Namazlıq (canamaz) xüsusi olaraq namaz qılanlar üçün nəzərdə tutulduğundan xeyli
kiçik ölçüdə (1x 0,8 m), həm də yüngül olsun deyə nazik toxunurdu. Xalçanın bu növü fərdi
səciyyə daşıdığından çox vaxt sifarişlə toxutdurulurdu. Taxtüstü kimi, canamaz da, adətən, satışa
çıxarılmırdı. Namazlığın bəzək tərtibatında «mehrab» nəqş motivi üstünlük təşkil edirdi.
Yəhər xalçası. «Qacarı» və ya «yəhərüstü» adlanan yəhər xalçası da çox vaxt sifarişlə
toxutdurulurdu. Yəhərin ölçüsünə müvafiq olaraq, yəhər xalçası xırda toxunmaqdan əlavə, həm
də onun ön hissəsində yəhərin qaşına keçirilmək üçün balaca yarıq qoyulur, ətraflarından isə
saçaqlar sallanırdı.
