Azərbaycan Respublikası Prezidentinin Sərəncamı

    

Səhiyyə sistemindəki 

inkişafına görə dünyanın 

ən qabaqcıl ölkələrindən 

sayılan İsrailin mütəxəssisləri 

Azərbaycan Tibb Universitetində 

mühazirə deyiblər.

Tədbirdə ATU-nun beynəlxalq işlər 

üzrə prorektoru Rəhimə Qabulova giriş 

nitqi ilə çıxış edərək İsraildən təşrif 

buyurmuş qonaqları auditoriyaya təqdim 

etdi. Qeyd olundu ki, Ben-Gurion 

Universitetinin təmsilçiləri 2 gündür 

ATU-nun qonağıdırlar. Onlar universi-

tetin tədris binaları, klinikaları, tələbə 

şəhərciyini gəziblər, ATU nəzdindəki 

tibbi müəssisələrin fəaliyyəti ilə yaxın-

dan tanış olublar.

 Sonra Ben-Gurion Universitetinin 

Tibb elmləri fakültəsinin rəhbəri, kardi-

ologiya üzrə professor Amos Katz təmsil 

etdiyi institut haqqında qısa təqdimatla 

çıxış etdi.

 İştirakçılarda böyük maraq doğuran 

prezentasiyada universitet haqqında 

ümumi məlumatla yanaşı, Ben Gurio-

nun tibb elmləri fakültəsinin fəaliyyəti, 

burada aparılan strateji planlaşdırma 

barəsində geniş məlumatlar yer almışdı.

 Qonaq çıxışının sonunda Ben-Gurion 

Universitetində mövcud təhsil və tədris 

sistemi, kurikulum vəziyyətindən da-

nışdı.

Daha sonra ATU-nun tədris hissə 

müdiri, dosent Nəsimi Qasımov 

Azərbaycanda tibb təhsili verən yeganə 

universitetin tədris sistemi haqqında 

geniş mühazirə ilə çıxış etdi. ATU-nun 

tədris-metodik innovasiyalar şöbəsinin 

müdiri, professor Akif Qurbanov isə 

universitetdə imtahanlara hazırlıq, sınaq 

prosesinin gedişi və bu il ilk dəfə dövlət 

imtahanlarında tətbiq edilən OSKİ 

sistemi haqqında tədbir iştirakçılarını 

məlumatlandırdı.

 Sonda qonaqlar tədbir iştirakçılarını 

maraqlandıran sualları da cavablandır-

dılar.