim. Peyğəmbər (mənə): “Dəvəni burada saxla, (məscidə) gir, iki rükət namaz qıl!” deyə buyurdu. Mən (məscidə) girib iki rükət namaz qıldım. Sonra Peyğəmbər Bilala mənim üçün (tərəzidə) övqiyə çəkməyi əmr etdi, Bilal da onu mənim üçün çəkdi, (hətta) bir az da artıq qoydu. Mən dönüb getdikdə Peyğəmbər : “Cabiri yanıma çağırın!” deyə buyurdu. (Öz-özümə) dedim: “İndi dəvəni mənə geri qaytaracaq.” Bu isə mənim ən xoşlamadığım bir şey idi. (Lakin Peyğəmbər) dedi: “Dəvəni götür, pulunu da özünə saxla.” (Buxari 2097, Muslim 3714, 715)
933. Əbu Hureyrə rəvayət edir ki, Peyğəmbər buyurdu: “Qadın qabırğa sümüyü kimidir. Əgər sən onu düzəltməyə çalışsan sındırarsan. Əgər onda olan əyriliklə bərabər ondan faydalanmaq istəsən ondan faydalana bilərsən”. (Buxari 5184, Muslim 3717, 1468/65)
397 934. Əbu Hureyra rəvayət edir ki, Peyğəmbər buyurdu: “Kim Allaha və Axirət gününə iman gətirirsə, qonşusuna əziyyət verməsin! Qadınlarla da yaxşı davranın! Çünki onlar qabırğadan xəlq edilmişlər. Qabırğanın əyri tərəfi isə yuxarı hissəsidir. Sən onu düzəltmək istəsən, sındıracaqsan, düzəltməsən, əyri qalacaq. Odur ki, qadınlarla yaxşı davranın!” (Buxari 5186, 3331, Muslim 3720, 1468/60)
935. Əbu Hureyra rəvayət edir ki, Peyğəmbər buyurdu: “Əgər İsrail oğulları olmasaydı 65 , ət xarab olmazdı, və əgər Həvva olmasaydı 66 , heç bir qadın ərinə xəyanət etməzdi.” (Buxari 3330, 3399, Muslim 3724, 1470/63)
65 Vaxtı ilə Allah İsrail oğullarına buyurmuşdur ki, yemək hazırladıqda ancaq təzə ətdən istifadə etsinlər. Lakin onlar buna məhəl qoymayıb əti saxlamağa başladılar. 66 Bəşəriyyətin anası sayılan Həvva Cənnətdə ikən Adəmi dilə tutub onu qadağan olmuş ağacın meyvəsindən dərməyə təşviq etmiş, beləliklə də, ona xəyanət etmişdir.
398
Talaq Kitabı
399
Olması, Əri Buna Müxalif Olarsa Talaq Vaqi Olub Arvadını Qaytarmaq Ona Əmr Edilər
936. Abdullah İbn Ömər Peyğəmbərin dövründə öz zövcəsi heyzli ikən onu boşamışdı. Ömər İbn Xəttab bu haqda Peyğəmbərdən soruşdu və Peyğəmbər ona belə buyurdu: “Ona əmr et, qadını geri qaytarsın. Sonra o (heyzdən) təmizlənənədək, bir daha heyz olub yenə təmizlənənədək gözləsin. Bundan sonra (onu saxlamaq) istəsə, saxlasın, (boşamaq) istəsə, onunla yaxınlıq etməmişdən əvvəl onu boşasın. Bu, qadınları boşamaq üçün Allahın buyurduğu gözləmə müddətidir.” (Buxari 5251, 5332, Muslim 3725, 1471/1)
937. Yunus İbn Cubeyr deyir ki, Abdullah İbn Ömərdən (arvadını heyizli ikən boşayan kimsənin hökmünü) soruşdum. İbn Ömər arvadını heyizli ikən boşadı. Sonra Ömərdə bunu Peyğəmbərdən soruşdu. Peygəmbər qadını qaytarmağı və idəttinin bitməsindən sonra boşanmasını əmr etdi. Ravi, İbn Ömərə: “Sən bu boşanmanı bir boşanma sayırsanmı?” deyə soruşdu. İbn Ömər: “Sən mənə xəbər ver görüm İbn Ömər aciz və axmaqlıq etmişdir” dedi. (Buxari 5333, 5258, Muslim 3738, 1471/10)
400 938. İbn Abbas : “(Qadınını özünə haram edən kimsə) kəffarə ödəyirmi?”. “Allahın Elçisi sizlərə – Allaha və Axirət gününə ümidini bağlayanlara və Allahı çox zikr edənlərə gözəl nümunədir”. (əl-Əhzab 21). (Buxari 4911, Muslim 3749, 3750, 1473/18)
939. Aişə rəvayət edir ki, Peyğəmbər Zeynəb Binti Cəhşin yanında olduğu zaman orada (daima) bal şərbəti içərdi. Bundan sonra mən və Həfsə bir-birimizə tövsiyə etdik ki, ikimizdən hansımızın yanına Peyğəmbər gəlsə ona: “Səndən məğafir (pis qoxulu bitkinin) iysi gəlir” deyərik. Peyğəmbər iki qaından birinin yanına girdikdə onlardan biri bu sözü söylədi. Peyğəmbər: “Xeyr (mən məğafil) yeməmişəm. Lakin Zeynəb Binti Cəhşin yanında bal şərbəti içmişəm. Lakin bundan sonra bir daha içmərəm” deyə buyurdu. Bundan sonra ayə nazil oldu: “Ey Peyğəmbər! Zövcələrini razı salmağa çalışaraq Allahın sənə halal etdiyi şeyi nə üçün özünə qadağan edirsən? Allah Bağışlayandır, Rəhmlidir. Allah, andlarınızdan kəffarə verməklə azad olmağı sizdən ötrü qanuniləşdirmişdir. Allah sizin himayədarınızdır. O, Biləndir, Müdrikdir. Bir zaman Peyğəmbər öz zövcələrindən birinə sirr verdi. O da bunu onun digər zövcəsinə xəbər verdikdə və Allah da bunu Peyğəmbərə aşkar etdikdə o, bunun bir qismini sirr verdiyi zövcəsinə bildirdi, digər qismindən isə vaz keçdi. Peyğəmbər bunu ona bildirdikdə zövcəsi dedi: "Bunu sənə kim xəbər verdi?" O dedi: "Bunu mənə hər şeyi Bilən, Xəbərdar olan Allah xəbər verdi!". Əgər ikiniz də Allaha tövbə etsəniz, yaxşı olar. Çünki hər ikinizin qəlbi günaha meyl etmişdir. Əgər ona qarşı bir-birinizə dəstək versəniz, bilin ki, Allah, Cəbrail və əməlisaleh möminlər onun dostu və yardımçısıdır. Bunlardan başqa mələklər də onun yardımçılarıdır”. (ət-Təhrim 1-4). Əgər ikiniz də Allaha tövbə etsəniz – Aişə və Həfsədir . “Bir zaman Peyğəmbər öz zövcələrindən birinə sirr verdi – Xeyr, mən bal şərbəti içdim” sözünə işarədi. (Buxari 5267, Muslim 3751, 1474/20)
401
940. Aişə demişdir: “Peyğəmbər bal və (digər) şirniyyatları xoşlayardı. O (hər gün) əsrdən sonra zövcələrinə baş çəkər (və onlardan hər birinin yanında) bir qədər oturardı. (Bir gün) o, Həfsə Bint Ömərin yanına gəldi və həmişəkindən fərqli olaraq bir az yubandı. Mən onu qısqandım və onun yubanmağının səbəbini soruşdum. Mənə dedilər ki: “Həmqəbilələrindən olan bir qadın (Həfsəyə) bal bağışlamış, o da bu baldan Peyğəmbərə içirtmişdir.” Mən dedim: “Vallahi, ona kələk qurmaq lazımdır.” Sonra Səudə Bint Zəmaya müraciət edib dedim: “(Bir azdan) o sənin yanına gələcək. O sənə yaxınlaşan kimi soruşarsan ki: “Kitrə 67 yemisən?” O sənə: “Xeyr!” deyə cavab verəcək. Sən ona deyərsən: “Bəs bu nə iydir mənim burnuma gəlir?” O sənə deyəcək: “Həfsə mənə bal içirdib.” Onda sən ona deyərsən: “Yəqin ki, arılar bu balı Urfut ağacından çəkdiyi şirədən hasil etmişlər.” (Aişə) dedi: “Mən də (ona) belə deyəcəyəm, sən də belə deyərsən, ey Səfiyyə.” Səudə dedi: “Vallahi, Peyğəmbər qapının ağzına gəlib çatdıqda mən onun qabağına çıxıb sənin buyuruğunu hökmən yerinə yetirəcəyəm”. Aişə: “Peyğəmbər ona yaxınlaşdıqda o, Peyğəmbərə dedi: “Ya Rəsulullah, kitrə yemisən?” O: “Xeyr!”– deyə cavab verdi. Səudə soruşdu: “Bəs bu nə iydir mənim burnuma gəlir?”. Peyğəmbər: “Həfsə mənə bal içirdib.” Səudə dedi: “Yəqin ki, arılar bu balı Urfut ağacından çəkdiyi şirədən hasil etmişlər.” Sonra o mənim yanıma gəldi və mən də ona həmin sözləri dedim. Daha sonra o, Səfiyyənin yanına getdi və o da ona həmin sözləri dedi. Nəhayət, o, Həfsənin yanına gəldikdə Həfsə dedi: “Ya Rəsulullah, sənə bal verimmi?” O dedi: “Mənim buna ehtiyacım yoxdur.” (Bu vaxt) Səudə: “Vallahi ki, biz onu baldan məhrum edə bildik” dedi, mən də ona: “Sus!” dedim.” (Buxari 5268, Muslim 3752, 1474/11)
67 Burada Urfut ağacının gövdəsindən axan yapışqanabənzər yarımşəffaf qatı maye qəsd edilir.
402
941. (Başqa rəvayətdə: Cabir İbn Abdullah rəvayət edir ki, Əbu Bəkr gəlib Peyğəmbərin yanına daxil olmaq üçün izn istədikdə, onun qapısının yanında bir dəstə adamın oturduğunu gördü. Onlardan heç bir kimsəyə içəri daxil olmağa izn verilməmişdi. Əbu Bəkrə isə izn verildi və o içəri daxil oldu. Sonra Ömər gəlib izn istədi və ona da izn verildi. O, fikirli və susmuş Peyğəmbəri zövcələrinin ətrafında oturmuş olduğunu görüb dedi: «Mən bir söz deyəcəyəm və Peyğəmbəri güldürəcəyəm». Sonra o dedi: «Ey Allahın Elçisi, Xaricənin qızını görsəydin, məndən ona nəfəqə (mal-mülk sərf etməmi) verməyimi istəyir. Mən də onun boğazından tutdum” dedim. Peyğəmbər gülümsünərək: “Bu ətrafımdakılar da məndən nəfəqə verməyimi istəyir” deyə buyurdu. Əbu Bəkr qalxaraq Aişəni , Ömər də qalxaraq Həfsəni cəzalandırmaq üçün boğazından yapışıb sıxaraq ikisi də belə dedilər: “Peyğəmbərdən onda olmayan bir şeyi istəyirsiniz”. Onlar: “Allaha and olsun ki, biz Peyğəmbərdən onda olmayan bir şeyi istəmərik”. dedilər və Peyğəmbər onlardan bir ay və ya iyirmi doqquz gün ayrı qaldı. Sonra isə bu ayə nazil oldu: «Ey Peyğəmbər! Zövcələrinə de: "Əgər siz dünya həyatını və onun bərbəzəyini istəyirsinizsə, gəlin sizi dünya malıyla məmnun edib gözəl tərzdə sərbəst buraxım, Yox, əgər Allahı, Onun Elçisini və Axirət yurdunu istəyirsinizsə, bilin ki, Allah aranızdan yaxşı işlər görənlər üçün böyük bir mükafat hazırlamışdır”. (əl-Əhzab 28, 29). Peyğəmbərin zövcəsi Aişə rəvayət edir ki, Peyğəmbər zövcələrini əmr olunduqda ilk öncə məndən başladı). O, ilk əvvəl Aişənin yanına gəlib dedi: «Ey Aişə! Doğrusu, mən sənə bir təklif etmək istəyirəm. Və istəyirəm ki, sən bu təklifi qəbul etməyə tələsməyəsən və ata-ananla məsləhətləşəsən». Aişə: «Peyğəmbər ailəmin mənə ondan ayrılmağı əmr etməyəcəklərini heç şübhsiz ki, bilirdi”. (Başqa rəvayətdə: “O nədir ey Allahın Elçisi?”)» dedi. Peyğəmbər Uca Allahın (ona nazil etdiyi ayələri oxudu): «Ey Peyğəmbər! Zövcələrinə de: "Əgər
Rəsulullah! Mən buna görəmi (səninlə birgə olmaqdan ötrümü) valideynlərimlə məsləhətləşməliyəm?! Mən əlbəttə Allahı, onun Elçisini və axirət yurdunu seçirəm! (Başqa rəvayətdə: “Səndən də xahiş edirəm ki, həyat
403 yoldaşlarından heç birinə bu barədə xəbər verməyəsən!» dedi. Peyğəmbər: «O qadınlardan hansı birisi məndən (bu məsələ barəsində) soruşsa mən ona xəbər verəcəyəm. Allah məni nə (insanlara aldadan) zorla məcbur edən, nə də hər şeyə irad tutan bir kimsə olaraq göndərməyib, lakin O məni (onlara bilmədiklərini) öyrədən, asanlaşdıran bir kimsə olaraq göndərmişdi”). Aişə: “Sonra Peyğəmbərin digər zövcələri də mənim etdiyim kimi etdilər” dedi. (Buxari 4786, Muslim 3754, 3763, 1475/22)
942. Aişə demişdir: “(Allahın) “Onlardan dilədiyinin səninlə gecələmək növbəsini təxirə sala bilərsən, dilədiyini də öz yanına ala bilərsən. Özündən ayırdıqlarından hansı birini yenidən öz yanına almaq istəsən, sənə heç bir günah olmaz...” ayəsi nazil olduqdan sonra Peyğəmbər zövcələrindən birinin növbəsi olduğu zaman digərinin yanına getmək üçün bizdən izn istəyərdi”. (Muaza): “Mən Aişədən soruşdum: “(O səndən izn istədikdə) nə deyirdin?” Aişə: “Mən ona deyirdim: “Ya Rəsulullah, əgər bu (məsələ) mənim öhdəmə buraxılsaydı, yanına getmək istədiyin heç bir qadını özümdən üstün tutmazdım (və sənə onun yanına getməyə izn verməzdim).” (Buxari, 4789, Muslim 3755, 1476/23)
943. Aişə rəvayət edir ki, Peyğəmbər bizlərə seçim verdi. Biz də Allah və Rəsulunu seçdik. Bu bizim üçün (talaq) heç bir şey sayılmadı”. (Buxari 5262, Muslim 3761, 1476/24)
Yüklə 5,61 Mb. Dostları ilə paylaş:
|